॥ Yama Dharmaraja Stotram text Bengali Lyrics ॥
শ্রীব্যাস উবাচ —
স্বপুরুষমভিবীক্ষ্য পাশহস্তং বদতি য়মঃ কিল তস্য কর্ণমূলে ।
পরিহর মধুসূদনপ্রপন্নান্ প্রভুরহমন্যনৃণাং ন বৈষ্ণবানাম্ ॥ ১ ॥
অহমমরগণার্চিতেন ধাত্রা য়ম ইতি লোকহিতাহিতে নিয়ুক্তঃ ।
হরিগুরুবিমুখান্ প্রশাস্মি মর্ত্যান্ হরিচরণপ্রণতান্নমস্করোমি ॥ ২ ॥
সুগতিমভিলষামি বাসুদেবাদহমপি ভাগবতে স্থিতান্তরাত্মা ।
মধুবধবশগোঽস্মি ন স্বতন্ত্রঃ প্রভবতি সংয়মনে মমাপি কৃষ্ণঃ ॥ ৩ ॥
ভগবতি বিমুখস্য নাস্তি সিদ্ধির্বিষমমৃতং ভবতীতি নেদমস্তি ।
বর্ষশতমপীহ পচ্যমানং ব্রজতি ন কাঞ্চনতাময়ঃ কদাচিত্ ॥ ৪ ॥
নহি শশিকলুষচ্ছবিঃ কদাচিদ্বিরমতি নো রবিতামুপৈতি চন্দ্রঃ ।
ভগবতি চ হরাবনন্যচেতা ভৃশমলিনোঽপি বিরাজতে মনুষ্যঃ ॥ ৫ ॥
মহদপি সুবিচার্য লোকতত্ত্বং ভগবদুপাস্তিমৃতে ন সিদ্ধিরস্তি ।
সুরগুরুসুদৃঢপ্রসাদদৌ তৌ হরিচরণৌ স্মরতাপবর্গহেতোঃ ॥ ৬ ॥
শুভমিদমুপলভ্য মানুষত্বং সুকৃতশতেন বৃথেন্দ্রিয়ার্থহেতোঃ ।
রময়তি কুরুতে ন মোক্ষমার্গং দহয়তি চন্দনমাশু ভস্মহেতোঃ ॥ ৭ ॥
মুকুলিতকরকুড্মলৈঃ সুরেন্দ্রৈঃ সততনমস্কৃতপাদপঙ্কজো য়ঃ ।
অবিহতগতয়ে সনাতনায় জগতি জনিং হরতে নমোঽগ্রজায় ॥ ৮ ॥
য়মাষ্টকমিদং পুণ্যং পঠতে য়ঃ শৃণোতি বা ।
মুচ্যতে সর্বপাপেভ্যো বিষ্ণুলোকং স গচ্ছতি ॥ ৯ ॥
ইতীদমুক্তং য়মবাক্যমুত্তমং ময়াধুনা তে হরিভক্তিবর্দ্ধনম্ ।
পুনঃ প্রবক্ষ্যামি পুরাতনীং কথাং ভৃগোস্তু পৌত্রেণ চ য়া পুরা কৃতা ॥ ১০ ॥
ইতি শ্রীনরসিংহপুরাণে য়মাষ্টকনাম নবমোঽধ্যায়ঃ ॥
– Chant Stotra in Other Languages –
Yama Dharmaraja Stotram » Narasimhapurana Yamashtakam Lyrics in Sanskrit » English » Gujarati » Kannada » Malayalam » Odia » Telugu » Tamil