॥ Brihannila Tantra Tara Shatanama Stotra Lyrics Odia Lyrics ॥
॥ ତାରାଶତନାମସ୍ତୋତ୍ରମ୍ ବୃହନ୍ନୀଲତନ୍ତ୍ରାର୍ଗତମ୍ ॥
ଶ୍ରୀଦେଵ୍ୟୁଵାଚ ।
ସର୍ଵଂ ସଂସୂଚିତଂ ଦେଵ ନାମ୍ନାଂ ଶତଂ ମହେଶ୍ଵର ।
ୟତ୍ନୈଃ ଶତୈର୍ମହାଦେଵ ମୟି ନାତ୍ର ପ୍ରକାଶିତମ୍ ॥ ୨୦-୧ ॥
ପଠିତ୍ଵା ପରମେଶାନ ହଠାତ୍ ସିଦ୍ଧ୍ୟତି ସାଧକଃ ।
ନାମ୍ନାଂ ଶତଂ ମହାଦେଵ କଥୟସ୍ଵ ସମାସତଃ ॥ ୨୦-୨ ॥
ଶ୍ରୀଭୈରଵ ଉଵାଚ ।
ଶୃଣୁ ଦେଵି ପ୍ରଵକ୍ଷ୍ୟାମି ଭକ୍ତାନାଂ ହିତକାରକମ୍ ।
ୟଜ୍ଜ୍ଞାତ୍ଵା ସାଧକାଃ ସର୍ଵେ ଜୀଵନ୍ମୁକ୍ତିମୁପାଗତାଃ ॥ ୨୦-୩ ॥
କୃତାର୍ଥାସ୍ତେ ହି ଵିସ୍ତୀର୍ଣା ୟାନ୍ତି ଦେଵୀପୁରେ ସ୍ଵୟମ୍ ।
ନାମ୍ନାଂ ଶତଂ ପ୍ରଵକ୍ଷ୍ୟାମି ଜପାତ୍ ସ(ଅ)ର୍ଵଜ୍ଞଦାୟକମ୍ ॥ ୨୦-୪ ॥
ନାମ୍ନାଂ ସହସ୍ରଂ ସଂତ୍ୟଜ୍ୟ ନାମ୍ନାଂ ଶତଂ ପଠେତ୍ ସୁଧୀଃ ।
କଲୌ ନାସ୍ତି ମହେଶାନି କଲୌ ନାନ୍ୟା ଗତିର୍ଭଵେତ୍ ॥ ୨୦-୫ ॥
ଶୃଣୁ ସାଧ୍ଵି ଵରାରୋହେ ଶତଂ ନାମ୍ନାଂ ପୁରାତନମ୍ ।
ସର୍ଵସିଦ୍ଧିକରଂ ପୁଂସାଂ ସାଧକାନାଂ ସୁଖପ୍ରଦମ୍ ॥ ୨୦-୬ ॥
ତାରିଣୀ ତାରସଂୟୋଗା ମହାତାରସ୍ଵରୂପିଣୀ ।
ତାରକପ୍ରାଣହର୍ତ୍ରୀ ଚ ତାରାନନ୍ଦସ୍ଵରୂପିଣୀ ॥ ୨୦-୭ ॥
ମହାନୀଲା ମହେଶାନୀ ମହାନୀଲସରସ୍ଵତୀ ।
ଉଗ୍ରତାରା ସତୀ ସାଧ୍ଵୀ ଭଵାନୀ ଭଵମୋଚିନୀ ॥ ୨୦-୮ ॥
ମହାଶଙ୍ଖରତା ଭୀମା ଶାଙ୍କରୀ ଶଙ୍କରପ୍ରିୟା ।
ମହାଦାନରତା ଚଣ୍ଡୀ ଚଣ୍ଡାସୁରଵିନାଶିନୀ ॥ ୨୦-୯ ॥
ଚନ୍ଦ୍ରଵଦ୍ରୂପଵଦନା ଚାରୁଚନ୍ଦ୍ରମହୋଜ୍ଜ୍ଵଲା ।
ଏକଜଟା କୁରଙ୍ଗାକ୍ଷୀ ଵରଦାଭୟଦାୟିନୀ ॥ ୨୦-୧୦ ॥
ମହାକାଲୀ ମହାଦେଵୀ ଗୁହ୍ୟକାଲୀ ଵରପ୍ରଦା ।
ମହାକାଲରତା ସାଧ୍ଵୀ ମହୈଶ୍ଵର୍ୟପ୍ରଦାୟିନୀ ॥ ୨୦-୧୧ ॥
ମୁକ୍ତିଦା ସ୍ଵର୍ଗଦା ସୌମ୍ୟା ସୌମ୍ୟରୂପା ସୁରାରିହା ।
ଶଠଵିଜ୍ଞା ମହାନାଦା କମଲା ବଗଲାମୁଖୀ ॥ ୨୦-୧୨ ॥
ମହାମୁକ୍ତିପ୍ରଦା କାଲୀ କାଲରାତ୍ରିସ୍ଵରୂପିଣୀ ।
ସରସ୍ଵତୀ ସରିଚ୍ଶ୍ରେଷ୍ଠା ସ୍ଵର୍ଗଙ୍ଗା ସ୍ଵର୍ଗଵାସିନୀ ॥ ୨୦-୧୩ ॥
ହିମାଲୟସୁତା କନ୍ୟା କନ୍ୟାରୂପଵିଲାସିନୀ ।
ଶଵୋପରିସମାସୀନା ମୁଣ୍ଡମାଲାଵିଭୂଷିତା ॥ ୨୦-୧୪ ॥
ଦିଗମ୍ବରା ପତିରତା ଵିପରୀତରତାତୁରା ।
ରଜସ୍ଵଲା ରଜଃପ୍ରୀତା ସ୍ଵୟମ୍ଭୂକୁସୁମପ୍ରିୟା ॥ ୨୦-୧୫ ॥
ସ୍ଵୟମ୍ଭୂକୁସୁମପ୍ରାଣା ସ୍ଵୟମ୍ଭୂକୁସୁମୋତ୍ସୁକା ।
ଶିଵପ୍ରାଣା ଶିଵରତା ଶିଵଦାତ୍ରୀ ଶିଵାସନା ॥ ୨୦-୧୬ ॥
ଅଟ୍ଟହାସା ଘୋରରୂପା ନିତ୍ୟାନନ୍ଦସ୍ଵରୂପିଣୀ ।
ମେଘଵର୍ଣା କିଶୋରୀ ଚ ୟୁଵତୀସ୍ତନକୁଙ୍କୁମା ॥ ୨୦-୧୭ ॥
ଖର୍ଵା ଖର୍ଵଜନପ୍ରୀତା ମଣିଭୂଷିତମଣ୍ଡନା ।
କିଙ୍କିଣୀଶବ୍ଦସଂୟୁକ୍ତା ନୃତ୍ୟନ୍ତୀ ରକ୍ତଲୋଚନା ॥ ୨୦-୧୮ ॥
କୃଶାଙ୍ଗୀ କୃସରପ୍ରୀତା ଶରାସନଗତୋତ୍ସୁକା ।
କପାଲଖର୍ପରଧରା ପଞ୍ଚାଶନ୍ମୁଣ୍ଡମାଲିକା ॥ ୨୦-୧୯ ॥
ହଵ୍ୟକଵ୍ୟପ୍ରଦା ତୁଷ୍ଟିଃ ପୁଷ୍ଟିଶ୍ଚୈଵ ଵରାଙ୍ଗନା ।
ଶାନ୍ତିଃ କ୍ଷାନ୍ତିର୍ମନୋ ବୁଦ୍ଧିଃ ସର୍ଵବୀଜସ୍ଵରୂପିଣୀ ॥ ୨୦-୨୦ ॥
ଉଗ୍ରାପତାରିଣୀ ତୀର୍ଣା ନିସ୍ତୀର୍ଣଗୁଣଵୃନ୍ଦକା ।
ରମେଶୀ ରମଣୀ ରମ୍ୟା ରାମାନନ୍ଦସ୍ଵରୂପିଣୀ ॥ ୨୦-୨୧ ॥
ରଜନୀକରସମ୍ପୂର୍ଣା ରକ୍ତୋତ୍ପଲଵିଲୋଚନା ।
ଇତି ତେ କଥିତଂ ଦିଵ୍ୟଂ ଶତଂ ନାମ୍ନାଂ ମହେଶ୍ଵରି ॥ ୨୦-୨୨ ॥
ପ୍ରପଠେଦ୍ ଭକ୍ତିଭାଵେନ ତାରିଣ୍ୟାସ୍ତାରଣକ୍ଷମମ୍ ।
ସର୍ଵାସୁରମହାନାଦସ୍ତୂୟମାନମନୁତ୍ତମମ୍ ॥ ୨୦-୨୩ ॥
ଷଣ୍ମାସାଦ୍ ମହଦୈଶ୍ଵର୍ୟଂ ଲଭତେ ପରମେଶ୍ଵରି ।
ଭୂମିକାମେନ ଜପ୍ତଵ୍ୟଂ ଵତ୍ସରାତ୍ତାଂ ଲଭେତ୍ ପ୍ରିୟେ ॥ ୨୦-୨୪ ॥
ଧନାର୍ଥୀ ପ୍ରାପ୍ନୁୟାଦର୍ଥଂ ମୋକ୍ଷାର୍ଥୀ ମୋକ୍ଷମାପ୍ନୁୟାତ୍ ।
ଦାରାର୍ଥୀ ପ୍ରାପ୍ନୁୟାଦ୍ ଦାରାନ୍ ସର୍ଵାଗମ(ପୁରୋ?ପ୍ରଚୋ)ଦିତାନ୍ ॥ ୨୦-୨୫ ॥
ଅଷ୍ଟମ୍ୟାଂ ଚ ଶତାଵୃତ୍ତ୍ୟା ପ୍ରପଠେଦ୍ ୟଦି ମାନଵଃ ।
ସତ୍ୟଂ ସିଦ୍ଧ୍ୟତି ଦେଵେଶି ସଂଶୟୋ ନାସ୍ତି କଶ୍ଚନ ॥ ୨୦-୨୬ ॥
ଇତି ସତ୍ୟଂ ପୁନଃ ସତ୍ୟଂ ସତ୍ୟଂ ସତ୍ୟଂ ମହେଶ୍ଵରି ।
ଅସ୍ମାତ୍ ପରତରଂ ନାସ୍ତି ସ୍ତୋତ୍ରମଧ୍ୟେ ନ ସଂଶୟଃ ॥ ୨୦-୨୭ ॥
ନାମ୍ନାଂ ଶତଂ ପଠେଦ୍ ମନ୍ତ୍ରଂ ସଂଜପ୍ୟ ଭକ୍ତିଭାଵତଃ ।
ପ୍ରତ୍ୟହଂ ପ୍ରପଠେଦ୍ ଦେଵି ୟଦୀଚ୍ଛେତ୍ ଶୁଭମାତ୍ମନଃ ॥ ୨୦-୨୮ ॥
ଇଦାନୀଂ କଥୟିଷ୍ୟାମି ଵିଦ୍ୟୋତ୍ପତ୍ତିଂ ଵରାନନେ ।
ୟେନ ଵିଜ୍ଞାନମାତ୍ରେଣ ଵିଜୟୀ ଭୁଵି ଜାୟତେ ॥ ୨୦-୨୯ ॥
ୟୋନିବୀଜତ୍ରିରାଵୃତ୍ତ୍ୟା ମଧ୍ୟରାତ୍ରୌ ଵରାନନେ ।
ଅଭିମନ୍ତ୍ର୍ୟ ଜଲଂ ସ୍ନିଗ୍ଧଂ ଅଷ୍ଟୋତ୍ତରଶତେନ ଚ ॥ ୨୦-୩୦ ॥
ତଜ୍ଜଲଂ ତୁ ପିବେଦ୍ ଦେଵି ଷଣ୍ମାସଂ ଜପତେ ୟଦି ।
ସର୍ଵଵିଦ୍ୟାମୟୋ ଭୂତ୍ଵା ମୋଦତେ ପୃଥିଵୀତଲେ ॥ ୨୦-୩୧ ॥
ଶକ୍ତିରୂପାଂ ମହାଦେଵୀଂ ଶୃଣୁ ହେ ନଗନନ୍ଦିନି ।
ଵୈଷ୍ଣଵଃ ଶୈଵମାର୍ଗୋ ଵା ଶାକ୍ତୋ ଵା ଗାଣପୋଽପି ଵା ॥ ୨୦-୩୨ ॥
ତଥାପି ଶକ୍ତେରାଧିକ୍ୟଂ ଶୃଣୁ ଭୈରଵସୁନ୍ଦରି ।
ସଚ୍ଚିଦାନନ୍ଦରୂପାଚ୍ଚ ସକଲାତ୍ ପରମେଶ୍ଵରାତ୍ ॥ ୨୦-୩୩ ॥
ଶକ୍ତିରାସୀତ୍ ତତୋ ନାଦୋ ନାଦାଦ୍ ବିନ୍ଦୁସ୍ତତଃ ପରମ୍ ।
ଅଥ ବିନ୍ଦ୍ଵାତ୍ମନଃ କାଲରୂପବିନ୍ଦୁକଲାତ୍ମନଃ ॥ ୨୦-୩୪ ॥
ଜାୟତେ ଚ ଜଗତ୍ସର୍ଵଂ ସସ୍ଥାଵରଚରାତ୍ମକମ୍ ।
ଶ୍ରୋତଵ୍ୟଃ ସ ଚ ମନ୍ତଵ୍ୟୋ ନିର୍ଧ୍ୟାତଵ୍ୟଃ ସ ଏଵ ହି ॥ ୨୦-୩୫ ॥
ସାକ୍ଷାତ୍କାର୍ୟଶ୍ଚ ଦେଵେଶି ଆଗମୈର୍ଵିଵିଧୈଃ ଶିଵେ ।
ଶ୍ରୋତଵ୍ୟଃ ଶ୍ରୁତିଵାକ୍ୟେଭ୍ୟୋ ମନ୍ତଵ୍ୟୋ ମନନାଦିଭିଃ ॥ ୨୦-୩୬ ॥
ଉପପତ୍ତିଭିରେଵାୟଂ ଧ୍ୟାତଵ୍ୟୋ ଗୁରୁଦେଶତଃ ।
ତଦା ସ ଏଵ ସର୍ଵାତ୍ମା ପ୍ରତ୍ୟକ୍ଷୋ ଭଵତି କ୍ଷଣାତ୍ ॥ ୨୦-୩୭ ॥
ତସ୍ମିନ୍ ଦେଵେଶି ପ୍ରତ୍ୟକ୍ଷେ ଶୃଣୁଷ୍ଵ ପରମେଶ୍ଵରି ।
ଭାଵୈର୍ବହୁଵିଧୈର୍ଦେଵି ଭାଵସ୍ତତ୍ରାପି ନୀୟତେ ॥ ୨୦-୩୮ ॥
ଭକ୍ତେଭ୍ୟୋ ନାନାଘାସେଭ୍ୟୋ ଗଵି ଚୈକୋ ୟଥା ରସଃ ।
ସଦୁଗ୍ଧାଖ୍ୟସଂୟୋଗେ ନାନାତ୍ଵଂ ଲଭତେ ପ୍ରିୟେ ॥ ୨୦-୩୯ ॥
ତୃଣେନ ଜାୟତେ ଦେଵି ରସସ୍ତସ୍ମାତ୍ ପରୋ ରସଃ ।
ତସ୍ମାତ୍ ଦଧି ତତୋ ହଵ୍ୟଂ ତସ୍ମାଦପି ରସୋଦୟଃ ॥ ୨୦-୪୦ ॥
ସ ଏଵ କାରଣଂ ତତ୍ର ତତ୍କାର୍ୟଂ ସ ଚ ଲକ୍ଷ୍ୟତେ ।
ଦୃଶ୍ୟତେ ଚ ମହାଦେ(ଵ?ଵି)ନ କାର୍ୟଂ ନ ଚ କାରଣମ୍ ॥ ୨୦-୪୧ ॥
ତଥୈଵାୟଂ ସ ଏଵାତ୍ମା ନାନାଵିଗ୍ରହୟୋନିଷୁ ।
ଜାୟତେ ଚ ତତୋ ଜାତଃ କାଲଭେଦୋ ହି ଭାଵ୍ୟତେ ॥ ୨୦-୪୨ ॥
ସ ଜାତଃ ସ ମୃତୋ ବଦ୍ଧଃ ସ ମୁକ୍ତଃ ସ ସୁଖୀ ପୁମାନ୍ ।
