॥ Sri Kalabhairava Ashtakam Bengali Lyrics ॥
॥ শ্রীকালভৈরবাষ্টকং ॥
দেবরাজসেব্যমানপাবনাংঘ্রিপঙ্কজং
ব্যালয়জ্ঞসূত্রমিন্দুশেখরং কৃপাকরম্ । var বিন্দু
নারদাদিয়োগিবৃন্দবন্দিতং দিগংবরং
কাশিকাপুরাধিনাথকালভৈরবং ভজে ॥ ১ ॥
ভানুকোটিভাস্বরং ভবাব্ধিতারকং পরং
নীলকণ্ঠমীপ্সিতার্থদায়কং ত্রিলোচনম্ ।
কালকালমংবুজাক্ষমক্ষশূলমক্ষরং
কাশিকাপুরাধিনাথকালভৈরবং ভজে ॥ ২ ॥
শূলটংকপাশদণ্ডপাণিমাদিকারণং
শ্যামকায়মাদিদেবমক্ষরং নিরাময়ম্ ।
ভীমবিক্রমং প্রভুং বিচিত্রতাণ্ডবপ্রিয়ং
কাশিকাপুরাধিনাথকালভৈরবং ভজে ॥ ৩ ॥
ভুক্তিমুক্তিদায়কং প্রশস্তচারুবিগ্রহং
ভক্তবত্সলং স্থিতং সমস্তলোকবিগ্রহম্ । var স্থিরম্
বিনিক্বণন্মনোজ্ঞহেমকিঙ্কিণীলসত্কটিং var নিক্বণন্
কাশিকাপুরাধিনাথকালভৈরবং ভজে ॥ ৪ ॥
ধর্মসেতুপালকং ত্বধর্মমার্গনাশকং var নাশনং
কর্মপাশমোচকং সুশর্মদায়কং বিভুম্ ।
স্বর্ণবর্ণশেষপাশশোভিতাংগমণ্ডলং var কেশপাশ, নির্মলং
কাশিকাপুরাধিনাথকালভৈরবং ভজে ॥ ৫ ॥
রত্নপাদুকাপ্রভাভিরামপাদয়ুগ্মকং
নিত্যমদ্বিতীয়মিষ্টদৈবতং নিরংজনম্ ।
মৃত্যুদর্পনাশনং করালদংষ্ট্রমোক্ষদং var ভূষণং
কাশিকাপুরাধিনাথকালভৈরবং ভজে ॥ ৬ ॥
অট্টহাসভিন্নপদ্মজাণ্ডকোশসংততিং
দৃষ্টিপাতনষ্টপাপজালমুগ্রশাসনম্ ।
অষ্টসিদ্ধিদায়কং কপালমালিকাধরং
কাশিকাপুরাধিনাথকালভৈরবং ভজে ॥ ৭ ॥
ভূতসংঘনায়কং বিশালকীর্তিদায়কং
কাশিবাসলোকপুণ্যপাপশোধকং বিভুম্ । var কাশিবাসি
নীতিমার্গকোবিদং পুরাতনং জগত্পতিং
কাশিকাপুরাধিনাথকালভৈরবং ভজে ॥ ৮ ॥
॥ ফল শ্রুতি ॥
কালভৈরবাষ্টকং পঠংতি য়ে মনোহরং
জ্ঞানমুক্তিসাধনং বিচিত্রপুণ্যবর্ধনম্ ।
শোকমোহদৈন্যলোভকোপতাপনাশনং var লোভদৈন্য
প্রয়ান্তি কালভৈরবাংঘ্রিসন্নিধিং নরা ধ্রুবম্ ॥
var তে প্রয়ান্তি কালভৈরবাংঘ্রিসন্নিধিং ধ্রুবম্ ॥
॥ ইতি শ্রীমত্পরমহংসপরিব্রাজকাচর্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
শ্রী কালভৈরবাষ্টকং সম্পূর্ণম্ ॥
– Chant Stotra in Other Languages –
Lord Shiva Sloka » Sri Kalabhairava Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil