॥ Sri Gopalashtakam Kannada Lyrics ॥
॥ ಶ್ರೀಗೋಪಾಲಾಷ್ಟಕಮ್ ॥
ಶ್ರೀ ಗಣೇಶಾಯ ನಮಃ ॥
ಯಸ್ಮಾದ್ವಿಶ್ವಂ ಜಾತಮಿದಂ ಚಿತ್ರಮತರ್ಕ್ಯಂ ಯಸ್ಮಿನ್ನಾನನ್ದಾತ್ಮನಿ ನಿತ್ಯಂ ರಮತೇ ವೈ ।
ಯತ್ರಾನ್ತೇ ಸಂಯಾತಿ ಲಯಂ ಚೈತದಶೇಷಂ ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 1 ॥
ಯಸ್ಯಾಜ್ಞಾನಾಜ್ಜನ್ಮಜರಾರೋಗಕದಮ್ಬಂ ಜ್ಞಾತೇ ಯಸ್ಮಿನ್ನಶ್ಯತಿ ತತ್ಸರ್ವಮಿಹಾಶು ।
ಗತ್ವಾ ಯತ್ರಾಯಾತಿ ಪುನರ್ನೋ ಭವಭೂಮಿಂ ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 2 ॥
ತಿಷ್ಠನ್ನನ್ತರ್ಯೋ ಯಮಯತ್ಯೇತದಜಸ್ರಂ ಯಂ ಕಶ್ಚಿನ್ನೋ ವೇದ ಜನೋಽಪ್ಯಾತ್ಮನಿ ಸನ್ತಮ್ ।
ಸರ್ವಂ ಯಸ್ಯೇದಂ ಚ ವಶೇ ತಿಷ್ಠತಿ ವಿಶ್ವಂ ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 3 ॥
ಧರ್ಮೋಽಧರ್ಮೇಣೇಹ ತಿರಸ್ಕಾರಮುಪೈತಿ ಕಾಲೇ ಯಸ್ಮಿನ್ಮತ್ಸ್ಯಮುಖೈಶ್ಚಾರುಚರಿತ್ರೈಃ ।
ನಾನಾರೂಪೈಃ ಪಾತಿ ತದಾ ಯೋಽವನಿಬಿಮ್ಬಂ ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 4 ॥
ಪ್ರಾಣಾಯಾಮೈರ್ಧ್ವಸ್ತಸಮಸ್ತೇನ್ದ್ರಿಯದೋಷಾ ರುಧ್ವಾ ಚಿತ್ತಂ ಯಂ ಹೃದಿ ಪಶ್ಯನ್ತಿ ಸಮಾಧೌ ।
ಜ್ಯೋತೀರೂಪಂ ಯೋಗಿಜನಾಮೋದನಿಮಗ್ನಾಸ್ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 5 ॥
ಭಾನುಶ್ಚನ್ದ್ರಶ್ಚೋಡುಗಣೈಶ್ಚೈವ ಹುತಾಶೋ ಯಸ್ಮಿನ್ನೈವಾಭಾತಿ ತಡಿಚ್ಚಾಪಿ ಕದಾಪಿ ।
ಯದ್ಭಾಸಾ ಚಾಭಾತಿ ಸಮಸ್ತಂ ಜಗದೇತತ್ ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 6 ॥
ಸತ್ಯಜ್ಞಾನಂ ಮೋದಮವೋಚುರ್ನಿಗಮಾ ಯಂ ಯೋ ಬ್ರಹ್ಮೇನ್ದ್ರಾದಿತ್ಯಗಿರೀಶಾರ್ಚಿತಪಾದಃ ।
ಶೇತೇಽನನ್ತೋಽನನ್ತತನಾವಮ್ಬುನಿಧೌ ಯಸ್ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 7 ॥
ಶೈವಾಃ ಪ್ರಾಹುರ್ಯಂ ಶಿವಮನ್ಯೇ ಗಣನಾಥಂ ಶಕ್ತಿಂ ಚೈಕೇಽರ್ಕಂ ಚ ತಥಾನ್ಯೇ ಮತಿಭೇದಾತ್ ।
ನಾನಾಕಾರೈರ್ಭಾತಿ ಯ ಏಕೋಽಖಿಲಶಕ್ತಿಸ್ತಂ ಗೋಪಾಲಂ ಸನ್ತತಕಾಲಂ ಪ್ರತಿ ವನ್ದೇ ॥ 8 ॥
ಶ್ರೀಮದ್ಗೋಪಾಲಾಷ್ಟಕಮೇತತ್ ಸಮಧೀತೇ ಭಕ್ತ್ಯಾ ನಿತ್ಯಂ ಯೋ ಮನುಜೋ ವೈ ಸ್ಥಿರಚೇತಾಃ ।
ಹಿತ್ವಾ ತೂರ್ಣಂ ಪಾಪಕಲಾಪಂ ಸ ಸಮೇತಿ ಪುಣ್ಯಂ ವಿಷ್ಣೋರ್ಧಾಮ ಯತೋ ನೈವ ನಿಪಾತಃ ॥ 9 ॥
ಇತಿ ಶ್ರೀಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಶ್ರೀ ಗೋಪಾಲಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Bengali » Gujarati » Malayalam » Odia » Telugu » Tamil