॥ Sri Veda Vyasa Ashtakam Bengali Lyrics ॥
॥ শ্রীবেদব্যাসাষ্টকম্ ॥
কলিমলাস্তবিবেকদিবাকরং সমবলোক্য তমোবলিতং জনম্ ।
করুণয়া ভুবি দর্শিতবিগ্রহং মুনিবরং গুরুব্যাসমহং ভজে ॥ ১ ॥
ভরতবংশসমুদ্ধরণেচ্ছয়া স্বজননীবচসা পরিনোদিতঃ ।
অজনয়ত্তনয়ত্রিতয়ং প্রভুঃ শুকনুতং গুরুব্যাসমহং ভজে ॥ ২ ॥
মতিবলাদি নিরীক্ষ্য কলৌ নৃণাং লঘুতরং কৃপয়া নিগমাম্বুধেঃ ।
সমকরোদিহ ভাগমনেকধা শ্রুতিপতিং গুরুব্যাসমহং ভজে ॥ ৩ ॥
সকলধর্মনিরূপণসাগরং বিবিধচিত্রকথাসমলঙ্কৃতম্ ।
ব্যরচয়চ্চ পুরাণকদম্বকং কবিবরং গুরুব্যাসমহং ভজে ॥ ৪ ॥
শ্রুতিবিরোধসমন্বয়দর্পণং নিখিলবাদিমতান্ধ্যবিদারণম্ ।
গ্রথিতবানপি সূত্রসমূহকং মুনিসুতং গুরুব্যাসমহং ভজে ॥ ৫ ॥
য়দনুভাববশেন দিবঙ্গতঃ সমধিগম্য মহাস্ত্রসমুচ্চয়ম্ ।
কুরূচমূমজয়দ্বিজয়ো দ্রুতং দ্যুতিধরং গুরুব্যাসমহং ভজে ॥ ৬ ॥
সমরবৃত্তবিবোধসমীহয়া কুরুবরেণ মুদা কৃতয়াচনঃ ।
সপতিসূতমদাদমলেক্ষণং কলিহরং গুরুব্যাসমহং ভজে ॥ ৭ ॥
বননিবাসপরৌ কুরুদম্পতি সুতশুচা তপসা চ বিকর্শিতৌ ।
মৃততনূজগণং সমদর্শয়ন্ শরণদং গুরুব্যাসমহং ভজে ॥ ৮ ॥
ব্যাসাষ্টকমিদং পুণ্যং ব্রহ্মানন্দেন কীর্তিতম্ ।
য়ঃ পঠেন্মনুজো নিত্যং স ভবেচ্ছাস্ত্রপারগঃ ॥
– Chant Stotra in Other Languages –
Guru Stotram » Sri Veda Vyasa Ashtakam Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil