॥ Manmahaprabhorashtakam Shrisvarupacharitamritam Odia Lyrics ॥
॥ ଶ୍ରୀମନ୍ମହାପ୍ରଭୋରଷ୍ଟକମ୍ ଶ୍ରୀସ୍ଵରୂପଚରିତାମୃତମ୍ ॥
ସ୍ଵରୂପ ! ଭଵତୋ ଭଵତ୍ଵୟମିତି ସ୍ମିତସ୍ନିଗ୍ଧୟା
ଗିରୈଵ ରଘୁନାଥମୁତ୍ପୁଲକିଗାତ୍ରମୁଲ୍ଲାସୟନ୍ ।
ରହସ୍ୟୁପଦିଶନ୍ ନିଜପ୍ରଣୟଗୂଢମୁଦ୍ରାଂ ସ୍ଵୟଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୧ ॥
ସ୍ଵରୂପ ! ମମ ହୃଦ୍ଵ୍ରଣଂ ବତ ଵିଵେଦ ରୂପଃ କଥଂ
ଲିଲେଖ ୟଦୟଂ ପଠ ତ୍ଵମପି ତାଲପତ୍ରେଽକ୍ଷରମ୍ ।
ଇତି ପ୍ରଣୟଵେଲ୍ଲିତଂ ଵିଦଧଦାଶୁ ରୂପାନ୍ତରଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୨ ॥
ସ୍ଵରୂପ ! ପରକୀୟସତ୍ପ୍ରଵରଵସ୍ତୁନାଶେଚ୍ଛତାଂ
ଦଧଜ୍ଜନ ଇହ ତ୍ଵୟା ପରିଚିତୋ ନ ଵେତୀକ୍ଷୟମ୍ ।
ସନାତନମୁଦିତ୍ୟ ଵିସ୍ମିତମୁଖଂ ମହାଵିସ୍ମିତଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୩ ॥
ସ୍ଵରୂପ ! ହରିନାମ ୟଜ୍ ଜଗଦଘୋଷୟଂ ତେନ କିଂ
ନ ଵାଚୟିତୁମପ୍ୟଥାଶକମିମଂ ଶିଵାନନ୍ଦଜମ୍ ।
ଇତି ସ୍ଵପଦଲେହନୈଃ ଶିଶୁମଚୀକରନ୍ ୟଃ କଵିଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୪ ॥
ସ୍ଵରୂପ ! ରସରୀତିରମ୍ବୁଜଦୃଶାଂ ଵ୍ରଜେ ଭଣ୍ୟତାଂ
ଘନପ୍ରଣୟମାନଜା ଶ୍ରୁତିୟୁଗଂ ମମୋତ୍କଣ୍ଠତେ ।
ରମା ୟଦିହ ମାନିନୀ ତଦପି ଲୋକୟେତି ବ୍ରୁଵନ୍
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୫ ॥
ସ୍ଵରୂପ ! ରସମନ୍ଦିରଂ ଭଵସି ମନ୍ମୁଦାମାସ୍ପଦଂ
ତ୍ଵମତ୍ର ପୁରୁଷୋତ୍ତମେ ଵ୍ରଜଭୁଵୀଵ ମେ ଵର୍ତସେ ।
ଇତି ସ୍ଵପରିରମ୍ଭଣୈଃ ପୁଲକିନଂ ଵ୍ୟଧାତ୍ତଂ ଚ ୟୋ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୬ ॥
ସ୍ଵରୂପ ! କିମପୀକ୍ଷିତଂ କ୍ଵ ନୁ ଵିଭୋ ନିଶି ସ୍ଵପ୍ନତଃ
ପ୍ରଭୋ କଥୟ କିଂ ନୁ ତନ୍ନଵୟୁଵା ଵରାମ୍ଭୋଧରଃ ।
ଵ୍ୟଧାତ୍କିମୟମୀକ୍ଷ୍ୟତେ କିମୁ ନ ହୀତ୍ୟଗାତ୍ତାଂ ଦଶାଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୭ ॥
ସ୍ଵରୂପ ! ମମ ନେତ୍ରୟୋଃ ପୁରତ ଏଵ କୃଷ୍ଣୋ ହସନ୍ନ୍
ଉପୈତି ନ କରଗ୍ରହଂ ବତ ଦଦାତି ହା କିଂ ସଖେ ।
ଇତି ସ୍ଖଲତି ଧାଵତି ଶ୍ଵସିତି ଘୂର୍ଣତେ ୟଃ ସଦା
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୮ ॥
ସ୍ଵରୂପଚରିତାମୃତଂ କିଲ ମହାପ୍ରଭୋରଷ୍ଟକଂ
ରହସ୍ୟତମମଦ୍ଭୁତଂ ପଠତି ୟଃ କୃତୀ ପ୍ରତ୍ୟହମ୍ ।
ସ୍ଵରୂପପରିଵାରତାଂ ନୟତି ତଂ ଶଚୀନନ୍ଦନୋ
ଘନପ୍ରଣୟମାଧୁରୀଂ ସ୍ଵପଦୟୋଃ ସମାତ୍ଵାଦୟନ୍ ॥ ୯ ॥
ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀମହାପ୍ରଭୋରଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Manmahaprabhorashtakam Shrisvarupacharitamritam Lyrics in Sanskrit » English » Bengali » Gujarati » Kannada » Malayalam » Telugu » Tamil