॥ Ananda Ramayana Sri Rama Ashtakam Malayalam Lyrics ॥
॥ രാമാഷ്ടകം 1 ശ്രീമദാനന്ദരാമായണേ ॥
॥ അഥ രാമാഷ്ടകം ॥
ശ്രീശിവ ഉവാച ।
സുഗ്രീവമിത്രം പരമം പവിത്രം സീതാകലത്രം നവമേഘഗാത്രം ।
കാരുണ്യപാത്രം ശതപത്രനേത്രം ശ്രീരാമചന്ദ്രം സതതം നമാമി ॥ 116 ॥ 1 ॥
സംസാരസാരം നിഗമപ്രചാരം ധര്‍മാവതാരം ഹൃതഭൂമിഭാരം ।
സദാവികാരം സുഖസിന്ധുസാരം ശ്രീരാമചദ്രം സതതം നമാമി ॥ 117 ॥ 2 ॥
ലക്ഷ്മീവിലാസം ജഗതാം നിവാസം ലങ്കാവിനാശം ഭുവനപ്രകാശം ।
ഭൂദേവവാസം ശരദിന്ദുഹാസം ശ്രീരാമചന്ദ്രം സതതം നമാമി ॥ 118 ॥ 3 ॥
മന്ദാരമാലം വചനേ രസാലം ഗുണൈര്‍വിശാലം ഹതസപ്തതാലം ।
ക്രവ്യാദകാലം സുരലോകപാലം ശ്രീരാമചന്ദ്രം സതതം നമാമി ॥ 119 ॥ 4 ॥
വേദാന്തഗാനം സകലൈഃ സമാനം ഹൃതാരിമാനം ത്രിദശപ്രധാനം ।
ഗജേന്ദ്രയാനം വിഗതാവസാനം ശ്രീരാമചന്ദ്രം സതതം നമാമി ॥ 120 ॥ 5 ॥
ശ്യാമാഭിരാമം നയനാഭിരാമം ഗുണാഭിരാമം വചനാഭിരാമം ।
വിശ്വപ്രണാമം കൃതഭക്തകാമം ശ്രീരാമചന്ദ്രം സതതം നമാമി ॥ 121 ॥ 6 ॥
ലീലാശരീരം രണരങ്ഗധീരം വിശ്വൈകസാരം രഘുവംശഹാരം ।
ഗംഭീരനാദം ജിതസര്‍വവാദം ശ്രീരാമചന്ദ്രം സതതം നമാമി ॥ 122 ॥ 7 ॥
ഖലേ കൃതാന്തം സ്വജനേ വിനീതം സാമോപഗീതം മനസാ പ്രതീതം ।
രാഗേണ ഗീതം വചനാദതീതം ശ്രീരാമചന്ദ്രം സതതം നമാമി ॥ 123 ॥ 8 ॥
ശ്രീരാമചന്ദ്രസ്യ വരാഷ്ടകം ത്വാം മയേരിതം ദേവി മനോഹരം യേ ।
പഠന്തി ശൃണ്വന്തി ഗൃണന്തി ഭക്ത്യാ തേ സ്വീയകാമാന്‍ പ്രലഭന്തി നിത്യം ॥ 124 ॥ 9 ॥
ഇതി ശതകോടിരാമചരിതാന്തര്‍ഗതേ ശ്രീമദാനന്ദരാമായണേ
വാല്‍മീകീയേ സാരകാണ്ഡേ യുദ്ധചരിതേ ദ്വാദശസര്‍ഗാന്തര്‍ഗതം
ശ്രീരാമാഷ്ടകം സമാപ്തം ॥
– Chant Stotra in Other Languages –
Sri Vishnu Stotram » Ramashtakam From Ananda Ramayana Lyrics in Sanskrit » English » Bengali » Gujarati » Kannada » » Odia » Telugu » Tamil