॥ Sri Kalabhairava Ashtakam Gujarati Lyrics ॥
॥ શ્રીકાલભૈરવાષ્ટકં ॥
દેવરાજસેવ્યમાનપાવનાંઘ્રિપઙ્કજં
વ્યાલયજ્ઞસૂત્રમિન્દુશેખરં કૃપાકરમ્ । var બિન્દુ
નારદાદિયોગિવૃન્દવન્દિતં દિગંબરં
કાશિકાપુરાધિનાથકાલભૈરવં ભજે ॥ ૧ ॥
ભાનુકોટિભાસ્વરં ભવાબ્ધિતારકં પરં
નીલકણ્ઠમીપ્સિતાર્થદાયકં ત્રિલોચનમ્ ।
કાલકાલમંબુજાક્ષમક્ષશૂલમક્ષરં
કાશિકાપુરાધિનાથકાલભૈરવં ભજે ॥ ૨ ॥
શૂલટંકપાશદણ્ડપાણિમાદિકારણં
શ્યામકાયમાદિદેવમક્ષરં નિરામયમ્ ।
ભીમવિક્રમં પ્રભું વિચિત્રતાણ્ડવપ્રિયં
કાશિકાપુરાધિનાથકાલભૈરવં ભજે ॥ ૩ ॥
ભુક્તિમુક્તિદાયકં પ્રશસ્તચારુવિગ્રહં
ભક્તવત્સલં સ્થિતં સમસ્તલોકવિગ્રહમ્ । var સ્થિરમ્
વિનિક્વણન્મનોજ્ઞહેમકિઙ્કિણીલસત્કટિં var નિક્વણન્
કાશિકાપુરાધિનાથકાલભૈરવં ભજે ॥ ૪ ॥
ધર્મસેતુપાલકં ત્વધર્મમાર્ગનાશકં var નાશનં
કર્મપાશમોચકં સુશર્મદાયકં વિભુમ્ ।
સ્વર્ણવર્ણશેષપાશશોભિતાંગમણ્ડલં var કેશપાશ, નિર્મલં
કાશિકાપુરાધિનાથકાલભૈરવં ભજે ॥ ૫ ॥
રત્નપાદુકાપ્રભાભિરામપાદયુગ્મકં
નિત્યમદ્વિતીયમિષ્ટદૈવતં નિરંજનમ્ ।
મૃત્યુદર્પનાશનં કરાલદંષ્ટ્રમોક્ષદં var ભૂષણં
કાશિકાપુરાધિનાથકાલભૈરવં ભજે ॥ ૬ ॥
અટ્ટહાસભિન્નપદ્મજાણ્ડકોશસંતતિં
દૃષ્ટિપાતનષ્ટપાપજાલમુગ્રશાસનમ્ ।
અષ્ટસિદ્ધિદાયકં કપાલમાલિકાધરં
કાશિકાપુરાધિનાથકાલભૈરવં ભજે ॥ ૭ ॥
ભૂતસંઘનાયકં વિશાલકીર્તિદાયકં
કાશિવાસલોકપુણ્યપાપશોધકં વિભુમ્ । var કાશિવાસિ
નીતિમાર્ગકોવિદં પુરાતનં જગત્પતિં
કાશિકાપુરાધિનાથકાલભૈરવં ભજે ॥ ૮ ॥
॥ ફલ શ્રુતિ ॥
કાલભૈરવાષ્ટકં પઠંતિ યે મનોહરં
જ્ઞાનમુક્તિસાધનં વિચિત્રપુણ્યવર્ધનમ્ ।
શોકમોહદૈન્યલોભકોપતાપનાશનં var લોભદૈન્ય
પ્રયાન્તિ કાલભૈરવાંઘ્રિસન્નિધિં નરા ધ્રુવમ્ ॥
var તે પ્રયાન્તિ કાલભૈરવાંઘ્રિસન્નિધિં ધ્રુવમ્ ॥
॥ ઇતિ શ્રીમત્પરમહંસપરિવ્રાજકાચર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કૃતૌ
શ્રી કાલભૈરવાષ્ટકં સમ્પૂર્ણમ્ ॥
– Chant Stotra in Other Languages –
Lord Shiva Sloka » Sri Kalabhairava Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil