॥ Sri Meenakshi Manimala Telugu Lyrics ॥
॥ శ్రీమీనాక్షీమణిమాలాష్టకమ్ ॥
మధురాపురినాయికే నమస్తే
మధురాలాపిశుకాభిరామహస్తే ।
మలయధ్వజపాణ్డ్యరాజకన్యే
మయి మీనాక్షి కృపాం విధేహి ధన్యే ॥ ౧ ॥
కచనిర్జితకాలమేఘకాన్తే
కమలాసేవితపాదపఙ్కజాన్తే ।
మధురాపురవల్లభేష్టకాన్తే
మయి మీనాక్షి కృపాం విధేహి శాన్తే ॥ ౨ ॥
కుచయుగ్మవిధూతచక్రవాకే
కృపయాపాలితసర్వజీవలోకే ।
మలయధ్వజసన్తతేః పతాకే
మయి మీనాక్షి కృపాం నిధేహి పాకే ॥ ౩ ॥
విధివాహనజేతృకేలియానే
విమతామోటనపూజితాపదానే ।
మధురేక్షణభావభూతమీనే
మయి మీనాక్షి కృపాం విధేహి దీనే ॥ ౪ ॥
తపనీయపయోజినీతటస్థే
తుహినప్రాయమహీధరోదరస్థే ।
మదనారిపరిగ్రహే కృతార్థే
మయి మీనాక్షి కృపాం విధేహి సార్థే ॥ ౫ ॥
కలకీరకలోక్తినాదదక్షే
కలితానేకజగన్నివాసిరక్షే ।
మదనాశుగహల్లకాన్తపాణే
మయి మీనాక్షి కృపాం కురు ప్రవీణే ॥ ౬ ॥
మధువైరివిరిఞ్చిముఖ్యసేవ్యే
మనసా భావితచన్ద్రమౌలిసవ్యే ।
తరసా పరిపూరితయజ్ఞహవ్యే
మయి మీనాక్షి కృపాం విధేహి భవ్యే ॥ ౭ ॥
జగదమ్బ కదమ్బమూలవాసే
కమలామోదముఖేన్దుమన్దహాసే ।
మదమన్దిరహారిదృగ్విలాసే
మయి మీనాక్షి కృపాం విధేహి దాసే ॥ ౮ ॥
పఠతామనిశం ప్రభాతకాలే
మణిమాలాష్టకమష్టభూతిదాయీ ।
ఘటితాశతచాతురీం ప్రదద్యా-
త్కరుణాపూర్ణకటాక్షసన్నివేశాత ॥ ౯ ॥
ఇతి శ్రీమీనాక్షీమణిమాలాష్టకం సమ్పూర్ణమ్ ।
– Chant Stotra in Other Languages –
Sri Durga Slokam » Sri Meenakshi Manimala Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil