॥ Goddess Bhavani’s Eight Stanzas Malayalam Lyrics ॥
॥ ഭവാന്യഷ്ടകം ॥
ന താതോ ന മാതാ ന ബന്ധുര്‍ന ദാതാ
ന പുത്രോ ന പുത്രീ ന ഭൃത്യോ ന ഭര്‍താ ।
ന ജായാ ന വിദ്യാ ന വൃത്തിര്‍മമൈവ
ഗതിസ്ത്വം ഗതിസ്ത്വം ത്വമേകാ ഭവാനി ॥ 1 ॥
ഭവാബ്ധാവപാരേ മഹാദുഃഖഭീരു
പ്രപാത പ്രകാമീ പ്രലോഭീ പ്രമത്തഃ ।
കുസംസാരപാശപ്രബദ്ധഃ സദാഹം
ഗതിസ്ത്വം ഗതിസ്ത്വം ത്വമേകാ ഭവാനി ॥ 2 ॥
ന ജാനാമി ദാനം ന ച ധ്യാനയോഗം
ന ജാനാമി തന്ത്രം ന ച സ്തോത്രമന്ത്രം ।
ന ജാനാമി പൂജാം ന ച ന്യാസയോഗം
ഗതിസ്ത്വം ഗതിസ്ത്വം ത്വമേകാ ഭവാനി ॥ 3 ॥
ന ജാനാമി പുണ്യം ന ജാനാമി തീര്‍ഥം
ന ജാനാമി മുക്തിം ലയം വാ കദാചിത് ।
ന ജാനാമി ഭക്തിം വ്രതം വാപി മാതര്‍-
ഗതിസ്ത്വം ഗതിസ്ത്വം ത്വമേകാ ഭവാനി ॥ 4 ॥
കുകര്‍മീ കുസങ്ഗീ കുബുദ്ധിഃ കുദാസഃ
കുലാചാരഹീനഃ കദാചാരലീനഃ ।
കുദൃഷ്ടിഃ കുവാക്യപ്രബന്ധഃ സദാഹം
ഗതിസ്ത്വം ഗതിസ്ത്വം ത്വമേകാ ഭവാനി ॥ 5 ॥
പ്രജേശം രമേശം മഹേശം സുരേശം
ദിനേശം നിശീഥേശ്വരം വാ കദാചിത് ।
ന ജാനാമി ചാന്യത് സദാഹം ശരണ്യേ
ഗതിസ്ത്വം ഗതിസ്ത്വം ത്വമേകാ ഭവാനി ॥ 6 ॥
വിവാദേ വിഷാദേ പ്രമാദേ പ്രവാസേ
ജലേ ചാനലേ പര്‍വതേ ശത്രുമധ്യേ ।
അരണ്യേ ശരണ്യേ സദാ മാം പ്രപാഹി
ഗതിസ്ത്വം ഗതിസ്ത്വം ത്വമേകാ ഭവാനി ॥ 7 ॥
അനാഥോ ദരിദ്രോ ജരാരോഗയുക്തോ മഹാക്ഷീണ-
ദീനഃ സദാ ജാഡ്യവക്ത്രഃ ।
വിപത്തൌ പ്രവിഷ്ടഃ പ്രനഷ്ടഃ സദാഹം
ഗതിസ്ത്വം ഗതിസ്ത്വം ത്വമേകാ ഭവാനി ॥ 8 ॥
॥ ഇതി ശ്രീമദാദിശംകരാചാര്യവിരചിതം ഭവാന്യഷ്ടകം സമ്പൂര്‍ണം ॥
– Chant Stotra in Other Languages –
Sri Durga Slokam » Bhavani Ashtakam – Goddess Bhavani’s Eight Stanzas Lyrics in Sanskrit » English » Bengali » Gujarati » Kannada » Odia » Telugu » Tamil