॥ Siva Mahima Ashtakam Odia Lyrics ॥
॥ ଶ୍ରୀଶିଵମହିମାଷ୍ଟକମ୍ ॥
ସୁରଵୃନ୍ଦମୁନୀଶ୍ଵରଵନ୍ଦ୍ୟପଦୋ ହିମଶୈଲଵିହାରକରୋ ରୁଚିରଃ ।
ଅନୁରାଗନିଧିର୍ମଣିସର୍ପଧରୋ ଜୟତୀହ ଶିଵଃ ଶିଵରୂପଧରଃ ॥ ୧ ॥
ଭଵତାପଵିଦଗ୍ଧଵିପତ୍ତିହରୋ ଭଵମୁକ୍ତିକରୋ ଭଵନାମଧରଃ ।
ଧୃତଚନ୍ଦ୍ରଶିରୋ ଵିଷପାନକରୋ ଜୟତୀହ ଶିଵଃ ଶିଵରୂପଧରଃ ॥ ୨ ॥
ନିଜପାର୍ଷଦଵୃନ୍ଦଜୟୋଚ୍ଚରିତଃ କରଶୂଲଧରୋଽଭୟଦାନପରଃ ।
ଜଟୟା ପରିଭୂଷିତଦିଵ୍ୟତମୋ ଜୟତୀହ ଶିଵଃ ଶିଵରୂପଧରଃ ॥ ୩ ॥
ଵୃଷଭାଙ୍ଗଵିରାଜିତ ଉଲ୍ଲସିତଃ କୃପୟା ନିତରାମୁପଦେଶକରଃ ।
ତ୍ଵରିତଂ ଫଲଦୋ ଗଣୟୂଥୟୁତୋ ଜୟତୀହ ଶିଵଃ ଶିଵରୂପଧରଃ ॥ ୪ ॥
ଅହିହାରସୁଶୋଭିତ ଆପ୍ତନୁତୋ ସମୁପାସ୍ୟମହେଶ୍ଵର ଆର୍ତିହରଃ ।
ଧୃତଵିଷ୍ଣୁପଦୀସୁଜଟୋ ମୁଦିତୋ ଜୟତୀହ ଶିଵଃ ଶିଵରୂପଧରଃ ॥ ୫ ॥
ଵ୍ରଜକୃଷ୍ଣପଦାବ୍ଜପରାଗରତୋ ଵ୍ରଜକୁଞ୍ଜସଖୀନଵରୂପଧରଃ ।
ଵ୍ରଜଗୋପସୁରେଶ ଉମାଧିପତିର୍ଜୟତୀହ ଶିଵଃ ଶିଵରୂପଧରଃ ॥ ୬ ॥
ୟୁଗକେଲିଵିଲାସମହାରସିକୋ ରସତନ୍ତ୍ରପୁରାଣକଥାଚତୁରଃ ।
ରସଶାସ୍ତ୍ରରସଜ୍ଞପଟୁର୍ମଧୁରୋ ଜୟତୀହ ଶିଵଃ ଶିଵରୂପଧରଃ ॥ ୭ ॥
ୟମପାଶଭୟାପହରୋଽଘହରଃ ପ୍ରବଲୋଽସ୍ତି ମହାପ୍ରବଲଃ ପ୍ରଖରଃ ।
ପରିପୂର୍ଣତମୋ ହରିଭକ୍ତିଭରୋ ଜୟତୀହ ଶିଵଃ ଶିଵରୂପଧରଃ ॥ ୮ ॥
ଶିଵଶାନ୍ତ୍ୟର୍ଥଦଂ ଦିଵ୍ୟଂ ଶ୍ରୀଶିଵମହିମାଷ୍ଟକମ୍ ।
ରାଧାସର୍ଵେଶ୍ଵରାଖ୍ୟେନ ଶରଣାନ୍ତେନ ନିର୍ମିତମ୍ ॥
ଇତି ଶ୍ରୀନିମ୍ବାର୍କପୀଠାଧୀଶ୍ଵର ଶ୍ରୀରାଧାସର୍ଵେଶ୍ଵରଶରଣଦେଵାଚାର୍ୟଜୀ
ମହାରାଜ ଦ୍ଵାରା ରଚିତଂ ଶ୍ରୀଶିଵମହିମାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Lord Shiva Slokam » Shiva Mahima Ashtakam Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil