॥ Vishnudas Renuka Ashtakam Sanskrit Lyrics ॥
॥ रेणुकाष्टक मराठी श्रीविष्णुदासकृत ॥
श्रीगणेशाय नमः ।
लक्ष-कोटि-चण्डकीर्ण-सुप्रचंड विलपती ।
अंब चंद्रवदनबिंब दीप्तीमाजि लोपती ।
सिंह-शिखर-अचलवासि मूळपीठ नायिका ।
धर्म-अर्थ-काम-मोक्ष कल्पवृक्ष रेणुका ॥ १ ॥
आकर्ण अरुणवर्ण नेत्र श्रवणीं दिव्य कुंडले ।
डोलताति पुष्पहार भार फार दाटले ।
अष्टदंडि बाजुबंदि कंकणादि मुद्रिका ।
धर्म-अर्थ-काम-मोक्ष कल्पवृक्ष रेणुका ॥ २ ॥
इंद्रनीळ-पद्मराग-पाचहीर वेगळा ।
पायघोळ-बोरमाळ-चंद्रहार वेगळा ।
पैंजणादि भूषणेच लोपल्याति पादुका ।
धर्म-अर्थ-काम-मोक्ष कल्पवृक्ष रेणुका ॥ ३ ॥
इंद्र-चंद्र-विष्णु-ब्रह्म-नारदादि वंदिती ।
आदि-अन्त ठावहीन आदिशक्ति भगवती ।
प्रचंड चंडमुंड खंडविखंडकारि अंबिका ।
धर्म-अर्थ-काम-मोक्ष कल्पवृक्ष रेणुका ॥ ४ ॥
पर्वताग्रवासि पक्षि अंब ! अंब ! बोलती ।
विशाल शालवृक्ष रानीं भवानि ध्यानि डोलती ।
अवतार कृत्यासार जड-मुडादि तारका ।
धर्म-अर्थ-काम-मोक्ष कल्पवृक्ष रेणुका ॥ ५ ॥
अनंत ब्रह्मांड पोटि पूर्वमुखां बैसली ।
अनंतगुण अनंतशक्ति विश्वजननि भासली ।
सव्यभागि दत्त-अत्रि वामभागि कालिका ।
धर्म-अर्थ-काम-मोक्ष कल्पवृक्ष रेणुका ॥ ६ ॥
पवित्र मातृक्षेत्र धन्य वास पुण्य आश्रमीं ।
अंबदर्शनास भक्त अभक्त येति आश्रमीं ।
म्हणूनि विष्णुदास निजलाभ पावला फुका ॥
धर्म-अर्थ-काम-मोक्ष कल्पवृक्ष रेणुका ॥ ७ ॥
॥ श्रीरेणुकार्पणमस्तु ॥
– Chant Stotra in Other Languages –
Renuka Ashtakam by Vishnudas Lyrics in English » Bengali » Gujarati » Kannada » Malayalam » Odia » Telugu » Tamil