॥ Sri Prem Sudha Satram Bengali Lyrics ॥
॥ শ্রীপ্রেমসুধাসত্রম্ ॥
শ্রীবৃন্দাবনেশ্বর্যা অষ্টোত্তরশতনামস্তোত্রং
শ্রীরাধিকাষ্টোত্তরশতনামস্তোত্রং চ ।
নমো বৃন্দাবনেশ্বর্যৈ ।
মানসং মানসং ত্যাগাদুত্কণ্ঠার্তং নিরুন্ধতীম্ ।
রাধাং সংবিদ্য বিদ্যাঢ্যা তুঙ্গবিদ্যেদমব্রবীত্ ॥ ১ ॥
বিমুঞ্চ বন্ধুরে মানং নির্বন্ধং শৃণু মে বচঃ ।
পুরা কন্দর্পসুন্দর্যৈ য়ান্যুত্কণ্ঠিতচেতসে ॥ ২ ॥
ভগবতোপদিষ্টানি তব সখ্যোপলব্ধয়ে ।
ইঙ্গিতাভিজ্ঞয়া তানি সিন্দূরেণাদ্য বৃন্দয়া ॥ ৩ ॥
বিলিখ্য সখি দত্তানি স জীবিতসুহৃত্তমঃ ।
বিরহার্তস্তবেমানি জপন্নামানি শাম্যতি ॥ ৪ ॥
রাধা কৃষ্ণবনাধীশা মুকুন্দমধুমাধবী ।
গোবিন্দপ্রেয়সীবৃন্দমুখ্যা বৃন্দাবনেশ্বরী ॥ ৫ ॥
ব্রহ্মাণ্ডমণ্ডলোত্তংসকীরিত্ঃ কার্তিকদেবতা ।
দামোদরপ্রিয়সখী রাধিকা বার্ষভানবী ॥ ৬ ॥
ভানুভক্তিভরাভিজ্ঞা বৃষভানুকুমারিকা ।
মুখরাপ্রাণদৌহিত্রী কীর্তিদাকীর্তিদায়িনী ॥ ৭ ॥
কৃষ্ণপ্রেমাব্ধিকরী বত্সলাচ্যুতমাতৃকা ।
সখীমণ্ডলজীবাতুর্ললিতাজীবিতাধিকা ॥ ৮ ॥
বিশাখাপ্রাণসর্বস্বং কারুণ্যামৃতমেদুরা ।
পৌর্ণমাসীপৃথুপ্রেমপাত্রী সুবলনন্দিতা ॥ ৯ ॥
কৃষ্ণাধিরাজমহিষী বৃন্দারণ্যবিহারিণী ।
বিশাখাসখ্যবিখ্যাতা ললিতাপ্রেমলালিতা ॥ ১০ ॥
সদা কিশোরিকা গোষ্ঠয়ুবরাজবিলাসিনী ।
গোবিন্দপ্রেমশিক্ষার্থনটীকৃতনিজাংশকা ॥ ১১ ॥
প্রবোধিনীনিশানৃত্যমাহাত্ম্যভরদর্শিনী ।
চন্দ্রকান্তিচরী সর্বগন্ধর্বকুলপাবনী ॥ ১২ ॥
স্বজন্মভূষিতোত্তুঙ্গবৃষভানুকুলস্থিতিঃ ।
লাস্যবিদ্যাব্রতস্নাতা রাসক্রীডাদিকারণম্ ॥ ১৩ ॥
রাসোত্সবয়পুরগণ্যা কৃষ্ণনীতরহঃস্থলা ।
গোবিন্দবন্ধকবরী কৃষ্ণোত্তংসিতকুন্তলা ॥ ১৪ ॥
ব্যক্তগোষ্ঠারবিন্দাক্ষি বৃন্দোত্কর্ষাতিহর্ষিণী ।
অন্নতর্পিতদুর্বাসা গান্ধর্বা শ্রুতিবিশ্রুতা ॥ ১৫ ॥
গান্ধর্বিকা স্বগান্ধর্ববিস্মাপিতবলাচ্যুতা ।
শঙ্খচূডারিদয়িতা গোপীচূডাগ্রমালিকা ॥ ১৬ ॥
চারুগোরোচনাগৌরী গারুত্মতনিভাম্বরা ।
বিচিত্রপট্টচমরীচারুবেণীশিখারুচিঃ ॥ ১৭ ॥
পদ্মেন্দুজৈত্রবক্ত্রশ্রীনিরুদ্ধমুরমর্দনা ।
চকোরিকাচমত্কারীহরিহারিবিলোচনা ॥ ১৮ ॥
কালিয়দমনোত্কম্পিভঙ্গুরভ্রূভুজঙ্গমা ।
নাসিকাশিখরালম্বিলবলীস্থলমৌক্তিকা ॥ ১৯ ॥
বন্ধুরাধরবন্ধূকবিকৃষ্টমধুসূদনা ।
দন্তনির্ধূতশিখরা শিখরীন্দ্রধরপ্রিয়া ॥ ২০ ॥
কপোলমণ্ডলান্দোলিমণিকুণ্ডলমণ্ডিতা ।
পীতাংশুকশুকাকর্ষিনিস্তলস্তনদাডিমা ॥ ২১ ॥
মণিকিঙ্কিণ্যলঙ্কারঝঙ্কারিশ্রোণিমণ্ডলা ।
