॥ Ashtapadi Malayalam Lyrics ॥
॥ അഷ്ടപദീ ॥
(രാഗ ഭൈരവ)
ജയതി നിജഘോഷഭുവി ഗോപമണിഭൂഷണം ।
യുവതികലധൌതരതിജടിതമവിദൂഷണം ॥ ധ്രുവപദം ॥
വികചശരദംബുരുഹരുചിരമുഖതോഽനിശം ।
ജിഘ്രതാദമലമധുമദശാലിനീ ഭൃശം ॥ 1 ॥
തരലദലസാപാങ്ഗവിഭ്രമഭ്രാമിതം ।
നിഃസ്ഥിരീഭവിതുമിച്ഛതു ഹൃദിതകാമിതം ॥ 2 ॥
മധുരമൃദുഹാസകലിതാധരച്യുതരസം ।
പിബതു രസനാഽപി മുഹുരുദിതരതിലാലസം ॥ 3 ॥
അമൃതമയശിശിരവചനേഷു നവസൂത്സുകം ।
ശ്രവണപുടയുഗലമനുഭവതു ചിരസൂത്സുകം ॥ 4 ॥
വിപുലവക്ഷസ്ഥലേ സ്പര്‍ശരസപൂരിതം ।
തുങ്ഗകുചകലശയുഗമസ്തു മദനേരിതം ॥ 5 ॥
മൃദിതതമകായദേവദ്രുമാലംബിതാ ।
ഹര്‍ഷമതിശയിതമുപയാതു തനുലതാ ॥ 6 ॥
പുഷ്പരസപുഷ്ടപരപുഷ്ടഭൃങ്ഗീമയേ ।
വസതിരപി ഭവതു മമ നിഭൃതകുഞ്ജാലയേ ॥ 7 ॥
ഗീതമിദമേവമുരുഭാവഗര്‍ഭിതപദം ।
രോചയതു കൃഷ്ണമിഹ സരസസമ്പദം ॥ 8 ॥
ഇതി ശ്രീദേവകീനന്ദനജീകൃതാഽഷ്ടപദീ സമാപ്താ ।
– Chant Stotra in Other Languages –
Sri Vishnu Slokam » Ashtapadis or Ashtapadi Lyrics in Sanskrit » English » Bengali » Gujarati » Kannada » Odia » Telugu » Tamil