॥ Sri Shikshashtaka by Chaitanya Mahaprabhu Odia Lyrics ॥
॥ ଶିକ୍ଷାଷ୍ଟକ (ଚୈତନ୍ୟମହାପ୍ରଭୁ) ॥
ଶିକ୍ଷାଷ୍ଟକଂ
ଚେତୋ-ଦର୍ପଣ-ମାର୍ଜନଂ ଭଵ-ମହା-ଦାଵାଗ୍ନି-ନିର୍ଵାପଣଂ
ଶ୍ରେୟଃ-କୈରଵ-ଚନ୍ଦ୍ରିକା-ଵିତରଣଂ ଵିଦ୍ୟା-ଵଧୂ-ଜୀଵନମ୍ ।
ଆନନ୍ଦ-ଅମ୍ବୁଧି-ଵର୍ଧନଂ ପ୍ରତି-ପଦଂ ପୂର୍ଣାମୃତାସ୍ଵାଦନଂ
ସର୍ଵାତ୍ମସ୍ନପନଂ ପରଂ ଵିଜୟତେ ଶ୍ରୀକୃଷ୍ଣ ସଂକୀର୍ତନମ୍ ॥ ୧ ॥
ନାମ୍ନାଂ ଅକାରି ବହୁଧା ନିଜ-ସର୍ଵ-ଶକ୍ତିଃ
ତତ୍ରାର୍ପିତା ନିୟମିତଃ ସ୍ମରଣେ ନ କାଲଃ ।
ଏତାଦୃଶୀ ତଵ କୃପା ଭଗଵନ୍-ମମାପି
ଦୁର୍ଦୈଵମ୍-ଈଦୃଶମ୍-ଇହାଜନି ନ-ଅନୁରାଗଃ ॥ ୨ ॥
ତୃଣାଦପି ସୁନୀଚେନ ତରୋରପି ସହିଷ୍ଣୁନା ।
ଅମାନିନା ମାନଦେନ କୀର୍ତନୀୟଃ ସଦା ହରିଃ ॥ ୩ ॥
ନ-ଧନଂ ନ-ଜନଂ ନ-ସୁନ୍ଦରୀମ୍
କଵିତାଂ ଵା ଜଗଦୀଶ କାମୟେ ।
ମମ ଜନ୍ମନି ଜନ୍ମନି ଈଶ୍ଵରେ
ଭଵତାଦ୍ ଭକ୍ତିଃ ଅହୈତୁକୀ ତ୍ଵୟି ॥ ୪ ॥
ଅୟି ନନ୍ଦ-ତନୂଜ କିଂକରମ୍
ପତିତଂ ମାଂ ଵିଷମେ-ଭଵ-ଅମ୍ବୁଧୌ ।
କୃପୟା ତଵ ପାଦ-ପଂକଜ-
ସ୍ଥିତ ଧୂଲି-ସଦୃଶଂ ଵିଚିଂତୟ ॥ ୫ ॥
ନୟନଂ ଗଲଦ୍-ଅଶ୍ରୁ-ଧାରୟା
ଵଦନଂ ଗଦ୍ଗଦ-ରୁଦ୍ଧୟା ଗିରା ।
ପୁଲକୈର୍ ନିଚିତଂ ଵପୁଃ କଦା
ତଵ ନାମ-ଗ୍ରହଣେ ଭଵିଷ୍ୟତି ॥ ୬ ॥
ୟୁଗାୟିତଂ ନିମେଷେଣ ଚକ୍ଷୁଷା ପ୍ରାଵୃଷାୟିତମ୍ ।
ଶୂନ୍ୟାୟିତଂ ଜଗତ୍ ସର୍ଵଂ ଗୋଵିନ୍ଦ-ଵିରହେଣ ମେ ॥ ୭ ॥
ଆଶ୍ଲିଷ୍ୟ ଵା ପାଦ-ରତାଂ ପିନଷ୍ଟୁ
ମାମ୍-ଅଦର୍ଶନାନ୍ ମର୍ମ-ହତାଂ କରୋତୁ ଵା ।
ୟଥା ତଥା ଵା ଵିଦଧାତୁ ଲମ୍ପଟଃ
ମତ୍-ପ୍ରାଣ-ନାଥସ୍ ତୁ ସ ଏଵ ନ-ଅପରଃ ॥ ୮ ॥
– Chant Stotra in Other Languages –
Chaitanya Mahaprabhu’s Shikshashtaka Lyrics in Sanskrit » English » Bengali » Gujarati » Kannada » Malayalam » Telugu » Tamil