॥ Sri Kalika Ashtakam Odia Lyrics ॥
॥ ଶ୍ରୀକାଲିକାଷ୍ଟକମ୍ ॥
ଧ୍ୟାନମ୍ ।
ଗଲଦ୍ରକ୍ତମୁଣ୍ଡାଵଲୀକଣ୍ଠମାଲା
ମହୋଘୋରରାଵା ସୁଦଂଷ୍ଟ୍ରା କରାଲା ।
ଵିଵସ୍ତ୍ରା ଶ୍ମଶାନାଲୟା ମୁକ୍ତକେଶୀ
ମହାକାଲକାମାକୁଲା କାଲିକେୟମ୍ ॥ ୧ ॥
ଭୁଜେଵାମୟୁଗ୍ମେ ଶିରୋଽସିଂ ଦଧାନା
ଵରଂ ଦକ୍ଷୟୁଗ୍ମେଽଭୟଂ ଵୈ ତଥୈଵ ।
ସୁମଧ୍ୟାଽପି ତୁଙ୍ଗସ୍ତନା ଭାରନମ୍ରା
ଲସଦ୍ରକ୍ତସୃକ୍କଦ୍ଵୟା ସୁସ୍ମିତାସ୍ୟା ॥ ୨ ॥
ଶଵଦ୍ଵନ୍ଦ୍ଵକର୍ଣାଵତଂସା ସୁକେଶୀ
ଲସତ୍ପ୍ରେତପାଣିଂ ପ୍ରୟୁକ୍ତୈକକାଞ୍ଚୀ ।
ଶଵାକାରମଞ୍ଚାଧିରୂଢା ଶିଵାଭିଶ୍-
ଚତୁର୍ଦିକ୍ଷୁଶବ୍ଦାୟମାନାଽଭିରେଜେ ॥ ୩ ॥
॥ ଅଥ ସ୍ତୁତିଃ ॥
ଵିରଞ୍ଚ୍ୟାଦିଦେଵାସ୍ତ୍ରୟସ୍ତେ ଗୁଣାସ୍ତ୍ରୀନ୍
ସମାରାଧ୍ୟ କାଲୀଂ ପ୍ରଧାନା ବଭୂବୁଃ ।
ଅନାଦିଂ ସୁରାଦିଂ ମଖାଦିଂ ଭଵାଦିଂ
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୧ ॥
ଜଗନ୍ମୋହିନୀୟଂ ତୁ ଵାଗ୍ଵାଦିନୀୟଂ
ସୁହୃତ୍ପୋଷିଣୀଶତ୍ରୁସଂହାରଣୀୟମ୍ ।
ଵଚସ୍ତମ୍ଭନୀୟଂ କିମୁଚ୍ଚାଟନୀୟଂ
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୨ ॥
ଇୟଂ ସ୍ଵର୍ଗଦାତ୍ରୀ ପୁନଃ କଲ୍ପଵଲ୍ଲୀ
ମନୋଜାସ୍ତୁ କାମାନ୍ ୟଥାର୍ଥଂ ପ୍ରକୁର୍ୟାତ୍ ।
ତଥା ତେ କୃତାର୍ଥା ଭଵନ୍ତୀତି ନିତ୍ୟଂ
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୩ ॥
ସୁରାପାନମତ୍ତା ସୁଭକ୍ତାନୁରକ୍ତା
ଲସତ୍ପୂତଚିତ୍ତେ ସଦାଵିର୍ଭଵତ୍ତେ ।
ଜପଧ୍ୟାନପୂଜାସୁଧାଧୌତପଙ୍କା
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୪ ॥
ଚିଦାନନ୍ଦକନ୍ଦଂ ହସନ୍ ମନ୍ଦମନ୍ଦଂ
ଶରଚ୍ଚନ୍ଦ୍ରକୋଟିପ୍ରଭାପୁଞ୍ଜବିମ୍ବମ୍ ।
ମୁନୀନାଂ କଵୀନାଂ ହୃଦି ଦ୍ୟୋତୟନ୍ତଂ
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୫ ॥
ମହାମେଘକାଲୀ ସୁରକ୍ତାପି ଶୁଭ୍ରା
କଦାଚିଦ୍ ଵିଚିତ୍ରାକୃତିର୍ୟୋଗମାୟା ।
ନ ବାଲା ନ ଵୃଦ୍ଧା ନ କାମାତୁରାପି
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୬ ॥
କ୍ଷମସ୍ଵାପରାଧଂ ମହାଗୁପ୍ତଭାଵଂ
ମୟା ଲୋକମଧ୍ୟେ ପ୍ରକାଶିକୃତଂ ୟତ୍ ।
ତଵ ଧ୍ୟାନପୂତେନ ଚାପଲ୍ୟଭାଵାତ୍
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୭ ॥
ୟଦି ଧ୍ୟାନୟୁକ୍ତଂ ପଠେଦ୍ ୟୋ ମନୁଷ୍ୟସ୍-
ତଦା ସର୍ଵଲୋକେ ଵିଶାଲୋ ଭଵେଚ୍ଚ ।
ଗୃହେ ଚାଷ୍ଟସିଦ୍ଧିର୍ମୃତେ ଚାପି ମୁକ୍ତିଃ
ସ୍ଵରୂପଂ ତ୍ଵଦୀୟଂ ନ ଵିନ୍ଦନ୍ତି ଦେଵାଃ ॥ ୮ ॥
॥ ଇତି ଶ୍ରୀମଚ୍ଛଙ୍କରାଚାର୍ୟଵିରଚିତଂ ଶ୍ରୀକାଲିକାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Goddess Durga Slokam » Sri Kalika Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil