॥ Sri Mangalanayika Ashtakam Gujarati Lyrics ॥
॥ શ્રીમઙ્ગલનાયિકાષ્ટકમ્ ॥
અમ્બામમ્બુજધારિણીં સુરનુતામર્ધેન્દુભૂષોજ્જ્વલાં
આધારાદિ સમસ્તપીઠનિલયામમ્ભોજમધ્યસ્થિતામ્ ।
નિત્યં સજ્જનવન્દ્યમાનચરણાં નીલાલકશ્રોણિતાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે । ૧ ॥
આદ્યામાગમશાસ્ત્રરત્નવિનુતામાર્યાં પરાં દેવતાં
આનન્દામ્બુધિવાસિનીં પરશિવામાનન્દપૂર્ણાનનામ્ ।
આબ્રહ્માદિ પિપીલિકાન્તજનનીમાખણ્ડાલાદ્યર્ચિતાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૨ ॥
ઇન્દ્રાણ્યાદિ સમસ્તશક્તિસહિતામિન્દીવરશ્યામલાં
ઇન્દ્રોપેન્દ્રવરપ્રદામિનનુતામિષ્ટાર્થસિદ્ધિપ્રદામ્ ।
ઈકારાક્ષરરૂપિણીં ગિરિસુતામીકારવર્ણાત્મિકાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૩ ॥
ઉદ્યદ્ભાનુસહસ્રકોટિસદૃશીં કેયૂરહારોજ્જ્વલાં
ઊર્ધ્વસ્વન્મણિમેખલાં ત્રિનયનામૂષ્માપહારોજ્જ્વલામ્ ।
ઊહાપોહવિવેકવાદ્યનિલયામૂઢ્યાણપીઠસ્થિતાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૪ ॥
ઋક્ષાધીશકલાન્વિતામૃતુનુતામૃદ્ધ્યાદિસંસેવિતાં
નૃણાનાં પાપવિમોચિનીં શુભકરીં વૃત્રારિસંસેવિતામ્ ।
લિઙ્ગારાધનતત્પરાં ભયહારાં ક્લીઙ્કારપીઠસ્થિતાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૫ ॥
એનઃકૂટવિનાશિનીં વિધિનુતામેણાઙ્કચૂડપ્રિયાં
એલાચમ્પકપુષ્પગન્ધિચિકુરામેકાતપત્રોજ્વલામ્ ।
ઐકારામ્બુજપીઠમધ્યનિલયામૈન્દ્રાદિલોકપ્રદાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૬ ॥
ઓઘૈરપ્સરસાં સદા પરિવૃતામોઘત્રયારાધિતાં
ઓજોવર્દ્ધનતત્પરાં શિવપરામોઙ્કારમન્ત્રોજ્જ્વલામ્ ।
ઔદાર્યાકરપાદપદ્મયુગલામૌત્સુખ્યદાત્રીં પરાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૭ ॥
અર્કામ્ભોરુહવૈરિવહ્નિનયનામક્ષીણસૌભાગ્યદાં
અઙ્ગાકલ્પિતરત્નભૂષણયુતામણ્ડૌઘસંસેવિતામ્ ।
આજ્ઞાચક્રનિવાસિનીં ઝલઝલન્મઞ્જીરપાદામ્બુજાં
શ્રીમન્મઙ્ગલનાયિકાં ભગવતીં તામ્રાતટસ્થાં ભજે ॥ ૮ ॥
શ્રીમઙ્ગલામ્બા પરદૈવતં નઃ શ્રીમઙ્ગલામ્બા પરં ધનં નઃ ।
શ્રીમઙ્ગલામ્બા કુલદૈવતં નઃ શ્રીમઙ્ગલામ્બા પરમા ગતિર્નઃ ॥
અજ્ઞાનિના મયા દોષાનશેષાન્વિહિતાન્શિવે ।
ક્ષમસ્વ ત્વં ક્ષમસ્વ ત્વં શૈલરાજસુતેઽમ્બિકે ॥
યત્રૈવ યત્રૈવ મનો મદીયં તત્રૈવ તત્રૈવ તવ સ્વરૂપમ્ ।
યત્રૈવ યત્રૈવ શિરો મદીયં તત્રૈવ તત્રૈવ પદદ્વયં તે ॥
ઇતિ શ્રીમઙ્ગલનાયિકાષ્ટકં સમ્પૂર્ણમ્ ।
– Chant Stotra in Other Languages –
Sri Mangalanayika Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil