॥ River Yamuna Ashtakam 10 Malayalam Lyrics ॥
॥ ശ്രീയമുനാഷ്ടകം ॥
ഭ്രാതുരന്തകസ്യ പത്തനേഽഭിപത്തിഹാരിണീ
പ്രേക്ഷയാതിപാപിനോഽപി പാപസിന്ധുതാരിണീ ।
നീരമാധുരീഭിരപ്യശേഷചിത്തബന്ധിനീ
മാം പുനാതു സര്‍വദാരവിന്ദബന്ധുനന്ദിനീ ॥ 1 ॥
ഹാരിവാരിധാരയാഭിമണ്ഡിതോരുഖാണ്ഡവാ
പുണ്ഡരീകമണ്ഡലോദ്യദണ്ഡജാലിതാണ്ഡവാ ।
സ്നാനകാമപാമരോഗ്രപാപസമ്പദന്ധിനീ
മാം പുനാതു സര്‍വദാരവിന്ദബന്ധുനന്ദിനീ ॥ 2 ॥
ശീകരാഭിമൃഷ്ടജന്തുദുര്‍വിപാകമര്‍ദിനീ
നന്ദനന്ദനാന്തരങ്ഗഭക്തിപൂരവര്‍ധിനീ ।
തീരസങ്ഗമാഭിലാഷിമങ്ഗലാനുബന്ധിനീ
മാം പുനാതു സര്‍വദാരവിന്ദബന്ധുനന്ദിനീ ॥ 3 ॥
ദ്വീപചക്രവാലജുഷ്ടസപ്തസിന്ധുഭേദിനീ
ശ്രീമുകുന്ദനിര്‍മിതോരുദിവ്യകേലിവേദിനീ ।
കാന്തികന്ദലീഭിരിന്ദ്രനീലവൃന്ദനിന്ദിനീ
മാം പുനാതു സര്‍വദാരവിന്ദബന്ധുനന്ദിനീ ॥ 4 ॥
മാഥുരേണ മണ്ഡലേന ചാരുണാഭിമണ്ഡിതാ
പ്രേമനദ്ധവൈഷ്ണവാധ്വവര്‍ധനായ പണ്ഡിതാ ।
ഊര്‍മിദോര്‍വിലാസപദ്മനാഭപാദവന്ദിനീ
മാം പുനാതു സര്‍വദാരവിന്ദബന്ധുനന്ദിനീ ॥ 5 ॥
രംയതീരരംഭമാണഗോകദംബഭൂഷിതാ
ദിവ്യഗന്ധഭാക്കദംബപുഷ്പരാജിരൂഷിതാ ।
നന്ദസൂനുഭക്തസങ്ഘസങ്ഗമാഭിനന്ദിനീ
മാം പുനാതു സര്‍വദാരവിന്ദബന്ധുനന്ദിനീ ॥ 6 ॥
ഫുല്ലപക്ഷമല്ലികാക്ഷഹംസലക്ഷകൂജിതാ
ഭക്തിവിദ്ധദേവസിദ്ധകിന്നരാലിപൂജിതാ ।
തീരഗന്ധവാഹഗന്ധജന്‍മബന്ധരന്ധിനീ
മാം പുനാതു സര്‍വദാരവിന്ദബന്ധുനന്ദിനീ ॥ 7 ॥
ചിദ്വിലാസവാരിപൂരഭൂര്‍ഭുവഃസ്വരാപിനീ
കീര്‍തിതാപി ദുര്‍മദോരുപാപമര്‍മതാപിനീ ।
ബല്ലവേന്ദ്രനന്ദനാങ്ഗരാഗഭങ്ഗഗന്ധിനീ
മാം പുനാതു സര്‍വദാരവിന്ദബന്ധുനന്ദിനീ ॥ 8 ॥
തുഷ്ടബുദ്ധിരഷ്ടകേന നിര്‍മലോര്‍മിചേഷ്ടിതാം
ത്വാമനേന ഭാനുപുത്രി! സര്‍വദേവവേഷ്ടിതാം ।
യഃസ്തവീതി വര്‍ധയസ്വ സര്‍വപാപമോചനേ
ഭക്തിപൂരമസ്യ ദേവി! പുണ്ഡരീകലോചനേ ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീയമുനാഷ്ടകം സമ്പൂര്‍ണം ।
– Chant Stotra in Other Languages –
River Yamuna Ashtakam » Sri Yamunashtakam 10 Lyrics in Sanskrit » English » Bengali » Gujarati » Kannada » Odia » Telugu » Tamil