॥ Biswakarma Ashtakam 1 Telugu Lyrics ॥
॥ విశ్వకర్మాష్టకమ్ ౧ ॥
నిరఞ్జనో నిరాకారః నిర్వికల్పో మనోహరః ।
నిరామయో నిజానన్దః నిర్విఘ్నాయ నమో నమః ॥ ౧ ॥
అనాదిరప్రమేయశ్చ అరూపశ్చ జయాజయః ।
లోకరూపో జగన్నాథః విశ్వకర్మన్నమో నమః ॥ ౨ ॥
నమో విశ్వవిహారాయ నమో విశ్వవిహారిణే ।
నమో విశ్వవిధాతాయ నమస్తే విశ్వకర్మణే ॥ ౩ ॥
నమస్తే విశ్వరూపాయ విశ్వభూతాయ తే నమః ।
నమో విశ్వాత్మభూథాత్మన్ విశ్వకర్మన్నమోఽస్తు తే ॥ ౪ ॥
విశ్వాయుర్విశ్వకర్మా చ విశ్వమూర్తిః పరాత్పరః ।
విశ్వనాథః పితా చైవ విశ్వకర్మన్నమోఽస్తు తే ॥ ౫ ॥
విశ్వమఙ్గలమాఙ్గల్యః విశ్వవిద్యావినోదితః ।
విశ్వసఞ్చారశాలీ చ విశ్వకర్మన్నమోఽస్తు తే ॥ ౬ ॥
విశ్వైకవిధవృక్షశ్చ విశ్వశాఖా మహావిధః ।
శాఖోపశాఖాశ్చ తథా తద్వృక్షో విశ్వకర్మణః ॥ ౭ ॥
తద్వృక్షః ఫలసమ్పూర్ణః అక్షోభ్యశ్చ పరాత్పరః ।
అనుపమానో బ్రహ్మాణ్డః బీజమోఙ్కారమేవ చ ॥ ౮ ॥
ఇతి విశ్వకర్మాష్టకం సమ్పూర్ణమ్ ।
– Chant Stotra in Other Languages –
Sri Vishwakarma Slokam » Biswakarma Ashtakam 1 Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil