॥ Nanda Nandana Ashtakam Telugu Lyrics ॥
॥ శ్రీ నన్ద నన్దనాష్టకమ్ ॥
సుచారువక్త్రమణ్డలం సుకర్ణరత్నకుణ్డలమ్ ।
సుచర్చితాఙ్గచన్దనం నమామి నన్దనన్దనమ్ ॥ ౧ ॥
సుదీర్ఘనేత్రపఙ్కజం శిఖీశిఖణ్డమూర్ధజమ్ ।
అనన్తకోటిమోహనం నమామి నన్దనన్దనమ్ ॥ ౨ ॥
సునాసికాగ్రమౌక్తికం స్వచ్ఛదన్తపఙ్క్తికమ్ ।
నవామ్బుదాఙ్గచిక్కణం నమామి నన్దనన్దనమ్ ॥ ౩ ॥
కరేణవేణురఞ్జితం గతిః కరీన్ద్రగఞ్జితమ్ ।
దుకూలపీతశోభనం నమామి నన్దనన్దనమ్ ॥ ౪ ॥
త్రిభఙ్గదేహసున్దరం నఖద్యుతిః సుధాకరమ్ ।
అమూల్యరత్నభూషణం నమామి నన్దనన్దనమ్ ॥ ౫ ॥
సుగన్ధ అఙ్గసౌరభం ఉరో విరాజి కౌస్తుభమ్ ।
స్ఫురత్ శ్రీవత్సలాఞ్ఛనం నమామి నన్దనన్దనమ్ ॥ ౬ ॥
వృన్దావనసునాగరం విలాసానుగవాససమ్ ।
సురేన్ద్రగర్వమోచనం నమామి నన్దనన్దనమ్ ॥ ౭ ॥
వ్రజాఙ్గనాసునాయకం సదా సుఖప్రదాయకమ్ ।
జగన్మనఃప్రలోభనం నమామి నన్దనన్దనమ్ ॥ ౮ ॥
శ్రీనన్దనన్దనాష్టకం పఠేద్యః శ్రద్ధయాన్వితః ।
తరేద్భవాబ్ధిదుస్తరం లభేత్తదఙ్ఘ్రియుక్తకమ్ ॥
ఇతి శ్రీనన్దనన్దనాష్టకం సమ్పూర్ణమ్ ।
– Chant Stotra in Other Languages –
Sri Krishna Slokam » Nanda Nandana Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil