॥ Sri Gokulesha Ashtakam 4 Malayalam Lyrics ॥
॥ ശ്രീഗോകുലേശാഷ്ടകം 4 ॥
ഉദ്ധര്‍തും ധരണീതലേ നിജബലേനൈവ സ്വകീയാം ജനാന്‍
ആവിര്‍ഭൂയ തഥാ കൃപാപരവശഃ ശ്രീവിഠ്ഠലേശാലയേ ।
യഃ ശ്രീഭാഗവതസ്യ തത്ത്വവിവൃതേശ്ചക്രേ പ്രവാഹം വചഃ
പീയൂഷൈരതിപോഷണായ സതതം ശ്രീഗോകുലേശോഽവതു ॥ 1 ॥
യഃ പുഷ്ടിമാര്‍ഗഗതഭാവവിഭാവനൈകം
ദക്ഷഃ സമക്ഷമപി സന്നിധിസേവകാനാം ।
യോ ജ്ഞാനഗൂഢഹൃദയഃ സദയഃ സദൈവ
സേവാസുഖം മമ തനോതു സ ഗോകുലേശഃ ॥ 2 ॥
യഃ സേവ്യഃ സതതം സതാം നിജഫലപ്രേപ്സാവദാവിര്‍തനാ-
മാചാര്യോദിതശുദ്ധപുഷ്ടിസുപഥേ നിത്യാനുകമ്പാധരഃ ।
യദ്ദൃഷ്ട്യൈവ ഹൃദന്ധകാരനിചയോ യായാത്ക്ഷണാത്ക്ഷീണതാ-
മാനന്ദം മുഹുരാതനോതു മധുരാകാരഃ പ്രഭുര്‍വല്ലനഭഃ ॥ 3 ॥
യോ മായാമതവര്‍തിദുഷ്ടവദനധ്വംസം വചോഭിര്‍നിജൈഃ
കുര്‍വന്‍ സേവകസര്‍വലോകഹൃദയാനന്ദം സദാ പോഷയന്‍ ।
തദ്ഭാവം സുദൃഢം കരോതി കൃപയാ ദാസൈകഹൃദ്യാതയാ
യാതാനാം ശരണം ഹൃദാ സമനസാ മോദം സദാ യച്ഛതു ॥ 4 ॥
ഹസദ്വദനപങ്കജസ്ഫുരദമന്ദഭാവാര്‍ദ്രദൃക്
കപോലവിലസദ്രജോദ്വയവിമിശ്രതാംബൂലദഃ ।
സമുന്നതസുനാസികഃ സരസചാരുബിംബാധരോ
ഹരത്വഖിലസേവിനാം ചിരവിയോഗതാപം ക്ഷണാത് ॥ 5 ॥
മനോജമധുരാകൃതിര്‍നിജമനോവിദോദോദ്ഗതി
കൃതേ ജനമനോഹൃതൌ വിരതികാരകഃ സംസൃതൌ ।
സ്വഭാവപരിപോഷകോ ഭവസമുദ്രസംശോഷകഃ
കരോതു വരണം സദാ സഫലമത്ര വൈ വല്ലഭഃ ॥ 6 ॥
ഗോധൂമമേചകമനോഹരവര്‍ണദേഹോ
യഃ കേശകൃഷ്ണനിചയോല്ലസദുത്തമാങ്ഗഃ ।
സൂക്ഷ്മോത്തരീയകടിവസ്ത്രവിരാജിതാങ്ഗഃ
സങ്ഗം തനോതു മുദമദ്ഭുതഗോകുലേശഃ ॥ 7 ॥
താതാജ്ഞൈകപരായണാശയവിദാം വര്യഃ പരാനന്ദദോ
മാലാ യേന സുരക്ഷിതാ നിജമഹായത്നേന കണ്ഠേ സതാം ।
ധര്‍മോ യേന വിവര്‍ധിതഃ പിതൃപദാചാരൈഃ സദാ സര്‍വതഃ
സ ശ്രീഗോകുലനായകഃ കരുണയാ ഭൂയാദ്വശേ സേവിനാം ॥ 8 ॥
സര്‍വം സാധനജാതമത്ര വിഫലം നൂനം വിദിത്വാ ജനാ
നിത്യം തം ഭജത പ്രിയം പ്രഭുമയം ത്യക്ത്വേതരസ്യാശ്രയം ।
തന്നാമാനി ജപന്തു രൂപമഖിലം സഞ്ജിന്തയന്തു സ്വയം
സൌഖ്യം തത്പദഭാവതോഽഭിലഷിതം സര്‍വം സ്വതഃ പ്രാപ്സ്യതേ ॥ 9 ॥
ഇതി ശ്രീഹരിരായവിരചിതം ശ്രീഗോകുലേശാഷ്ടകം സമ്പൂര്‍ണം ।
– Chant Stotra in Other Languages –
Sri Krishna Slokam » Sri Gokulesha Ashtakam 4 Lyrics in Sanskrit » English » Bengali » Gujarati » Kannada » Odia » Telugu » Tamil