॥ Sri Tripurarnavokta Varganta Stotram Bengali Lyrics ॥
॥ শ্রীত্রিপুরার্ণবোক্তবর্গান্তস্তোত্রং ॥
ক্ষ্মাম্ব্বগ্নীরণখার্কেন্দুয়ষ্ট্টপ্রায়য়ুগাক্ষরৈঃ ।
মাতৃভৈরবগাং বন্দে দেবীং ত্রিপুরভৈরবীম্ ॥ ১ ॥
কাদিবর্গাষ্টকাকারসমস্তাষ্টকবিগ্রহাম্ ।
অষ্টশক্ত্যাবৃতাং বন্দে দেবীং ত্রিপুরভৈরবীম্ ॥ ২ ॥
স্বরষোডশকানাং তু ষট্ ত্রিংশদ্ভিঃ পরাপরৈঃ ।
ষট্ ত্রিংশত্তত্বগাং বন্দে দেবীং ত্রিপুরভৈরবীম্ ॥ ৩ ॥
ষট্ ত্রিংশত্তত্বসংস্থাপ্যশিবচন্দ্রকলাস্বপি ।
কাদিতত্ত্বান্তরাং বন্দে দেবীং ত্রিপুরভৈরবীম্ ॥ ৪ ॥
আ ঈ মায়া দ্বয়োপাধিবিচিত্রেন্দুকলাবতীম্ ।
সর্বাত্মিকাং পরাং বন্দে দেবীং ত্রিপুরভৈরবীম্ ॥ ৫ ॥
ষডধ্বপিণ্ডয়োনিস্থাং মণ্ডলত্রয়কুণ্ডলীম্ ।
লিঙ্গত্রয়াতিগাং বন্দে দেবীং ত্রিপুরভৈরবীম্ ॥ ৬ ॥
স্বয়ম্ভূহৃদয়াং বাণভ্রূকামান্তঃস্থিতেতরাম্ ।
প্রাচ্যাং প্রত্যক্চিতিং বন্দে দেবীং ত্রিপুরভৈরবীম্ ॥ ৭ ॥
অক্ষরান্তর্গতাশেষনামরূপাং ক্রিয়াপরাম্ ।
শক্তিং বিশ্বেশ্বরীং বন্দে দেবীং ত্রিপুরভৈরবীম্ ॥ ৮ ॥
বর্গান্তে পঠিতব্যং স্যাত্ স্তোত্রমেতত্সমাহিতৈঃ ।
সর্বান্ কামানবাপ্নোতি অন্তে সায়ুজ্যমাপ্নুয়াত্ ॥ ৯ ॥
ইতি শ্রীত্রিপুরার্ণবোক্তবর্গান্তস্তোত্রং সম্পূর্ণম্ ।
– Chant Stotra in Other Languages –
Sri Tripurarnavokta Varganta Stotram Lyrics in Sanskrit » English » Gujarati » Kannada » Malayalam » Odia » Telugu » Tamil