॥ Tulasi Ashtottarahatanama Stotram Odia Lyrics ॥
॥ ତୁଲସ୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
ତୁଲସୀ ପାଵନୀ ପୂଜ୍ୟା ଵୃନ୍ଦାଵନନିଵାସିନୀ ।
ଜ୍ଞାନଦାତ୍ରୀ ଜ୍ଞାନମୟୀ ନିର୍ମଲା ସର୍ଵପୂଜିତା ॥ ୧ ॥
ସତୀ ପତିଵ୍ରତା ଵୃନ୍ଦା କ୍ଷୀରାବ୍ଧିମଥନୋଦ୍ଭଵା ।
କୃଷ୍ଣଵର୍ଣା ରୋଗହନ୍ତ୍ରୀ ତ୍ରିଵର୍ଣା ସର୍ଵକାମଦା ॥ ୨ ॥
ଲକ୍ଷ୍ମୀସଖୀ ନିତ୍ୟଶୁଦ୍ଧା ସୁଦତୀ ଭୂମିପାଵନୀ ।
ହରିଦ୍ରାନ୍ନୈକନିରତା ହରିପାଦକୃତାଲୟା ॥ ୩ ॥
ପଵିତ୍ରରୂପିଣୀ ଧନ୍ୟା ସୁଗନ୍ଧିନ୍ୟମୃତୋଦ୍ଭଵା ।
ସୁରୂପାଽଽରୋଗ୍ୟଦା ତୁଷ୍ଟା ଶକ୍ତିତ୍ରିତୟରୂପିଣୀ ॥ ୪ ॥
ଦେଵୀ ଦେଵର୍ଷିସଂସ୍ତୁତ୍ୟା କାନ୍ତା ଵିଷ୍ଣୁମନଃପ୍ରିୟା।
ଭୂତଵେତାଲଭୀତିଘ୍ନୀ ମହାପାତକନାଶିନୀ ॥ ୫ ॥
ମନୋରଥପ୍ରଦା ମେଧା କାନ୍ତିର୍ଵିଜୟଦାୟିନୀ ।
ଶଙ୍ଖଚକ୍ରଗଦାପଦ୍ମଧାରିଣୀ କାମରୂପିଣୀ ॥ ୬ ॥
ଅପଵର୍ଗପ୍ରଦା ଶ୍ୟାମା କୃଶମଧ୍ୟା ସୁକେଶିନୀ ।
ଵୈକୁଣ୍ଠଵାସିନୀ ନନ୍ଦା ବିମ୍ବୋଷ୍ଠୀ କୋକିଲସ୍ଵରା ॥ ୭ ॥
କପିଲା ନିମ୍ନଗାଜନ୍ମଭୂମିରାୟୁଷ୍ୟଦାୟିନୀ ।
ଵନରୂପା ଦୁଃଖନାଶିନ୍ୟଵିକାରା ଚତୁର୍ଭୁଜା ॥ ୮ ॥
ଗରୁତ୍ମଦ୍ଵାହନା ଶାନ୍ତା ଦାନ୍ତା ଵିଘ୍ନନିଵାରିଣୀ ।
ଶ୍ରୀଵିଷ୍ଣୁମୂଲିକା ପୁଷ୍ଟିସ୍ତ୍ରିଵର୍ଗଫଲଦାୟିନୀ ॥ ୯ ॥
ମହାଶକ୍ତିର୍ମହାମାୟା ଲକ୍ଷ୍ମୀଵାଣୀସୁପୂଜିତା ।
ସୁମଙ୍ଗଲ୍ୟର୍ଚନପ୍ରୀତା ସୌମଙ୍ଗଲ୍ୟଵିଵର୍ଧିନୀ ॥ ୧୦ ॥
ଚାତୁର୍ମାସ୍ୟୋତ୍ସଵାରାଧ୍ୟା ଵିଷ୍ଣୁ ସାନ୍ନିଧ୍ୟଦାୟିନୀ ।
ଉତ୍ଥାନଦ୍ଵାଦଶୀପୂଜ୍ୟା ସର୍ଵଦେଵପ୍ରପୂଜିତା ॥ ୧୧ ॥
ଗୋପୀରତିପ୍ରଦା ନିତ୍ୟା ନିର୍ଗୁଣା ପାର୍ଵତୀପ୍ରିୟା ।
ଅପମୃତ୍ୟୁହରା ରାଧାପ୍ରିୟା ମୃଗଵିଲୋଚନା ॥ ୧୨ ॥
ଅମ୍ଲାନା ହଂସଗମନା କମଲାସନଵନ୍ଦିତା ।
ଭୂଲୋକଵାସିନୀ ଶୁଦ୍ଧା ରାମକୃଷ୍ଣାଦିପୂଜିତା ॥ ୧୩ ॥
ସୀତାପୂଜ୍ୟା ରାମମନଃପ୍ରିୟା ନନ୍ଦନସଂସ୍ଥିତା ।
ସର୍ଵତୀର୍ଥମୟୀ ମୁକ୍ତା ଲୋକସୃଷ୍ଟିଵିଧାୟିନୀ ॥ ୧୪ ॥
ପ୍ରାତର୍ଦୃଶ୍ୟା ଗ୍ଲାନିହନ୍ତ୍ରୀ ଵୈଷ୍ଣଵୀ ସର୍ଵସିଦ୍ଧିଦା ।
ନାରାୟଣୀ ସନ୍ତତିଦା ମୂଲମୃଦ୍ଧାରିପାଵନୀ ॥ ୧୫ ॥
ଅଶୋକଵନିକାସଂସ୍ଥା ସୀତାଧ୍ୟାତା ନିରାଶ୍ରୟା ।
ଗୋମତୀସରୟୂତୀରରୋପିତା କୁଟିଲାଲକା ॥ ୧୬ ॥
ଅପାତ୍ରଭକ୍ଷ୍ୟପାପଘ୍ନୀ ଦାନତୋୟଵିଶୁଦ୍ଧିଦା
ଶ୍ରୁତିଧାରଣସୁପ୍ରୀତା ଶୁଭା ସର୍ଵେଷ୍ଟଦାୟିନୀ ॥ ୧୭ ॥
ନାମ୍ନାଂ ଶତଂ ସାଷ୍ଟକଂ ତତ୍ତୁଲସ୍ୟାଃ ସର୍ଵମଙ୍ଗଲମ୍ ।
ସୌମଙ୍ଗଲ୍ୟପ୍ରଦଂ ପ୍ରାତଃ ପଠେଦ୍ଭକ୍ତ୍ୟା ସୁଭାଗ୍ୟଦମ୍ ।
ଲକ୍ଷ୍ମୀପତିପ୍ରସାଦେନ ସର୍ଵଵିଦ୍ୟାପ୍ରଦଂ ନୃଣାମ୍ ॥ ୧୮ ॥
ଇତି ତୁଲସ୍ୟଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Tulasi Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil