॥ Nityananda Ashtottara Shatanama Stotram Bengali Lyrics ॥
॥ নিত্যানন্দাষ্টোত্তরশতনামস্তোত্রম্ ॥
শ্রীমান্নিত্যানন্দচন্দ্রায় নমঃ ।
নিত্যানন্দমহং বন্দে কর্ণে লম্বিতমৌক্তিকম্ ।
চৈতন্যাগ্রজরূপেণ পবিত্রীকৃতভূতলম্ ॥ ১ ॥
প্রণম্য শ্রীজগন্নাথং নিত্যানন্দমহাপ্রভুম্ ।
নাম্নামষ্টোত্তরশতং প্রবক্ষ্যামি মুদাকরম্ ॥ ২ ॥
নীলাম্বরধরঃ শ্রিমাল্লাঙ্গলীমুসলপ্রিয়ঃ ।
সঙ্কর্ষণশ্চন্দ্রবর্ণো য়দূনাং কুলমঙ্গলঃ ॥ ৩ ॥
গোপিকারমণো রামো বৃন্দাবনকলানিধিঃ ।
কাদম্বরীসুধামত্তো গোপগোপীগণাবৃতঃ ॥ ৪ ॥
গোপীমণ্ডলমধ্যস্থো রাসতাণ্ডবপণ্ডিতঃ ।
রমণীরমণঃ কামী মদঘূর্ণিতলোচনঃ ॥ ৫ ॥
রাসোত্সবপরিশ্রান্তো ঘর্মনীরাবৃতাননঃ ।
কালিন্দীভেদনোত্সাহী নীরক্রীডাকুতূহলঃ ॥ ৬ ॥
গৌরাশ্রয়ঃ শমঃ শান্তো মায়ামানুষরূপধৃক্ ।
নিত্যানন্দাবধূতশ্চ য়জ্ঞসূত্রধরঃ সুধীঃ ॥ ৭ ॥
পতিতপ্রাণদঃ পৃথ্বীপাবনো ভক্তবত্সলঃ ।
প্রেমানন্দমদোন্মত্তঃ ব্রহ্মাদীনামগোচরঃ ॥ ৮ ॥
বনমালাধরো হারী রোচনাদিবিভূষিতঃ ।
নাগেন্দ্রশুণ্ডদোর্দণ্ডস্বর্ণকঙ্কণমণ্ডিতঃ ॥ ৯ ॥
গৌরভক্তিরসোল্লাসশ্চলচ্চঞ্চলনূপুরঃ ।
গজেন্দ্রগতিলাবণ্যসম্মোহিতজগজ্জনঃ ॥ ১০ ॥
সম্বীতশুভলীলাধৃগ্রোমাঞ্চিতকলেবরঃ ।
হো হো ধ্বনিসুধাশিশ্চ মুখচন্দ্রবিরাজিতঃ ॥ ১১ ॥
সিন্ধূরারুণসুস্নিগ্ধসুবিম্বাধরপল্লবঃ ।
স্বভক্তগণমধ্যস্থো রেবতীপ্রাণনায়কঃ ॥ ১২ ॥
লৌহদণ্ডধরো শৃঙ্গী বেণুপাণিঃ প্রতাপবান্ ।
প্রচণ্ডকৃতহুঙ্কারো মত্তঃ পাষণ্ডমার্দনঃ ॥ ১৩ ॥
সর্বভক্তিময়ো দেব আশ্রমাচারবর্জিতঃ ।
গুণাতীতো গুণময়ো গুণবান্ নর্তনপ্রিয়ঃ ॥ ১৪ ॥
ত্রিগুণাত্মা গুণগ্রাহী সগুণো গুণিনাং বরঃ ।
য়োগী য়োগবিধাতা চ ভক্তিয়োগপ্রদর্শকঃ ॥ ১৫ ॥
সর্বশক্তিপ্রকাশাঙ্গী মহানন্দময়ো নটঃ ।
সর্বাগমময়ো ধীরো জ্ঞানদো মুক্তিদঃ প্রভুঃ ॥ ১৬ ॥
গৌডদেশপরিত্রাতা প্রেমানন্দপ্রকাশকঃ ।
প্রেমানন্দরসানন্দী রাধিকামন্ত্রদো বিভুঃ ॥ ১৭ ॥
সর্বমন্ত্রস্বরূপশ্চ কৃষ্ণপর্যঙ্কসুন্দরঃ ।
রসজ্ঞো রসদাতা চ রসভোক্তা রসাশ্রয়ঃ ॥ ১৮ ॥
ব্রহ্মেশাদিমহেন্দ্রাদ্যবন্দিতশ্রীপদাম্বুজঃ ।
সহস্রমস্তকোপেতো রসাতলসুধাকরঃ ॥ ১৯ ॥
ক্ষীরোদার্ণবসম্ভূতঃ কুণ্ডলৈকাবতংসকঃ ।
রক্তোপলধরঃ শুভ্রো নারায়ণপরায়ণঃ ॥ ২০ ॥
অপারমহিমানন্তো নৃদোষাদর্শনঃ সদা ।
দয়ালুর্দুর্গতিত্রাতা কৃতান্তো দুষ্টদেহিনাম্ ॥ ২১ ॥
মঞ্জুদাশরথির্বীরো লক্ষ্মণঃ সর্ববল্লভঃ ।
সদোজ্জ্বলো রসানন্দী বৃন্দাবনরসপ্রদঃ ॥ ২২ ॥
পূর্ণপ্রেমসুধাসিন্ধুর্নাট্যলীলাবিশারদঃ ।
কোটীন্দুবৈভবঃ শ্রীমান্ জগদাহ্লাদকারকঃ ॥ ২৩ ॥
গোপালঃ সর্বপালশ্চ সর্বগোপাবতংসকঃ ।
মাঘে মাসি সিতে পক্ষে ত্রয়োদশ্যাং তিথৌ সদা ॥ ২৪ ॥
উপোষণং পূজনং চ শ্রীনিত্যানন্দবাসরে ।
য়দ্যত্ সঃ কুরুতে কামং তত্তদেব লভেন্নরঃ ॥ ২৫ ॥
অসাধ্যরোগয়ুক্তোঽপি মুচ্যতে গদভীষণাত্ ।
অপুত্রঃ সাধুপুত্রং চ লভতে নাত্র সংশয়ঃ ॥ ২৬ ॥
নিত্যানন্দস্বরূপস্য নাম্নামষ্টোত্তরং শতং ।
য়ঃ পঠেত্ প্রাতরুত্থায় স লভেদ্বাঞ্ছিতং ধ্রুবম্ ॥ ২৭ ॥
ইতি সার্বভৌম ভট্টাচার্যবিরচিতং
নিত্যানন্দাষ্টোত্তরশতনামস্তোত্রং সম্পূর্ণম্ ।
– Chant Stotra in Other Languages –
Sri Nityananda Prabhu Slokam » Nityananda Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil