॥ Pushkara Ashtakam Malayalam Lyrics ॥
॥ പുഷ്കരാഷ്ടകം ॥
ശ്രീഗണേശായ നമഃ ॥
ശ്രിയായുതം ത്രിദേഹതാപപാപരാശിനാശകം
മുനീന്ദ്രസിദ്ധസാധ്യദേവദാനവൈരഭിഷ്ടുതം ।
തടേസ്തി യജ്ഞപര്‍വതസ്യ മുക്തിദം സുഖാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 1 ॥
സദാര്യമാസശുഷ്കപഞ്ചവാസരേ വരാഗതം
തദന്യഥാന്തരിക്ഷഗം സുതന്ത്രഭാവനാനുഗം ।
തദംബുപാനമജ്ജനം ദൃശാം സദാമൃതാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 2 ॥
ത്രിപുഷ്കര ത്രിപുഷ്കര ത്രിപുഷ്കരേതി സംസ്മരേത്-
സ ദൂരദേശഗോഽപി യസ്തദങ്ഗപാപനാശനം ।
പ്രപന്നദുഃഖഭഞ്ജനം സുരഞ്ജനം സുധാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 3 ॥
മൃകണ്ഡുമങ്കണൌ പുലസ്ത്യകണ്വപര്‍വതാസിതാ
അഗസ്ത്യഭാര്‍ഗവൌ ദധീചിനാരദൌ ശുകാദയഃ।
സപദ്മതീര്‍ഥപാവനൈകദ്ദഷ്ട്യോ ദയാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 4 ॥
സദാ പിതാമഹേക്ഷിതം വരാഹവിഷ്ണുനേക്ഷിതം
തഥാഽമരേശ്വരേക്ഷിതം സുരാസുരൈഃ സമീക്ഷിതം ।
ഇഹൈവ ഭുക്തിമുക്തിദം പ്രജാകരം ഘനാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 5 ॥
ത്രിദണ്ഡിദണ്ഡിബ്രഹ്മചാരിതാപസൈഃ സുസേവിതം
പുരാര്‍ധചന്ദ്രപ്രാപ്തദേവനന്ദികേശ്വരാഭിധൈഃ ।
സവൈദ്യനാഥനീലകണ്ഠസേവിതം സുധാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 6 ॥
സുപഞ്ചധാ സരസ്വതീ വിരാജതേ യദന്ത്തരേ
തഥൈകയോജനായതം വിഭാതി തീര്‍ഥനായകം ।
അനേകദൈവപൈത്രതീര്‍ഥസാഗരം രസാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 7 ॥
യമാദിസംയുതോ നരസ്ത്രിപുഷ്കരം നിമജ്ജതി
പിതാമഹശ്ച മാധവോപ്യുമാധവഃ പ്രസന്നതാം ।
പ്രയാതി തത്പദം ദദാത്യയത്നതോ ഗുണാകരം
നമാമി ബ്രഹ്മപുഷ്കരം സവൈഷ്ണവം സശങ്കരം ॥ 8 ॥
ഇദം ഹി പുഷ്കരാഷ്ടകം സുനീതിനീരജാശ്രിതം
സ്ഥിതം മദീയമാനസേ കദാപി മാഽപഗച്ഛതു ।
ത്രിസന്ധ്യമാപഠന്തി യേ ത്രിപുഷ്കരാഷ്ടകം നരാഃ
പ്രദീപ്തദേഹഭൂഷണാ ഭവന്തി മേശകിങ്കരാഃ ॥ 9 ॥
ഇതി ശഞ്കരാചാര്യവിരചിതം ശ്രീപുഷ്കരാഷ്ടകം സമാപ്തം ॥
– Chant Stotra in Other Languages –
Pushkara Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil