॥ Sri Nrusimha Giri Ashtothara Shatanama Stotram Bengali Lyrics ॥
॥ শ্রীনৃসিংহগিরিমহামণ্ডলেশ্বরাষ্টোত্তরশতনামস্তোত্রম্ ॥
ব্রহ্মবর্ণ সমুদ্ভূতো ব্রহ্মমার্গপ্রবর্দ্ধকঃ ।
ব্রহ্মজ্ঞানসদাসক্তো ব্রহ্মজ্ঞানপরায়ণঃ ॥ ১ ॥
শিবপঞ্চাক্ষররতোঽশিবজ্ঞানবিনাশকঃ ॥
শিবাভিষেকনিরতঃ শিবপূজাপরায়ণঃ ॥ ২ ॥
নারায়ণপ্রবচনো নারায়ণপরায়ণঃ ।
নারায়ণপ্রত্নতনুর্নারায়ণনয়স্থিতঃ ॥ ৩ ॥
দক্ষিণামূর্তিপীঠস্থো দক্ষিণামূর্তিদেবতঃ ।
শ্রীমেধাদক্ষিণামূর্তিমন্ত্রয়ন্ত্রসদারতঃ ॥ ৪ ॥
মণ্ডলেশবরপ্রেষ্ঠো মণ্ডলেশবরপ্রদঃ ।
মণ্ডলেশগুরুশ্রেষ্ঠো মণ্ডলেশবরস্তুতঃ ॥ ৫ ॥
নিরঞ্জনপ্রপীঠস্থো নিরঞ্জনবিচারকঃ ।
নিরঞ্জনসদাচারো নিরঞ্জনতনুস্থিতঃ ॥ ৬ ॥
বেদবিদ্বেদহৃদয়ো বেদপাঠপ্রবর্তকঃ।
বেদরাদ্ধান্তসংবিষ্টোঽবেদপথপ্রখণ্ডকঃ ॥ ৭ ॥
শাঙ্করাদ্বৈতব্যাখ্যাতা শাঙ্করাদ্বৈতসংস্থিতঃ ।
শাকরাদ্বৈতবিদ্বেষ্টৃবিনাশনপরায়ণঃ ॥ ৮ ॥
অত্যাশ্রমাচাররতো ভূতিধারণতত্পরঃ ।
সিদ্ধাসনসমাসীনো কাঞ্চনাভো মনোহরঃ ॥ ৯ ॥
অক্ষমালাধৃতগ্রীবঃ কাষায়পরিবেষ্টিতঃ ।
জ্ঞানমুদ্রাদক্ষহস্তো বামহস্তকমণ্ডলুঃ ॥ ১০ ॥
সন্ন্যাসাশ্রমনির্ভাতা পরহংসধুরন্ধরঃ ।
সন্ন্যাসিনয়সংস্কর্তা পরহংসপ্রমাণকঃ ॥ ১১ ॥
মাধুর্যপূর্ণচরিতো মধুরাকারবিগ্রহঃ ।
মধুবাঙ্নিগ্রহরতো মধুবিদ্যাপ্রদায়কঃ ॥ ১২ ॥
মধুরালাপচতুরো নিগ্রহানুগ্রহক্ষমঃ ।
আর্দ্ধরাত্রধ্যানরতস্ত্রিপুণ্ড্রাঙ্কিতমস্তকঃ ॥ ১৩ ॥
আরণ্যবার্তিকপরঃ পুষ্পমালাবিভূষিতঃ ।
বেদান্তবার্তানিরতঃ প্রস্থানত্রয়ভূষণঃ ॥ ১৪ ॥
সানন্দজ্ঞানভাষ্যাদিগ্রন্থগ্রন্থিপ্রভেদকঃ ।
দৃষ্টান্তানূক্তিকুশলো দৃষ্টান্তার্থনিরূপকঃ ॥ ১৫ ॥
বীকানেরগুরুর্বাগ্মী বঙ্গদেশপ্রপূজিতঃ ।
লাহৌরসরগোদাদৌ হিন্দূধর্মপ্রচারকঃ ॥ ১৬ ॥
গণেশজয়য়াত্রাদিপ্রতিষ্ঠাপনতত্পরঃ ।
গণেশশক্তিসূর্যেশবিষ্ণুভক্তিপ্রচারকঃ ॥ ১৭ ॥
সর্ববর্ণসমাম্নাতলিঙ্গপূজাপ্রবর্দ্ধকঃ ।
গীতোত্সবসপর্যাদিচিত্রয়জ্ঞপ্রবর্তকঃ ॥ ১৮ ॥
লোকেশ্বরানন্দপ্রিয়ো দয়ানন্দপ্রসেবিতঃ ।
আত্মানন্দগিরিজ্ঞানসতীর্থ্যপরিবেষ্টিতঃ ॥ ১৯ ॥
অনন্তশ্রদ্ধাপরমপ্রকাশানন্দপূজিতঃ ।
জূনাপীঠস্থরামেশবরানন্দগিরের্গুরুঃ ॥ ২০ ॥
মাধবানন্দসংবেষ্টা কাশিকানন্দদেশিকঃ ।
বেদান্তমূর্তিরাচার্যো শান্তো দান্তঃ প্রভুস্সুহৃত্ ॥ ২১ ॥
নির্মমো বিশ্বতরণিঃ স্মিতাস্যো নির্মলো মহান্ ।
তত্ত্বমস্যাদিবাক্যোত্থদিব্যজ্ঞানপ্রদায়কঃ ॥ ২২ ॥
গিরীশানন্দসম্প্রাপ্তপরমহংসপরম্পরা
জনার্দনগিরিব্রহ্যসংন্যাসাশ্রমদীক্ষিতঃ ॥ ২৩ ॥
মণ্ডলেশকুলশ্রেষ্ঠজয়েন্দ্রপুরীসংস্তুতঃ ।
রামানন্দগিরিস্থানস্থাপিতো মণ্ডলেশ্বরঃ ॥ ২৪ ॥
শন্দমহেশানন্দায় স্বকীয়পদদায়কঃ ।
য়তীন্দ্রকৃষ্ণানন্দৈশ্চ পূজিতপাদপদ্মক্ঃ ॥ ২৫ ॥
উষোত্থানস্নানপূজাজপধ্যানপ্রচোদকঃ ।
তুরীয়াশ্রমসংবিষ্ঠভাষ্যপাঠপ্রবর্তকঃ ॥ ২৬ ॥
অষ্টলক্ষ্যীপ্রদস্তৃপ্তঃ স্পর্শদীক্ষাবিধায়কঃ ।
অহৈতুককৃপাসিন্ধুরনঘোভক্তবত্সলঃ ॥ ২৭ ॥
বিকারশূন্যো দুর্ধর্ষঃ শিবসক্তো বরপ্রদঃ ।
কাশীবাসপ্রিয়ো মুক্তো ভক্তমুক্তিবিধায়কঃ ॥ ২৮ ॥
শ্রীভত্পরমহংসাদিসমস্তবিরুদাঙ্কিতঃ ।
নৃসিংহব্রহ্ম বেদান্তজগত্যদ্য জগদ্গুরুঃ ॥ ২৯ ॥
বিলয়ং য়ান্তি পাপানি গুরুনামানুকীর্তনাত্ ।
মুচ্যতে নাত্র সন্দেহঃ শ্রদ্ধাভক্তিসমন্বিতঃ ॥ ৩০ ॥
ইতি শ্রীনৃসিংহগিরিমহামণ্ডলেশ্বরাষ্টোত্তরশতনামস্তোত্রম্ ॥
– Chant Stotra in Other Languages –
Sri Narasimha Slokam » Sri Narasimha Giri Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil