॥ Bhagavati Ashtakam Malayalam Lyrics ॥
॥ ഭഗവത്യഷ്ടകം ॥
നമോഽസ്തു തേ സരസ്വതി ത്രിശൂലചക്രധാരിണി സിതാംബരാവൃതേ ശുഭേ മൃഗേന്ദ്രപീഠസംസ്ഥിതേ ।
സുവര്‍ണബന്ധുരാധരേ സുഝല്ലരീശിരോരുഹേ സുവര്‍ണപദ്മഭൂഷിതേ നമോഽസ്തു തേ മഹേശ്വരി ॥ 1 ॥
പിതാമഹാദിഭിര്‍നുതേ സ്വകാന്തിലുപ്തചന്ദ്രഭേ സരത്നമാലയാവൃതേ ഭവാബ്ധികഷ്ടഹാരിണി ।
തമാലഹസ്തമണ്ഡിതേ തമാലഭാലശോഭിതേ ഗിരാമഗോചരേ ഇലേ നമോഽസ്തു തേ മഹേശ്വരി ॥ 2 ॥
സ്വഭക്തവത്സലേഽനഘേ സദാപവര്‍ഗഭോഗദേ ദരിദ്രദുഖഹാരിണി ത്രിലോകശങ്കരീശ്വരി ।
ഭവാനി ഭീമ അംബികേ പ്രചണ്ഡതേജ ഉജ്ജ്വലേ ഭുജാകലാപമണ്ഡിതേ നമോഽസ്തു തേ മഹേശ്വരി ॥ 3 ॥
പ്രപന്നഭീതിനാശികേ പ്രസൂനമാല്യകന്ധരേ ധിയസ്തമോനിവാരികേ വിശുദ്ധബുദ്ധികാരികേ ।
സുരാര്‍ചിതാഽങ്ഘ്രിപങ്കജേ പ്രചണ്ഡവിക്രമേഽക്ഷരേ വിശാലപദ്മലോചനേ നമോഽസ്തു തേ മഹേശ്വരി ॥ 4 ॥
ഹതസ്ത്വയാ സ ദൈത്യധൂംരലോചനോ യദാ രണേ തദാ പ്രസൂനവൃഷ്ടയസ്ത്രിവിഷ്ടപേ സുരൈഃ കൃതാഃ ।
നിരീക്ഷ്യ തത്ര തേ പ്രഭാമലജ്ജത പ്രഭാകരസ്ത്വയി ദയാകരേ ധ്രുവേ നമോഽസ്തു തേ മഹേശ്വരി ॥ 5 ॥
നനാദ കേസരീ യദാ ചചാല മേദിനീ തദാ ജഗാമ ദൈത്യനായകഃ സ്വസേനയാ ദ്രുതം ഭിയാ ।
സകോപകമ്പദച്ഛദേ സചണ്ഡമുണ്ഡഘാതികേ മൃഗേന്ദ്രനാദനാദിതേ നമോഽസ്തു തേ മഹേശ്വരി ॥ 6 ॥
കുചന്ദനാര്‍ചിതാലകേ സിതോഷ്ണവാരണാധരേ സവര്‍കരാനനേ വരേ നിശുംഭശുംഭമര്‍ദികേ ।
പ്രസീദ ചണ്ഡികേ അജേ സമസ്തദോഷഘാതികേ ശുഭാമതിപ്രദേഽചലേ നമോഽസ്തു തേ മഹേശ്വരി ॥ 7 ॥
ത്വമേവ വിശ്വധാരിണീ ത്വമേവ വിശ്വകാരിണീ ത്വമേവ സര്‍വഹാരിണീ ന ഗംയസേഽജിതാത്മഭിഃ ।
ദിവൌകസാം ഹിതേ രതാ കരോഷി ദൈത്യനാശന ശതാക്ഷി രക്തദന്തികേ നമോഽസ്തു തേ മഹേശ്വരി ॥ 8 ॥
പഠന്തി യേ സമാഹിതാ ഇമം സ്തവം സദാ നരാഃ അനന്യഭക്തിസംയുതാഃ അഹര്‍മുഖേഽനുവാസരം ।
ഭവന്തി തേ തു പണ്ഡിതാഃ സുപുത്രധാന്യസംയുതാഃ കലത്രഭൂതിസംയുതാ വ്രജന്തി ചാഽമൃതം സുഖം ॥ 9 ॥
॥ ഇതി ശ്രീമദമരദാസവിരചിതം ഭഗവത്യഷ്ടകം സമാപ്തം ॥
– Chant Stotra in Other Languages –
Goddess Durga Slokam » Bhagwati Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil