॥ Sri Kalika Ashtakam Telugu Lyrics ॥
॥ శ్రీకాలికాష్టకమ్ ॥
ధ్యానమ్ ।
గలద్రక్తముణ్డావలీకణ్ఠమాలా
మహోఘోరరావా సుదంష్ట్రా కరాలా ।
వివస్త్రా శ్మశానాలయా ముక్తకేశీ
మహాకాలకామాకులా కాలికేయమ్ ॥ ౧ ॥
భుజేవామయుగ్మే శిరోఽసిం దధానా
వరం దక్షయుగ్మేఽభయం వై తథైవ ।
సుమధ్యాఽపి తుఙ్గస్తనా భారనమ్రా
లసద్రక్తసృక్కద్వయా సుస్మితాస్యా ॥ ౨ ॥
శవద్వన్ద్వకర్ణావతంసా సుకేశీ
లసత్ప్రేతపాణిం ప్రయుక్తైకకాఞ్చీ ।
శవాకారమఞ్చాధిరూఢా శివాభిశ్-
చతుర్దిక్షుశబ్దాయమానాఽభిరేజే ॥ ౩ ॥
॥ అథ స్తుతిః ॥
విరఞ్చ్యాదిదేవాస్త్రయస్తే గుణాస్త్రీన్
సమారాధ్య కాలీం ప్రధానా బభూబుః ।
అనాదిం సురాదిం మఖాదిం భవాదిం
స్వరూపం త్వదీయం న విన్దన్తి దేవాః ॥ ౧ ॥
జగన్మోహినీయం తు వాగ్వాదినీయం
సుహృత్పోషిణీశత్రుసంహారణీయమ్ ।
వచస్తమ్భనీయం కిముచ్చాటనీయం
స్వరూపం త్వదీయం న విన్దన్తి దేవాః ॥ ౨ ॥
ఇయం స్వర్గదాత్రీ పునః కల్పవల్లీ
మనోజాస్తు కామాన్ యథార్థం ప్రకుర్యాత్ ।
తథా తే కృతార్థా భవన్తీతి నిత్యం
స్వరూపం త్వదీయం న విన్దన్తి దేవాః ॥ ౩ ॥
సురాపానమత్తా సుభక్తానురక్తా
లసత్పూతచిత్తే సదావిర్భవత్తే ।
జపధ్యానపూజాసుధాధౌతపఙ్కా
స్వరూపం త్వదీయం న విన్దన్తి దేవాః ॥ ౪ ॥
చిదానన్దకన్దం హసన్ మన్దమన్దం
శరచ్చన్ద్రకోటిప్రభాపుఞ్జబిమ్బమ్ ।
మునీనాం కవీనాం హృది ద్యోతయన్తం
స్వరూపం త్వదీయం న విన్దన్తి దేవాః ॥ ౫ ॥
మహామేఘకాలీ సురక్తాపి శుభ్రా
కదాచిద్ విచిత్రాకృతిర్యోగమాయా ।
న బాలా న వృద్ధా న కామాతురాపి
స్వరూపం త్వదీయం న విన్దన్తి దేవాః ॥ ౬ ॥
క్షమస్వాపరాధం మహాగుప్తభావం
మయా లోకమధ్యే ప్రకాశికృతం యత్ ।
తవ ధ్యానపూతేన చాపల్యభావాత్
స్వరూపం త్వదీయం న విన్దన్తి దేవాః ॥ ౭ ॥
యది ధ్యానయుక్తం పఠేద్ యో మనుష్యస్-
తదా సర్వలోకే విశాలో భవేచ్చ ।
గృహే చాష్టసిద్ధిర్మృతే చాపి ముక్తిః
స్వరూపం త్వదీయం న విన్దన్తి దేవాః ॥ ౮ ॥
॥ ఇతి శ్రీమచ్ఛఙ్కరాచార్యవిరచితం శ్రీకాలికాష్టకం సమ్పూర్ణమ్ ॥
– Chant Stotra in Other Languages –
Goddess Durga Slokam » Sri Kalika Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil