॥ Girirajadharya Ashtakam Kannada Lyrics ॥
॥ ಶ್ರೀಗಿರಿರಾಜಧಾರ್ಯಷ್ಟಕಮ್ ॥
ಭಕ್ತಾಭಿಲಾಷಾಚರಿತಾನುಸಾರೀ ದುಗ್ಧಾದಿಚೌರ್ಯೇಣ ಯಶೋವಿಸಾರೀ ।
ಕುಮಾರತಾನನ್ದಿತಘೋಷನಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 1 ॥
ವ್ರಜಾಂಗನಾವೃನ್ದಸದಾವಿಹಾರೀ ಅಂಗೈರ್ಗೃಹಾಂಗಾರತಮೋಽಪಹಾರೀ ।
ಕ್ರೀಡಾರಸಾವೇಶತಮೋಽಭಿಸಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 2 ॥
ವೇಣುಸ್ವನಾನನ್ದಿತಪನ್ನಗಾರೀ ರಸಾತಲಾನೃತ್ಯಪದಪ್ರಚಾರೀ ।
ಕ್ರೀಡನ್ವಯಸ್ಯಾಕೃತಿದೈತ್ಯಮಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 3 ॥
ಪುಲಿನ್ದದಾರಾಹಿತಶಮ್ಬರಾರೀ ರಮಾಸದೋದಾರದಯಾಪ್ರಕಾರೀ ।
ಗೋವರ್ಧನೇ ಕನ್ದಫಲೋಪಹಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 4 ॥
ಕಲಿನ್ದಜಾಕೂಲದುಕೂಲಹಾರೀ ಕುಮಾರಿಕಾಕಾಮಕಲಾವಿತಾರೀ ।
ವೃನ್ದಾವನೇ ಗೋಧನವೃನ್ದಚಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 5 ॥
ವ್ರಜೇನ್ದ್ರಸರ್ವಾಧಿಕಶರ್ಮಕಾರೀ ಮಹೇನ್ದ್ರಗರ್ವಾಧಿಕಗರ್ವಹಾರೀ ।
ವೃನ್ದಾವನೇ ಕನ್ದಫಲೋಪಹಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 6 ॥
ಮನಃಕಲಾನಾಥತಮೋವಿದಾರೀ ವಂಶೀರವಾಕಾರಿತತತ್ಕುಮಾರಿಃ ।
ರಾಸೋತ್ಸವೋದ್ವೇಲ್ಲರಸಾಬ್ಧಿಮಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 7 ॥
ಮತ್ತದ್ವಿಪೋದ್ದಾಮಗತಾನುಕಾರೀ ಲುಠತ್ಪ್ರಸೂನಾಪ್ರಪದೀನಹಾರೀ ।
ರಾಮೋರಸಸ್ಪರ್ಶಕರಪ್ರಸಾರೀ ಮಮ ಪ್ರಭುಃ ಶ್ರೀಗಿರಿರಾಜಧಾರೀ ॥ 8 ॥
ಇತಿ ಶ್ರೀಮದ್ವಲ್ಲಭಾಚಾರ್ಯವಿರಚಿತಂ ಶ್ರೀಗಿರಿರಾಜಧಾರ್ಯಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Girirajadharyashtakam Lyrics in Sanskrit » English » Bengali » Gujarati » Malayalam » Odia » Telugu » Tamil