॥ Ganeshashtakam Telugu Lyrics ॥
॥ గణేశాష్టకమ్ ॥
యతోఽనన్తశక్తేరనన్తాశ్చ జీవా
యతో నిర్గుణాదప్రమేయా గుణాస్తే ।
యతో భాతి సర్వం త్రిధా భేదభిన్నం
సదా తం గణేశం నమామో భజామః ॥ ౧ ॥
యతశ్చావిరాసీజ్జగత్సర్వమేత-
త్తథాబ్జాసనో విశ్వగో విశ్వగోప్తా ।
తథేన్ద్రాదయో దేవసఙ్ఘా మనుష్యాః
సదా తం గణేశం నమామో భజామః ॥ ౨ ॥
యతో వహ్నిభానూ భవో భూర్జలం చ
యతః సాగరాశ్చన్ద్రమా వ్యోమ వాయుః ।
యతః స్థావరా జఙ్గమా వృక్షసఙ్ఘా-
స్సదా తం గణేశం నమామో భజామః ॥ ౩ ॥
యతో దానవా కిన్నరా యక్షసఙ్ఘా
యతశ్చారణా వారణా శ్వాపదాశ్చ ।
యతః పక్షికీటా యతో వీరుధశ్చ
సదా తం గణేశం నమామో భజామః ॥ ౪ ॥
యతో బుద్ధిరజ్ఞాననాశో ముముక్షోః
యతః సమ్పదో భక్తసన్తోషికాః స్యుః ।
యతో విఘ్ననాశో యతః కార్యసిద్ధిః
సదా తం గణేశం నమామో భజామః ॥ ౫ ॥
యతః పుత్రసమ్పద్యతో వాఞ్ఛితార్థో
యతోఽభక్తవిఘ్నాస్తథానేకరూపాః ।
యతః శోకమోహౌ యతః కామ ఏవ
సదా తం గణేశం నమామో భజామః ॥ ౬ ॥
యతోఽనన్తశక్తిః స శేషో బభూవ
ధరాధారణేఽనేకరూపే చ శక్తః ।
యతోఽనేకధా స్వర్గలోకా హి నానా
సదా తం గణేశం నమామో భజామః ॥ ౭ ॥
యతో వేదవాచో వికుణ్ఠా మనోభిః
సదా నేతి నేతీతి యత్తా గృణన్తి ।
పరబ్రహ్మరూపం చిదానన్దభూతం
సదా తం గణేశం నమామో భజామః ॥ ౮ ॥
ఫలశ్రుతిః ।
పునరూచే గణాధీశః స్తోత్రమేతత్పఠేన్నరః ।
త్రిసన్ధ్యం త్రిదినం తస్య సర్వకార్యం భవిష్యతి ॥ ౯ ॥
యో జపేదష్టదివసం శ్లోకాష్టకమిదం శుభమ్ ।
అష్టవారం చతుర్థ్యాం తు సోఽష్టసిద్ధీరవాప్నుయాత్ ॥ ౧౦ ॥
యః పఠేన్మాసమాత్రం తు దశవారం దినే దినే ।
స మోచయేద్బన్ధగతం రాజవధ్యం న సంశయః ॥ ౧౧ ॥
విద్యాకామో లభేద్విద్యాం పుత్రార్థీ పుత్రమాప్నుయాత్ ।
వాఞ్ఛితాన్ లభతే సర్వానేకవింశతివారతః ॥ ౧౨ ॥
యో జపేత్పరయా భక్త్యా గజాననపదో నరః ।
ఏవముక్త్వా తతో దేవశ్చాన్తర్ధానం గతః ప్రభుః ॥ ౧౩ ॥
– Chant Stotra in Other Languages –
Sri Ganapathi Slokam » Ganeshashtakam Lyrics in Sanskrit » English » Bengali » Gujarati » Kannada » Malayalam » Odia » Tamil