॥ Chaitanya Ashtakam 2 Telugu Lyrics ॥
॥ చైతన్యాష్టకమ్ ౨ ॥
అథ శ్రీచైతన్యదేవస్య ద్వితీయాష్టకం
కలౌ యం విద్వాంసః స్ఫుటమభియజన్తే ద్యుతిభరాద్
అకృష్ణాఙ్గం కృష్ణం మఖవిధిభిరుత్కీర్తనమయైః ।
ఉపాస్యం చ ప్రాహుర్యమఖిలచతుర్థాశ్రమజుషాం
స దేవశ్చైతన్యాకృతిరతితరాం నః కృపయతు ॥ ౧॥
చరిత్రం తన్వానః ప్రియమఘవదాహ్లాదనపదం
జయోద్ఘోషైః సమ్యగ్విరచితశచీశోకహరణః ।
ఉదఞ్చన్మార్తణ్డద్యుతిహరదుకూలాఞ్చితకటిః
స దేవశ్చైతన్యాకృతిరతితరాం నః కృపయతు ॥ ౨॥
అపారం కస్యాపి ప్రణయిజనవృన్దస్య కుతుకీ
రసస్తోమం హృత్వా మధురముపభోక్తుం కమపి యః ।
రుచిం స్వామావవ్రే ద్యుతిమిహ తదీయాం ప్రకటయన్
స దేవశ్చైతన్యాకృతిరతితరాం నః కృపయతు ॥ ౩॥
అనారాధ్యః ప్రీత్యా చిరమసురభావప్రణయినాం
ప్రపన్నానాం దైవీం ప్రకృతిమధిదైవం త్రిజగతి ।
అజస్రం యః శ్రీమాన్ జయతి సహజానన్దమధురః
స దేవశ్చైతన్యాకృతిరతితరాం నః కృపయతు ॥ ౪॥
గతిర్యః పౌణ్డ్రాణాం ప్రకటితనవద్వీపమహిమా
భవేనాలఙ్కుర్వన్ భువనమహితం శ్రోత్రియకులమ్ ।
పునాత్యఙ్గీకారాద్ భువి పరమహంసాశ్రమపదం
స దేవశ్చైతన్యాకృతిరతితరాం నః కృపయతు ॥ ౫॥
ముఖేనాగ్రే పీత్వా మధురమిహ నామామృతరసం
దృశోర్ద్వారా యస్తం వమతి ఘనబాష్పామ్బుమిషతః ।
భువి ప్రేమ్ణస్తత్త్వం ప్రకటయితుముల్లాసితతనుః
స దేవశ్చైతన్యాకృతిరతితరాం నః కృపయతు ॥ ౬॥
తనూమావిష్కుర్వన్నవపురటభాసం కటిలసత్
కరఙ్కాలఙ్కారస్తరుణగజరాజాఞ్చితగతిః ।
ప్రియేభ్యో యః శిక్షాం దిశతి నిజనిర్మాల్యరుచిభిః
స దేవశ్చైతన్యాకృతిరతితరాం నః కృపయతు ॥ ౭॥
స్మితాలోకః శోకం హరతి జగతాం యస్య పరితో
గిరాం తు ప్రారమ్భః కుశలీపటలీం పల్లవయతి ।
పదాలమ్బః కం వా ప్రణయతి నహి ప్రేమనివహం
స దేవశ్చైతన్యాకృతిరతితరాం నః కృపయతు ॥ ౮॥
శచీసూనోః కీరిత్స్తవకనవసౌరభ్యనివిడం
పుమాన్ యః ప్రీతాత్మా పఠతి కిల పద్యాష్టకమిదమ్ ।
స లక్ష్మీవాన్ ఏతం నిజపదసరోజే ప్రణయితాం
దదానః కల్యాణీమనుపదమబాధం సుఖయతు ॥ ౯॥
ఇతి శ్రీరూపగోస్వామివిరచితస్తవమాలాయాం చైతన్యాష్టకం ద్వితీయం సమ్పూర్ణమ్ ।
– Chant Stotra in Other Languages –
Sri Krishna Slokam » Chaitanya Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil