॥ Sri Bhairav Ashtakam 2 Gujarati Lyrics ॥
॥ શ્રીભૈરવાષ્ટકમ્ ૨ ॥
॥ શ્રીગણેશાય નમઃ ॥
॥ શ્રીઉમામહેશ્વરાભ્યાં નમઃ ॥
॥ શ્રીગુરવે નમઃ ॥
॥ શ્રીભૈરવાય નમઃ ॥
શ્રીભૈરવો રુદ્રમહેશ્વરો યો મહામહાકાલ અધીશ્વરોઽથ ।
યો જીવનાથોઽત્ર વિરાજમાનઃ શ્રીભૈરવં તં શરણં પ્રપદ્યે ॥ ૧ ॥
પદ્માસનાસીનમપૂર્વરૂપં મહેન્દ્રચર્મોપરિ શોભમાનમ્ ।
ગદાઽબ્જ પાશાન્વિત ચક્રચિહ્નં શ્રીભૈરવં તં શરણં પ્રપદ્યે ॥ ૨ ॥
યો રક્તગોરશ્ચ ચતુર્ભુજશ્ચ પુરઃ સ્થિતોદ્ભાસિત પાનપાત્રઃ ।
ભુજઙ્ગભૂયોઽમિતવિક્રમો યઃ શ્રીભૈરવં તં શરણં પ્રપદ્યે ॥ ૩ ॥
રુદ્રાક્ષમાલા કલિકાઙ્ગરૂપં ત્રિપુણ્ડ્રયુક્તં શશિભાલ શુભ્રમ્ ।
જટાધરં શ્વાનવરં મહાન્તં શ્રીભૈરવં તં શરણં પ્રપદ્યે ॥ ૪ ॥
યો દેવદેવોઽસ્તિ પરઃ પવિત્રઃ ભુક્તિઞ્ચ મુક્તિં ચ દદાતિ નિત્યમ્ ।
યોઽનન્તરૂપઃ સુખદો જનાનાં શ્રીભૈરવં તં શરણં પ્રપદ્યે ॥ ૫ ॥
યો બિન્દુનાથોઽખિલનાદનાથઃ શ્રીભૈરવીચક્રપનાગનાથઃ ।
મહાદ્ભૂતો ભૂતપતિઃ પરેશઃ શ્રીભૈરવં તં શરણં પ્રપદ્યે ॥ ૬ ॥
યે યોગિનો ધ્યાનપરા નિતાન્તં સ્વાન્તઃસ્થમીશં જગદીશ્વરં વૈ ।
પશ્યન્તિ પારં ભવસાગરસ્ય શ્રીભૈરવં તં શરણં પ્રપદ્યે ॥ ૭ ॥
ધર્મધ્વજં શઙ્કરરૂપમેકં શરણ્યમિત્થં ભુવનેષુ સિદ્ધમ્ ।
દ્વિજેન્દ્રપૂજ્યં વિમલં ત્રિનેત્રં શ્રીભૈરવં તં શરણં પ્રપદ્યે ॥ ૮ ॥
ભૈરવાષ્ટકમેતદ્ યઃ શ્રદ્ધા ભક્તિ સમન્વિતઃ ।
સાયં પ્રાતઃ પઠેન્નિત્યં સ યશસ્વી સુખી ભવેત્ ॥ ૯ ॥
॥ શ્રીગાર્ગ્યમુનિવિરચિતં ભૈરવાષ્ટકં સમ્પૂર્ણમ્ ॥
– Chant Stotra in Other Languages –
Lord Shiva Slokam » Sri Bhairav Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil