॥ Achyutashtakam by Shridhara Venkatesha Gujarati Lyrics ॥
॥ અચ્યુતાષ્ટકં શ્રીધરવેંકટેશવિરચિતમ્ ॥
અથ અચ્યુતાષ્ટકમ્ ॥
અભિલપનનિસર્ગાદચ્યુતાખ્યે ભજે ત્વાં
હરસિ મદઘબૃન્દં ત્વદ્ભુબુક્ષાવશાત્ ત્વમ્ ।
અઘહૃદિતિ તવાંબ પ્રત્યુત ખ્યાતિદોઽહં
ત્વયિ મમ વદ કા વા સંગતિર્દૈન્યવાચામ્ ॥ ૧ ॥
ચિરાતીતા સાન્દીપનિતનુભુવઃ કાલભવન-
પ્રપત્તિસ્તં પિત્રોઃ પુનરગમયત્ સન્નિધિમિતિ ।
યશઃ કૃષ્ણસ્યેદં કથમહહ ન ત્વાં રસનયા
યદિ શ્રીકૃષ્ણાખ્યે ભજતિ સ તાદનીં મુનિસુતઃ ॥ ૨ ॥
હરેર્યચ્ચોરત્વં યદપિ ચ તથા જારચરિતં
તદેતત્ સર્વાંહસ્તતિકૃતે સંકથનતઃ ।
ઇતીદં માહાત્મ્યં મધુમથન તે દીપિતમિદં
વદન્ત્યાઃ કૃષ્ણાખ્યે તવહિ વિચરન્ત્યા વિલસિતમ્ ॥ ૩ ॥
સભાયાં દ્રૌપત્યાઽંશુકસૃતિભિયા તદ્રસનયા
ધૃતા તસ્યાશ્ચેલં પ્રતનુ તદવસ્થં વિદધતી ।
વ્યતાનીશ્શૈલાભં વસનવિસરં ચાંબ હરતા-
મિયાન્ ગોવિન્દાખ્યે વદ વસનરાશિસ્તવ કુતઃ ॥ ૪ ॥
અધિરસનમયિ ત્વામચ્યુતાખ્યે દધાનં
વનજભવમુખાનાં વન્દ્યમાહુર્મહાન્તઃ ।
સતુ વિનમતિ માતશ્ચાશ્વગોશ્વાદનાદીન્
ભવતિ નનુ વિચિત્રા પદ્ધતિસ્તાવકાનામ્ ॥ ૫ ॥
જનનિ મુરભિદાખ્યે જાહ્નવીનિમ્નગૈકા
સમજનિ પદપદ્માચ્ચક્રિણસ્ત્વાશ્રિતાનામ્ ।
પરિણમતિ સમસ્તાઃ પાદવાર્ઘિન્દુરેકો
જગતિ નનુ તટિન્યો જાહ્નવીસહ્યજાદ્યાઃ ॥ ૬ ॥
સમવહિતમપશ્યન્ સન્નિધૌ વૈનતેયં
પ્રસભવિધુતપદ્માપાણિરીશોઽચ્યુતાખ્યે ।
સમવિતુમુપનીતઃ સાગજેન્દ્રં ત્વયા દ્રાક્
વદ જનનિ વિના ત્વાં કેન વા કિં તદાભૂત્ ॥ ૭ ॥
યદેષ સ્તૌમિ ત્વાં ત્રિયુગચરણત્રાયિણિ તતો
મહિમ્નઃ કા હાનિસ્તવતુ મમ સંપન્નિરવધિઃ ।
શુના લીલાકામં ભવતિ સુરસિન્ધુર્ભગવતી
તદેષા કિંભૂતા સતુ સપદિ સન્તાપભરિતઃ ॥ ૮ ॥
ઇતિ શ્રીશ્રીધરવેંકટેશાર્યકૃતૌ અચ્યુતાષ્ટકં સંપૂર્ણમ્ ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Bengali » Kannada » Malayalam » Odia » Telugu » Tamil