॥ Ananda Ramayana Sri Rama Ashtakam Gujarati Lyrics ॥
॥ રામાષ્ટકં ૧ શ્રીમદાનન્દરામાયણે ॥
॥ અથ રામાષ્ટકમ્ ॥
શ્રીશિવ ઉવાચ ।
સુગ્રીવમિત્રં પરમં પવિત્રં સીતાકલત્રં નવમેઘગાત્રમ્ ।
કારુણ્યપાત્રં શતપત્રનેત્રં શ્રીરામચન્દ્રં સતતં નમામિ ॥ ૧૧૬ ॥ ૧ ॥
સંસારસારં નિગમપ્રચારં ધર્માવતારં હૃતભૂમિભારમ્ ।
સદાવિકારં સુખસિન્ધુસારં શ્રીરામચદ્રં સતતં નમામિ ॥ ૧૧૭ ॥ ૨ ॥
લક્ષ્મીવિલાસં જગતાં નિવાસં લઙ્કાવિનાશં ભુવનપ્રકાશમ્ ।
ભૂદેવવાસં શરદિન્દુહાસં શ્રીરામચન્દ્રં સતતં નમામિ ॥ ૧૧૮ ॥ ૩ ॥
મન્દારમાલં વચને રસાલં ગુણૈર્વિશાલં હતસપ્તતાલમ્ ।
ક્રવ્યાદકાલં સુરલોકપાલં શ્રીરામચન્દ્રં સતતં નમામિ ॥ ૧૧૯ ॥ ૪ ॥
વેદાન્તગાનં સકલૈઃ સમાનં હૃતારિમાનં ત્રિદશપ્રધાનમ્ ।
ગજેન્દ્રયાનં વિગતાવસાનં શ્રીરામચન્દ્રં સતતં નમામિ ॥ ૧૨૦ ॥ ૫ ॥
શ્યામાભિરામં નયનાભિરામં ગુણાભિરામં વચનાભિરામમ્ ।
વિશ્વપ્રણામં કૃતભક્તકામં શ્રીરામચન્દ્રં સતતં નમામિ ॥ ૧૨૧ ॥ ૬ ॥
લીલાશરીરં રણરઙ્ગધીરં વિશ્વૈકસારં રઘુવંશહારમ્ ।
ગમ્ભીરનાદં જિતસર્વવાદં શ્રીરામચન્દ્રં સતતં નમામિ ॥ ૧૨૨ ॥ ૭ ॥
ખલે કૃતાન્તં સ્વજને વિનીતં સામોપગીતં મનસા પ્રતીતમ્ ।
રાગેણ ગીતં વચનાદતીતં શ્રીરામચન્દ્રં સતતં નમામિ ॥ ૧૨૩ ॥ ૮ ॥
શ્રીરામચન્દ્રસ્ય વરાષ્ટકં ત્વાં મયેરિતં દેવિ મનોહરં યે ।
પઠન્તિ શૃણ્વન્તિ ગૃણન્તિ ભક્ત્યા તે સ્વીયકામાન્ પ્રલભન્તિ નિત્યમ્ ॥ ૧૨૪ ॥ ૯ ॥
ઇતિ શતકોટિરામચરિતાન્તર્ગતે શ્રીમદાનન્દરામાયણે
વાલ્મીકીયે સારકાણ્ડે યુદ્ધચરિતે દ્વાદશસર્ગાન્તર્ગતં
શ્રીરામાષ્ટકં સમાપ્તમ્ ॥
– Chant Stotra in Other Languages –
Sri Vishnu Stotram » Ramashtakam From Ananda Ramayana Lyrics in Sanskrit » English » Bengali » Kannada » Malayalam » Odia » Telugu » Tamil