॥ Pashupatya Ashtakam Bengali Lyrics ॥
॥ পশুপত্যাষ্টকং ॥
ধ্যানম্ ।
ধ্যায়েন্নিত্যং মহেশং রজতগিরিনিভং চারুচন্দ্রাবতংসং
রত্নাকল্পোজ্জ্বলাঙ্গং পরশুমৃগবরাভীতিহস্তং প্রসন্নম্ ।
পদ্মাসীনং সমন্তাত্স্তুতমমরগণৈর্ব্যাঘ্রকৃত্তিং বসানং
বিশ্বাদ্যং বিশ্ববীজং নিখিলভয়হরং পঞ্চবক্ত্রং ত্রিনেত্রম্ ॥
স্তোত্রম্ ।
পশুপতীন্দুপতিং ধরণীপতিং ভুজগলোকপতিং চ সতী পতিম্ ॥
গণত ভক্তজনার্তি হরং পরং ভজত রে মনুজা গিরিজাপতিম্ ॥ ১ ॥
ন জনকো জননী ন চ সোদরো ন তনয়ো ন চ ভূরিবলং কুলম্ ॥
অবতি কোঽপি ন কালবশং গতং ভজত রে মনুজা গিরিজাপতিম্ ॥ ২ ॥
মুরজডিণ্ডিবাদ্যবিলক্ষণং মধুরপঞ্চমনাদবিশারদম্ ॥
প্রথমভূত গণৈরপি সেবিতং ভজত রে মনুজা গিরিজাপতিম্ ॥ ৩ ॥
শরণদং সুখদং শরণান্বিতং শিব শিবেতি শিবেতি নতং নৃণাম্ ॥
অভয়দং করুণা বরুণালয়ং ভজত রে মনুজা গিরিজাপতিম্ ॥ ৪ ॥
নরশিরোরচিতং মণিকুণ্ডলং ভুজগহারমুদং বৃষভধ্বজম্ ॥
চিতিরজোধবলী কৃত বিগ্রহং ভজত রে মনুজা গিরিজাপতিম্ ॥ ৫ ॥
মুখবিনাশঙ্করং শশিশেখরং সততমঘ্বরং ভাজি ফলপ্রদম্ ॥
প্রলয়দগ্ধসুরাসুরমানবং ভজত রে মনুজা গিরিজাপতিম্ ॥ ৬ ॥
মদম পাস্য চিরং হৃদি সংস্থিতং মরণ জন্ম জরা ভয় পীডিতম্ ॥
জগদুদীক্ষ্য সমীপভয়াকুলং ভজত রে মনুজা গিরিজাপতিম্ ॥ ৭ ॥
হরিবিরিঞ্চিসুরাধিংপ পূজিতং য়মজনেশধনেশনমস্কৃতম্ ॥
ত্রিনয়নং ভুবন ত্রিতয়াধিপং ভজত রে মনুজা গিরিজাপতিম্ ॥ ৮ ॥
পশুপতেরিদমষ্টকমদ্ভুতং বিরিচিত পৃথিবী পতি সূরিণা ॥
পঠতি সংশৃনুতে মনুজঃ সদা শিবপুরিং বসতে লভতে মুদম্ ॥ ৯ ॥
– Chant Stotra in Other Languages –
Lord Shiva Slokam » Pashupatya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil