॥ Sri Bala Ashtottarashatanama Stotram 2 Bengali Lyrics ॥
॥ শ্রীবালাষ্টোত্তরশতনামস্তোত্রম্ ২ ॥
শ্রীবালা শ্রীমহাদেবী শ্রীমত্পঞ্চাসনেশ্বরী ।
শিববামাঙ্গসম্ভূতা শিবমানসহংসিনী ॥ ১ ॥
ত্রিস্থা ত্রিনেত্রা ত্রিগুণা ত্রিমূর্তিবশবর্তিনী ।
ত্রিজন্মপাপসংহর্ত্রী ত্রিয়ম্বককুটম্বিনী ॥ ২ ॥
বালার্ককোটিসঙ্কাশা নীলালকলসত্কচা ।
ফালস্থহেমতিলকা লোলমৌক্তিকনাসিকা ॥ ৩ ॥
পূর্ণচন্দ্রাননা চৈব স্বর্ণতাটঙ্কশোভিতা ।
হরিণীনেত্রসাকারকরুণাপূর্ণলোচনা ॥ ৪ ॥
দাডিমীবীজরদনা বিম্বোষ্ঠী মন্দহাসিনী ।
শঙ্খঃগ্রীবা চতুর্হস্তা কুচপঙ্কজকুড্মলা ॥ ৫ ॥
গ্রৈবেয়াঙ্গদমাঙ্গল্যসূত্রশোভিতকন্ধরা ।
বটপত্রোদরা চৈব নির্মলা ঘনমণ্ডিতা ॥ ৬ ॥
মন্দাবলোকিনী মধ্যা কুসুম্ভবদনোজ্জ্বলা ।
তপ্তকাঞ্চনকান্ত্যাঢ্যা হেমভূষিতবিগ্রহা ॥ ৭ ॥
মাণিক্যমুকুরাদর্শজানুদ্বয়বিরাজিতা ।
কামতূণীরজঘনা কামপ্রেষ্ঠগতল্পগা ॥ ৮ ॥
রক্তাব্জপাদয়ুগলা ক্বণন্মাণিক্যনূপুরা ।
বাসবাদিদিশানাথপূজিতাঙ্ঘ্রিসরোরুহা ॥ ৯ ॥
বরাভয়স্ফাটিকাক্ষমালাপুস্তকধারিণী ।
স্বর্ণকঙ্কণজালাভকরাঙ্গুষ্ঠবিরাজিতা ॥ ১০ ॥
সর্বাভরণভূষাঢ্যা সর্বাবয়বসুন্দরী ।
ঐঙ্কাররূপা ঐঙ্কারী ঐশ্বর্যফলদায়িনী ॥ ১১ ॥
ক্লীংঙ্কাররূপা ক্লীঙ্কারী ক্লৃপ্তব্রহ্মাণ্ডমণ্ডলা ।
সৌঃকাররূপা সৌঃ কারী সৌন্দর্যগুণসংয়ুতা ॥ ১২ ॥
সচামররতীন্দ্রাণী সব্যদক্ষিণসেবিতা ।
বিন্দুত্রিকোণষট্কোণবৃত্তাষ্টদলসংয়ুতা ॥ ১৩ ॥
সত্যাদিলোকপালান্তদেব্যাবরণসংবৃতা ।
ওড্যাণপীঠনিলয়া ওজস্তেজঃস্বরূপিণী ॥ ১৪ ॥
অনঙ্গপীঠনিলয়া কামিতার্থফলপ্রদা ।
জালন্ধরমহাপীঠা জানকীনাথসোদরী ॥ ১৫ ॥
পূর্ণাগিরিপীঠগতা পূর্ণায়ুঃ সুপ্রদায়িনী ।
মন্ত্রমূর্তির্মহায়োগা মহাবেগা মহাবলা ॥ ১৬ ॥
মহাবুদ্ধির্মহাসিদ্ধির্মহাদেবমনোহরী ।
কীর্তিয়ুক্তা কীর্তিধরা কীর্তিদা কীর্তিবৈভবা ॥ ১৭ ॥
ব্যাধিশৈলব্যূহবজ্রা য়মবৃক্ষকুঠারিকা ।
বরমূর্তিগৃহাবাসা পরমার্থস্বরূপিণী ॥ ১৮ ॥
কৃপানিধিঃ কৃপাপূরা কৃতার্থফলদায়িনী ।
অষ্টাত্রিংশত্কলামূর্তিঃ চতুঃষষ্টিকলাত্মিকা ॥ ১৯ ॥
চতুরঙ্গবলাদাত্রী বিন্দুনাদস্বরূপিণী ।
দশাব্দবয়সোপেতা দিবিপূজ্যা শিবাভিধা ॥ ২০ ॥
আগমারণ্যমায়ূরী আদিমধ্যান্তবর্জিতা ।
কদম্ববনসম্পন্না সর্বদোষবিনাশিনী ॥ ২১ ॥
সামগানপ্রিয়া ধ্যেয়া ধ্যানসিদ্ধাভিবন্দিতা ।
জ্ঞানমূর্তির্জ্ঞানরূপা জ্ঞানদা ভয়সংহরা ॥ ২২ ॥
তত্ত্বজ্ঞানা তত্ত্বরূপা তত্ত্বময়্যাশ্রিতাবনী ।
দীর্ঘায়ুর্বিজয়ারোগ্যপুত্রপৌত্রপ্রদায়িনী ॥ ২৩ ॥
মন্দস্মিতমুখাম্ভোজা মঙ্গলপ্রদমঙ্গলা ।
বরদাভয়মুদ্রাঢ্যা বালাত্রিপুরসুন্দরী ॥ ২৪ ॥
বালাত্রিপুরসুন্দর্যা নাম্নামষ্টোত্তরং শতম্ ।
পঠনান্মননাদ্ধ্যানাত্সর্বমঙ্গলকারকম্ ॥ ২৫ ॥
ইতি শ্রীবালাষ্টোত্তরশতনামস্তোত্রং (২) সম্পূর্ণম্ ।
– Chant Stotra in Other Languages –
Sri Durga Slokam » Bala Tripura Sundari Ashtottara Shatanama Stotram 2 Lyrics in Sanskrit » English » Gujarati » Kannada » Malayalam » Odia » Telugu » Tamil