ସ ଵୃଦ୍ଧଃ ସ ଚ ଵିଦ୍ଵାଂଶ୍ଚ ନ ସ୍ତ୍ରୀ ପୁମାନ୍ ନପୁଂସକଃ ॥ ୨୦-୪୩ ॥
ନାନାଧ୍ୟାସସମାୟୋଗାଦାତ୍ମନା ଜାୟତେ ଶିଵେ ।
ଏକ ଏଵ ସ ଏଵାତ୍ମା ସର୍ଵରୂପଃ ସନାତନଃ ॥ ୨୦-୪୪ ॥
ଅଵ୍ୟକ୍ତଶ୍ଚ ସ ଚ ଵ୍ୟକ୍ତଃ ପ୍ରକୃତ୍ୟା ଜ୍ଞାୟତେ ଧ୍ରୁଵମ୍ ।
ତସ୍ମାତ୍ ପ୍ରକୃତିୟୋଗେନ ଵିନା ନ ଜ୍ଞାୟତେ କ୍ଵଚିତ୍ ॥ ୨୦-୪୫ ॥
ଵିନା ଘଟତ୍ଵୟୋଗେନ ନ ପ୍ରତ୍ୟକ୍ଷୋ ୟଥା ଘଟଃ ।
ଇତରାଦ୍ ଭିଦ୍ୟମାନୋଽପି ସ ଭେଦମୁପଗଚ୍ଛତି ॥ ୨୦-୪୬ ॥
ମାଂ ଵିନା ପୁରୁଷେ ଭେଦୋ ନ ଚ ୟାତି କଥଞ୍ଚନ ।
ନ ପ୍ରୟୋଗୈର୍ନ ଚ ଜ୍ଞାନୈର୍ନ ଶ୍ରୁତ୍ୟା ନ ଗୁରୁକ୍ରମୈଃ ॥ ୨୦-୪୭ ॥
ନ ସ୍ନାନୈସ୍ତର୍ପଣୈର୍ଵାପି ନଚ ଦାନୈଃ କଦାଚନ ।
ପ୍ରକୃତ୍ୟା ଜ୍ଞାୟତେ ହ୍ୟାତ୍ମା ପ୍ରକୃତ୍ୟା ଲୁପ୍ୟତେ ପୁମାନ୍ ॥ ୨୦-୪୮ ॥
ପ୍ରକୃତ୍ୟାଧିଷ୍ଠିତଂ ସର୍ଵଂ ପ୍ରକୃତ୍ୟା ଵଞ୍ଚିତଂ ଜଗତ୍ ।
ପ୍ରକୃତ୍ୟା ଭେଦମାପ୍ନୋତି ପ୍ରକୃତ୍ୟାଭେଦମାପ୍ନୁୟାତ୍ ॥ ୨୦-୪୯ ॥
ନରସ୍ତୁ ପ୍ରକୃତିର୍ନୈଵ ନ ପୁମାନ୍ ପରମେଶ୍ଵରଃ ।
ଇତି ତେ କଥିତଂ ତତ୍ତ୍ଵଂ ସର୍ଵସାରମନୋରମମ୍ ॥ ୨୦-୫୦ ॥
ଇତି ଶ୍ରୀବୃହନ୍ନୀଲତନ୍ତ୍ରେ ଭୈରଵଭୈରଵୀସଂଵାଦେ ତାରାଶତନାମ
ତତ୍ତ୍ଵସାରନିରୂପଣଂ ଵିଂଶଃ ପଟଲଃ ॥ ୨୦ ॥
– Chant Stotra in Other Languages –
Goddess Durga Slokam » Tara Shatanama Stotram from Brihannila Tantra Lyrics in Sanskrit » English » Bengali » Gujarati » Kannada » Malayalam » Telugu » Tamil