॥ River Narmadashtakam Malayalam Lyrics ॥
॥ നര്‍മദാഷ്ടക ॥
സബിന്ദുസിന്ധുസുസ്ഖലത്തരങ്ഗഭങ്ഗരഞ്ജിതം
ദ്വിഷത്സു പാപജാതജാതകാദിവാരിസംയുതം ।
കൃതാന്തദൂതകാലഭൂതഭീതിഹാരിവര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 1 ॥
ത്വദംബുലീനദീനമീനദിവ്യസമ്പ്രദായകം
കലൌ മലൌഘഭാരഹാരിസര്‍വതീര്‍ഥനായകം ।
സുമച്ഛകച്ഛനക്രചക്രവാകചക്രശര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 2 ॥
മഹാഗഭീരനീരപൂരപാപധൂതഭൂതലം
ധ്വനത്സമസ്തപാതകാരിദാരിതാപദാചലം ।
ജഗല്ലയേ മഹാഭയേ മൃകണ്ഡുസൂനുഹര്‍ംയദേ
ത്വദീയപാദപങ്കജം നമാമി ദേവി നര്‍മദേ ॥ 3 ॥
ഗതം തദൈവ മേ ഭയം ത്വദംബു വീക്ഷിതം യദാ
മൃകണ്ഡുസൂനുശൌനകാസുരാരിസേവിതം സദാ ।
പുനര്‍ഭവാബ്ധിജന്‍മജം ഭവാബ്ധിദുഃഖവര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 4 ॥
അലക്ഷ്യലക്ഷകിന്നരാമരാസുരാദിപൂജിതം
സുലക്ഷനീരതീരധീരപക്ഷിലക്ഷകൂജിതം ।
വസിഷ്ഠശിഷ്ടപിപ്പലാദികര്‍ദമാദിശര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 5 ॥
സനത്കുമാരനാചികേതകശ്യപാത്രിഷത്പദൈഃ
ധൃതം സ്വകീയമാനസേഷു നാരദാദിഷതപദൈഃ ।
രവീന്ദുരന്തിദേവദേവരാജകര്‍മശര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 6 ॥
അലക്ഷലക്ഷലക്ഷപാപലക്ഷസാരസായുധം
തതസ്തു ജീവജന്തുതന്തുഭുക്തിമുക്തിദായകം ।
വിരിഞ്ചിവിഷ്ണുശംകരസ്വകീയധാമവര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 7 ॥
അഹോ ധൃതം സ്വനം ശ്രുതം മഹേശികേശജാതടേ
കിരാതസൂതബാഡബേഷു പണ്ഡിതേ ശഠേ നടേ ।
ദുരന്തപാപതാപഹാരി സര്‍വജന്തുശര്‍മദേ
ത്വദീയപാദപങ്കജം നമാമി ദേവി നര്‍മദേ ॥ 8 ॥
ഇദം തു നര്‍മദാഷ്ടകം ത്രികാലമേവ യേ സദാ
പഠന്തി തേ നിരന്തരം ന യന്തി ദുര്‍ഗതിം കദാ ।
സുലഭ്യദേഹദുര്ലഭം മഹേശധാമഗൌരവം
പുനര്‍ഭവാ നരാ ന വൈ വിലോകയന്തി രൌരവം ॥ 9 ॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
നര്‍മദാഷ്ടകം സമ്പൂര്‍ണം ॥
– Chant Stotra in Other Languages –
Hymn to River Narmada Lyrics in Sanskrit » English » Bengali » Gujarati » Kannada » Odia » Telugu » Tamil