॥ Sri Smaranashnakam Telugu Lyrics ॥
॥ శ్రీస్మరణాష్టకమ్ ॥
యదీయసౌభాగ్యభరేణ గోకుల-
స్త్రియో న యోగ్యాని వచాంసి సత్పతేః ।
న మానయామాసురుదారమానసా-
స్తదఙ్ఘ్రిసేవాసమయం స్మరామి ॥ ౧ ॥
యద్రూపసౌన్దర్యవశీకృతాశయా
మృగీగణాః పూజనమాదధుర్ముదా ।
హిత్వా సమీపస్థితభర్తృభీతిం
తదఙ్ఘిసేవాసమయం స్మరామి ॥ ౨ ॥
యద్వేణునాదశ్రవణైకజాత-
భావాఙ్కురా దేవవధూసమూహాః ।
ప్రవృద్ధభావా ముముహుః సభర్తృకా-
స్తదఙ్ఘ్రిసేవాసమయం స్మరామి ॥ ౩ ॥
యత్పాదసఞ్చారణజాతకామ-
భావా యదఙ్కేన నయత్యతల్పామ్ ।
శాన్తిం విచిత్రా వ్రజభూమిరేషా
తదఙ్ఘ్రిసేవాసమయం స్మరామి ॥ ౪ ॥
యద్బాలలీలాకృతచౌర్యజాత-
సన్తోషభావా వ్రజగోపవధ్వః ।
ఉపాలభన్తే సమయం యమర్భకం
తదఙ్ఘ్రిసేవాసమయం స్మరామి ॥ ౫ ॥
యం గోపనారీగణదర్శనీయ-
లీలం ముదా గోసుతపుచ్ఛకర్షుకమ్ ।
ప్రేక్షన్త్య ఏవోజ్ఝితగేహకృత్యాః
తఙ్ఘ్రిసేవాసమయం స్మరామి ॥ ౬ ॥
యద్వాహుసంస్పర్శనజాతభావ-
రసాలవావర్తులభూతవిగ్రహః ।
గోవర్ధనో వేద న వృష్టిపాతం
తదఙ్ఘ్రిసేవాసమయం స్మరామి ॥ ౭ ॥
యదధరసఙ్గతవేణునినాదం
విహితవిషయసుఖభరనిర్వాదమ్ ।
శ్రుతవత్యో ముఖభక్ష్యా గావః
కిం న హి కురుతే తద్గతభావః ॥ ౮ ॥
ఇతి శ్రీహరిదాసోదితం స్మరణాష్టకం సమాప్తమ్ ।
– Chant Stotra in Other Languages –
Sri Smarana Ashnakam Lyrics in Sanskrit » English » Bengali » Gujarati » Kannada » Malayalam » Odia » Tamil