স্থলারবিন্দবিঞ্ছোলীনির্মঞ্ছিতপদদ্যুতিঃ ॥ ২২ ॥
অরিষ্টবধনর্মার্থনির্মাপিতসরোবরা ।
গন্ধোন্মাদিতগোবিন্দো মাধবদ্বন্দ্বতাঙ্কিতা ॥ ২৩ ॥
কালিন্দীকূলকুঞ্জশ্রীর্ভাণ্ডীরতটমণ্ডনা ।
ধৃতনন্দীশ্বরস্থেমা গোবর্ধনদরীপ্রিয়া ॥ ২৪ ॥
বংশীবডিশিকাবিদ্ধরসোত্তর্ষমনোঝষা ।
বংশিকাধ্বনিবিশ্রংসিনীবীবন্ধগ্রহাতুরা ॥ ২৫ ॥
মুকুন্দনেত্রশফরী বিহারামৃতদীর্ঘিকা ।
নিজকুণ্ডকুডুঙ্গান্তস্তুঙ্গানঙ্গরসোন্মদা ॥ ২৬ ॥
কৃষ্ণভ্রূচণ্ডকোদণ্ডোড্ডীনধৈর্যবিহঙ্গমা ।
অনুরাগসুধাসিন্ধুহিন্দোলান্দোলিতাচ্যুতা ॥ ২৭ ॥
ব্রজেন্দ্রনন্দনাস্যেন্দুতুঙ্গিতানঙ্গসাগরা ।
অনঙ্গসঙ্গরোত্তৃষ্ণকৃষ্ণলুঞ্চিতকঞ্চুকা ॥ ২৮ ॥
লীলাপদ্মহতোদ্দামনর্মলম্পটকেশবা ।
হরিবক্ষোহরিগ্রাবহরিতালীয়রেখিকা ॥ ২৯ ॥
মাধবোত্সঙ্গপর্যঙ্কা কৃষ্ণবাহূপধানিকা ।
রতিকেলিবিশেষোহসখীস্মিতবিলজ্জিতা ॥ ৩০ ॥
আলীপুরোরহঃকেলিজল্পোত্কহরিবন্দিনী ।
বৈজয়ন্তী কলাভিজ্ঞা বনস্রক্শিল্পকল্পিনী ॥ ৩১ ॥
ধাতুচিত্রাতিবৈচিত্রীবিসৃষ্টিপরমেষ্ঠিনী ।
বিঅদগ্ধীপ্রথমাচার্যা চারুচাতুর্যচিত্রিতা ॥ ৩২ ॥
অসাধারণসৌভাগ্যভাগ্যামৃততরঙ্গিনী ।
মৌগ্ধ্যপ্রগল্ভতারম্যা ধীরাধীরাঙ্কভূষিতা ॥ ৩৩ ॥
শ্যামলপ্রচ্ছদপটী মূকনূপুরধারিণী ।
নিকুঞ্জধামসংস্কারমাধবাধ্বেক্ষণক্রিয়া ॥ ৩৪ ॥
প্রাদুর্ভূতঘনোত্কণ্ঠা বিপ্রলম্ভবিষণ্ণধীঃ ।
প্রাতরুত্প্রাসিতোপেন্দ্রা চন্দ্রাবলিকটাক্ষিণী ॥ ৩৫ ॥
অনাকর্ণিতকংসারিকাকূবাদা মনস্বিনী ।
চাটুকারহরিত্যাগজাতানুশয়কাতরা ॥ ৩৬ ॥
ধৃতকৃষ্ণেক্ষণোত্সুক্যা ললিতাভীতিমানিনী ।
বিপ্রয়োগব্যথাহারিহরিসন্দেশনন্দিতা ॥ ৩৭ ॥
মদাল্পজল্পিতাধীনপুণ্ডরীকাক্ষমণ্ডিতা ।
ভ্রূলীলামোহিতোপেন্দ্রহস্তাগ্রহৃতবংশিকা ॥ ৩৮ ॥
অতুলাচ্যুতমাধুর্যস্বাদনাদ্বৈতভাগ্যভূঃ ।
নিয়ুদ্ধশ্রান্তিনিদ্রাণ হরিহারাপহারিণী ॥ ৩৯ ॥
দ্যূতনির্জিতবংশার্থিকংসারিপরিহাসিনী ।
নিজপ্রাণার্বুদপ্রেষ্ঠকৃষ্ণপাদনখাঞ্চলা ॥ ৪০ ॥
ইতি রাধা সখীবাচমাচম্য পুলকাঞ্চিতা ।
ছদ্মনা পদ্মনাভস্য লতাসদ্মান্তিকং গতা ॥ ৪১ ॥
য়ঃ সেবতে জনো রাধানাম্নামষ্টোত্তরং শতম্ ।
নাম্না প্রেমসুধাসত্রং লিহ্যাত্ প্রেমসুধামসৌ ॥ ৪২ ॥
ইতি শ্রীরূপগোস্বামিবিরচিতস্তবমালায়াং প্রেমেন্দুসুধাসত্রনামক-
শ্রীরাধিকাষ্টোত্তরশতনামস্তোত্রং সমাপ্তম্ ।
– Chant Stotra in Other Languages –
Sri Prem Sudha Satram Lyrics in Sanskrit » English » Gujarati » Kannada » Malayalam » Odia » Telugu » Tamil