॥ Sri Tripurarnavokta Varganta Stotram Gujarati Lyrics ॥
॥ શ્રીત્રિપુરાર્ણવોક્તવર્ગાન્તસ્તોત્રં ॥
ક્ષ્મામ્બ્વગ્નીરણખાર્કેન્દુયષ્ટ્ટપ્રાયયુગાક્ષરૈઃ ।
માતૃભૈરવગાં વન્દે દેવીં ત્રિપુરભૈરવીમ્ ॥ ૧ ॥
કાદિવર્ગાષ્ટકાકારસમસ્તાષ્ટકવિગ્રહામ્ ।
અષ્ટશક્ત્યાવૃતાં વન્દે દેવીં ત્રિપુરભૈરવીમ્ ॥ ૨ ॥
સ્વરષોડશકાનાં તુ ષટ્ ત્રિંશદ્ભિઃ પરાપરૈઃ ।
ષટ્ ત્રિંશત્તત્વગાં વન્દે દેવીં ત્રિપુરભૈરવીમ્ ॥ ૩ ॥
ષટ્ ત્રિંશત્તત્વસંસ્થાપ્યશિવચન્દ્રકલાસ્વપિ ।
કાદિતત્ત્વાન્તરાં વન્દે દેવીં ત્રિપુરભૈરવીમ્ ॥ ૪ ॥
આ ઈ માયા દ્વયોપાધિવિચિત્રેન્દુકલાવતીમ્ ।
સર્વાત્મિકાં પરાં વન્દે દેવીં ત્રિપુરભૈરવીમ્ ॥ ૫ ॥
ષડધ્વપિણ્ડયોનિસ્થાં મણ્ડલત્રયકુણ્ડલીમ્ ।
લિઙ્ગત્રયાતિગાં વન્દે દેવીં ત્રિપુરભૈરવીમ્ ॥ ૬ ॥
સ્વયમ્ભૂહૃદયાં બાણભ્રૂકામાન્તઃસ્થિતેતરામ્ ।
પ્રાચ્યાં પ્રત્યક્ચિતિં વન્દે દેવીં ત્રિપુરભૈરવીમ્ ॥ ૭ ॥
અક્ષરાન્તર્ગતાશેષનામરૂપાં ક્રિયાપરામ્ ।
શક્તિં વિશ્વેશ્વરીં વન્દે દેવીં ત્રિપુરભૈરવીમ્ ॥ ૮ ॥
વર્ગાન્તે પઠિતવ્યં સ્યાત્ સ્તોત્રમેતત્સમાહિતૈઃ ।
સર્વાન્ કામાનવાપ્નોતિ અન્તે સાયુજ્યમાપ્નુયાત્ ॥ ૯ ॥
ઇતિ શ્રીત્રિપુરાર્ણવોક્તવર્ગાન્તસ્તોત્રં સમ્પૂર્ણમ્ ।
– Chant Stotra in Other Languages –
Sri Tripurarnavokta Varganta Stotram Lyrics in Sanskrit » English » Bengali » Kannada » Malayalam » Odia » Telugu » Tamil