॥ Sri Varahi Anugraha Stotram Bengali Lyrics ॥
॥ বারাহ্যনুগ্রহাষ্টকম্ ॥
ঈশ্বর উবাচ
মাতর্জগদ্রচননাটকসূত্রধার-
স্ত্বদ্রূপমাকলয়িতুং পরমার্থতোঽয়ম্ ।
ঈশোঽপ্যমীশ্বরপদং সমুপৈতি তাদৃক্-
কোঽন্যঃ স্তবং কিমিব তাবকমাদধাতু ॥ ১ ॥
নামানি কিন্তু গৃণতস্তব লোকতুণ্ডে
নাডম্বরং স্পৃশতি দণ্ডধরস্য দণ্ডঃ ।
য়ল্লেশলম্বিতভবাম্বুনিধির্যতো য়ত্-
ত্বন্নামসংসৃতিরিয়ং ননু নঃ স্তুতিস্তে ॥ ২ ॥
ত্বচ্চিন্তনাদরসমুল্লসদপ্রমেয়া-
ঽঽনন্দোদয়াত্সমুদিতঃ স্ফুটরোমহর্ষঃ ।
মাতর্নমামি সুদিনানি সদেত্যমুং ত্বা-
মভ্যর্থয়েঽর্থমিতি পূরয়তাদ্দয়ালো ॥ ৩ ॥
ইন্দ্রেন্দুমৌলিবিধিকেশবমৌলিরত্ন-
রোচিশ্চয়োজ্জ্বলিতপাদসরোজয়ুগ্মে ।
চেতো মতৌ মম সদা প্রতিবিম্বিতা ত্বং
ভূয়া ভবানি বিদধাতু সদোরুহারে ॥ ৪ ॥
লীলোদ্ধৃতক্ষিতিতলস্য বরাহমূর্তে-
র্বারাহমূর্তিরখিলার্থকরী ত্বমেব ।
প্রালেয়রশ্মিসুকলোল্লসিতাবতংসা
ত্বং দেবি বামতনুভাগহরা রহস্য ॥ ৫ ॥
ত্বামম্ব তপ্তকনকোজ্জ্বলকান্তিমন্ত-
র্যে চিন্তয়ন্তি য়ুবতীতনুমাগলান্তাম্ ।
চক্রায়ুধত্রিনয়নাম্বরপোতৃবক্ত্রাং
তেষাং পদাম্বুজয়ুগং প্রণমন্তি দেবাঃ ॥ ৬ ॥
ত্বত্সেবনস্খলিত পাপচয়স্য মাত-
র্মোক্ষোঽপি য়ত্র ন সতাং গণনামুপৈতি ।
দেবাসুরোরগনৃপালনমস্য পাদ-
স্তত্র শ্রিয়ঃ পটুগিরঃ কিয়দেবমস্তু ॥ ৭ ॥
কিং দুষ্করং ত্বয়ি মনোবিষয়ং গতায়াং
কিং দুর্লভং ত্বয়ি বিধানবদর্চিতায়াম্ ।
কিং দুষ্করং ত্বয়ি সকৃত্স্মৃতিমাগতায়াং
কিং দুর্জয়ং ত্বয়ি কৃতস্তুতিবাদপুংসাম্ ॥ ৮ ॥
॥ ইতি শ্রী বারাহ্যনুগ্রহাষ্টকং সম্পূর্ণম্ ॥
– Chant Stotra in Other Languages –
Varahi Slokam » Sri Varahi Anugraha Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil