॥ Vishwakarma Ashtakam 2 Bengali Lyrics ॥
॥ শ্রীবিশ্বকর্মাষ্টকম্ ২ ॥
আদিরূপ নমস্তুভ্যং নমস্তুভ্যং পিতামহ ।
বিরাটাখ্য নমস্তুভ্যং বিশ্বকর্মন্নমোনমঃ ॥ ১ ॥
আকৃতিকল্পনানাথস্ত্রিনেত্রী জ্ঞাননায়কঃ ।
সর্বসিদ্ধিপ্রদাতা ত্বং বিশ্বকর্মন্নমোনমঃ ॥ ২ ॥
পুস্তকং জ্ঞানসূত্রং চ কম্বী সূত্রং কমণ্ডলুম্ ।
ধৃত্বা সংমোহনং দেব বিশ্বকর্মন্নমোনমঃ ॥ ৩ ॥
বিশ্বাত্মা ভূতরূপেণ নানাকষ্টসংহারক ।
তারকানাদিসংহারাদ্বিশ্বকর্মন্নমোনমঃ ॥ ৪ ॥
ব্রহ্মাণ্ডাখিলদেবানাং স্থানং স্বর্ভূতলং তলম্ ।
লীলয়া রচিতং য়েন বিশ্বরূপায় তে নমঃ ॥ ৫ ॥
বিশ্বব্যাপিন্নমস্তুভ্যং ত্র্যম্বকং হংসবাহনম্ ।
সর্বক্ষেত্রনিবাসাখ্যং বিশ্বকর্মন্নমোনমঃ ॥ ৬ ॥
নিরাভাসায় নিত্যায় সত্যজ্ঞানান্তরাত্মনে ।
বিশুদ্ধায় বিদূরায় বিশ্বকর্মন্নমোনমঃ ॥ ৭ ॥
নমো বেদান্তবেদ্যায় বেদমূলনিবাসিনে ।
নমো বিবিক্তচেষ্টায় বিশ্বকর্মন্নমোনমঃ ॥ ৮ ॥
য়ো নরঃ পঠতে নিত্যং বিশ্বকর্মাষ্টকমিদম্ ।
ধনং ধর্মং চ পুত্রশ্চ লভেদান্তে পরাং গতিম্ ॥ ৯ ॥
ইতি বিশ্বকর্মাষ্টকং সম্পূর্ণম্ ।
– Chant Stotra in Other Languages –
Biswakarma Ashtakam 2 » Vishwakarma Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil