॥ Sri Hari Nama Ashtakam Kannada Lyrics ॥
॥ ಶ್ರೀಹರಿನಾಮಾಷ್ಟಕಮ್ ॥
ಶ್ರೀ ಗಣೇಶಾಯ ನಮಃ ॥
ಶ್ರೀ ಕೇಶವಾಚ್ಯುತ ಮುಕುನ್ದ ರಥಾಂಗಪಾಣೇ
ಗೋವಿನ್ದ ಮಾಧವ ಜನಾರ್ದನ ದಾನವಾರೇ ।
ನಾರಾಯಣಾಮರಪತೇ ತ್ರಿಜಗನ್ನಿವಾಸ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 1 ॥
ಶ್ರೀದೇವದೇವ ಮಧುಸೂದನ ಶಾರ್ಂಗಪಾಣೇ
ದಾಮೋದರಾರ್ಣವನಿಕೇತನ ಕೈಟಭಾರೇ ।
ವಿಶ್ವಮ್ಭರಾಭರಣಭೂಷಿತ ಭೂಮಿಪಾಲ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 2 ॥
ಶ್ರೀಪದ್ಮಲೋಚನ ಗದಾಧರ ಪದ್ಮನಾಭ
ಪದ್ಮೇಶ ಪದ್ಮಪದ ಪಾವನ ಪದ್ಮಪಾಣೇ ।
ಪೀತಾಮ್ಬರಾಮ್ಬರರುಚೇ ರುಚಿರಾವತಾರ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 3 ॥
ಶ್ರೀಕಾನ್ತ ಕೌಸ್ತುಭಧರಾರ್ತಿಹರಾಬ್ಜಪಾಣೇ
ವಿಷ್ಣೋ ತ್ರಿವಿಕ್ರಮ ಮಹೀಧರ ಧರ್ಮಸೇತೋ ।
ವೈಕುಂಠವಾಸ ವಸುಧಾಧಿಪ ವಾಸುದೇವ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 4 ॥
ಶ್ರೀನಾರಸಿಂಹ ನರಕಾನ್ತಕ ಕಾನ್ತಮೂರ್ತೇ
ಲಕ್ಷ್ಮೀಪತೇ ಗರುಡವಾಹನ ಶೇಷಶಾಯಿನ್ ।
ಕೇಶಿಪ್ರಣಾಶನ ಸುಕೇಶ ಕಿರೀಟಮೌಲೇ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 5 ॥
ಶ್ರೀವತ್ಸಲಾಂಛನ ಸುರರ್ಷಭ ಶಂಖಪಾಣೇ
ಕಲ್ಪಾನ್ತವಾರಿಧಿವಿಹಾರ ಹರೇ ಮುರಾರೇ ।
ಯಜ್ಞೇಶ ಯಜ್ಞಮಯ ಯಜ್ಞಭುಗಾದಿದೇವ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 6 ॥
ಶ್ರೀರಾಮ ರಾವಣರಿಪೋ ರಘುವಂಶಕೇತೋ
ಸೀತಾಪತೇ ದಶರಥಾತ್ಮಜ ರಾಜಸಿಂಹ ।
ಸುಗ್ರೀವಮಿತ್ರ ಮೃಗವೇಧನ ಚಾಪಪಾಣೇ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 7 ॥
ಶ್ರೀಕೃಷ್ಣ ವೃಷ್ಣಿವರ ಯಾದವ ರಾಧಿಕೇಶ
ಗೋವರ್ಧನೋದ್ಧರಣ ಕಂಸವಿನಾಶ ಶೌರೇ ।
ಗೋಪಾಲ ವೇಣುಧರ ಪಾಂಡುಸುತೈಕಬನ್ಧೋ
ಜಿಹ್ವೇ ಜಪೇತಿ ಸತತಂ ಮಧುರಾಕ್ಷರಾಣಿ ॥ 8 ॥
ಇತ್ಯಷ್ಟಕಂ ಭಗವತಃ ಸತತಂ ನರೋ ಯೋ
ನಾಮಾಂಕಿತಂ ಪಠತಿ ನಿತ್ಯಮನನ್ಯಚೇತಾಃ ।
ವಿಷ್ಣೋಃ ಪರಂ ಪದಮುಪೈತಿ ಪುನರ್ನ ಜಾತು
ಮಾತುಃ ಪಯೋಧರರಸಂ ಪಿಬತೀಹ ಸತ್ಯಮ್ ॥ 9 ॥
ಇತಿ ಶ್ರೀಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ
ಶ್ರೀಹರಿನಾಮಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Vishnu Slokam » Sri Hari Nama Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil