॥ Ganeshashtakam 3 Gujarati Lyrics ॥
॥ ગણેશાષ્ટકમ્ ૩ ॥
ગજવદન ગણેશ ત્વં વિભો વિશ્વમૂર્તે!
હરસિ સકલવિઘ્નાન્ વિઘ્નરાજ પ્રજાનામ્ ।
ભવતિ જગતિ પૂજા પૂર્વમેવ ત્વદીયા
વરદવર કૃપાલો ચન્દ્રમૌલે પ્રસીદ ॥ ૧ ॥
સપદિ સકલવિઘ્નાં યાન્તિ દૂરે દયાલો
તવ શુચિ રુચિરં સ્યાન્નામસઙ્કીર્તનં ચેત્ ।
અત ઇહ મનુજાસ્ત્વાં સર્વકાર્યે સ્મરન્તિ
વરદવર કૃપાલો ચન્દ્રમૌલે પ્રસીદ ॥ ૨ ॥
સકલદુરિતહન્તુઃ ત સ્વર્ગમોક્ષાદિદાતુઃ
સુરરિપુવધકર્ત્તુઃ સર્વવિઘ્નપ્રહર્ત્તુઃ ।
તવ ભવતિ કૃપાતોઽશેષ-સમ્પત્તિલાભો
વરદવર કૃપાલો ચન્દ્રમૌલે પ્રસીદ ॥ ૩ ॥
તવ ગણપ ગુણાનાં વર્ણને નૈવ શક્તા
જગતિ સકલવન્દ્યા શારદા સર્વકાલે ।
તદિતર મનુજાનાં કા કથા ભાલદૃષ્ટે
વરદવર કૃપાલો ચન્દ્રમૌલે પ્રસીદ ॥ ૪ ॥
બહુતરમનુજૈસ્તે દિવ્યનામ્નાં સહસ્રૈઃ ।
સ્તુતિહુતિકરણેન પ્રાપ્યતે સર્વસિદ્ધિઃ ।
વિધિરયમખિલો વૈ તન્ત્રશાસ્ત્રે પ્રસિદ્ધઃ
વરદવર કૃપાલો ચન્દ્રમૌલે પ્રસીદ ॥ ૫ ॥
ત્વદિતરદિહ નાસ્તે સચ્ચિદાનન્દમૂર્ત્તે
ઇતિ નિગદતિ શાસ્ત્રં વિશ્વરૂપં ત્રિનેત્ર ।
ત્વમસિ હરિરથ ત્વં શઙ્કરસ્ત્વં વિધાતા
વરદવર કૃપાલો ચન્દ્રમૌલેઃ પ્રસીદ ॥ ૬ ॥
સકલસુખદ માયા યા ત્વદીયા પ્રસિદ્ધા
શશધરધરસૂને ત્વં તયા ક્રીડસીહ ।
નટ ઇવ બહુવેષં સર્વદા સંવિધાય
વરદવર કૃપાલો ચન્દ્રમૌલે પ્રસીદ ॥ ૭ ॥
ભવ ઇહ પુરતસ્તે પાત્રરૂપેણ ભર્ત્તઃ
બહુવિધનરલીલાં ત્વાં પ્રદર્શ્યાશુ યાચે ।
સપદિ ભવસમુદ્રાન્માં સમુદ્ધારયસ્વ
વરદવર કૃપાલો ચન્દ્રમૌલે પ્રસીદ ॥ ૮ ॥
અષ્ટકં ગણનાથસ્ય ભક્ત્યા યો માનવઃ પઠેત્
તસ્ય વિઘ્નાઃ પ્રણશ્યન્તિ ગણેશસ્ય પ્રસાદતઃ ॥ ૯ ॥
ઇતિ જગદ્ગુરુ-શઙ્કરાચાર્ય-સ્વામિશ્રીશાન્તાનન્દસરસ્વતી-શિષ્ય-
સ્વામિ- શ્રીમદનન્તાનન્દસરસ્વતીવિરચિતં ગણેશાષ્ટકં સમ્પૂર્ણમ્ ।
– Chant Stotra in Other Languages –
Sri Ganapathi Slokam » Sankashtaharanam Ganeshashtakam Lyrics in Sanskrit » English » Bengali » Kannada » Malayalam » Odia » Telugu » Tamil