॥ Sri Pavanaja Ashtakam Bengali Lyrics ॥
॥ শ্রীপবনজাষ্টকম্ ॥
ভবভয়াপহং ভারতীপতিং ভজকসৌখ্যদং ভানুদীধিতিম্ ।
ভুবনসুন্দরং ভূতিদং হরিং ভজত সজ্জনা মারুতাত্মজম্ ॥ ১ ॥
অমিতবিক্রমং হ্যঞ্জনাসুতং ভয়বিনাশনং ত্বব্জলোচনম্ ।
অসুরঘাতিনং হ্যব্ধিলঙ্ঘিনং ভজত সজ্জনা মারুতাত্মজম্ ॥ ২ ॥
পরভয়ঙ্করং পাণ্ডুনন্দনং পতিতপাবনং পাপহারিণম্ ।
পরমসুন্দরং পঙ্কজাননং ভজত সজ্জনা মারুতাত্মজম্ ॥ ৩ ॥
কলিবিনাশকং কৌরবান্তকং কলুষসংহরং কামিতপ্রদম্ ।
কুরুকুলোদ্ভবং কুম্ভিণীপতিং ভজত সজ্জনা মারুতাত্মজম্ ॥ ৪ ॥
মতবিবর্ধনং মায়িমর্দনং মণিবিভঞ্জনং মধ্বনামকম্ ।
মহিতসন্মতিং মানদায়কং ভজত সজ্জনা মারুতাত্মজম্ ॥ ৫ ॥
দ্বিজকুলোদ্ভবং দিব্যবিগ্রহং দিতিজহারিণং দীনরক্ষকম্ ।
দিনকরপ্রভং দিব্যমানসং ভজত সজ্জনা মারুতাত্মজম্ ॥ ৬ ॥
কপিকুলোদ্ভবং কেসরীসুতং ভরতপঙ্কজং ভীমনামকম্ ।
বিবুধবন্দিতং বিপ্রবংশজং ভজত সজ্জনা মারুতাত্মজম্ ॥ ৭ ॥
পঠতি য়ঃ পুমান্ পাপনাশকং পবনজাষ্টকং পুণ্যবর্ধনম্ ।
পরমসৌখ্যদং জ্ঞানমুত্তমং ভুবি সুনির্মলং য়াতি সম্পদম্ ॥ ৮ ॥
– Chant Stotra in Other Languages –
Lord Hanuman Slokam » Sri Pavanaja Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil