॥ Gopala Stotram Kannada Lyrics ॥
॥ ಶ್ರೀ ಗೋಪಾಲ ಸ್ತೋತ್ರಂ ॥
ಶ್ರೀನಾರದ ಉವಾಚ –
ನವೀನನೀರದಶ್ಯಾಮಂ ನೀಲೇಂದೀವರಲೋಚನಂ ।
ವಲ್ಲವೀನಂದನಂ ವಂದೇ ಕೃಷ್ಣಂ ಗೋಪಾಲರೂಪಿಣಮ್ ॥ ೧ ॥
ಸ್ಫುರದ್ಬರ್ಹಿದಲೋದ್ಬದ್ಧನೀಲಕುಂಚಿತಮೂರ್ಧಜಂ ।
ಕದಂಬಕುಸುಮೋದ್ಬದ್ಧವನಮಾಲಾವಿಭೂಷಿತಮ್ ॥ ೨ ॥
ಗಂಡಮಂಡಲಸಂಸರ್ಗಿಚಲತ್ಕುಂಚಿತಕುಂತಲಂ ।
ಸ್ಥೂಲಮುಕ್ತಾಫಲೋದಾರಹಾರದ್ಯೋತಿತವಕ್ಷಸಮ್ ॥ ೩ ॥
ಹೇಮಾಂಗದತುಲಾಕೋಟಿಕಿರೀಟೋಜ್ಜ್ವಲವಿಗ್ರಹಂ ।
ಮಂದಮಾರುತಸಂಕ್ಷೋಭಚಲಿತಾಂಬರಸಂಚಯಮ್ ॥ ೪ ॥
ರುಚಿರೋಷ್ಠಪುಟನ್ಯಸ್ತವಂಶೀಮಧುರನಿಸ್ಸ್ವನೈಃ ।
ಲಸದ್ಗೋಪಾಲಿಕಾಚೇತೋ ಮೋಹಯಂತಂ ಪುನಃ ಪುನಃ ॥ ೫ ॥
ವಲ್ಲವೀವದನಾಂಭೋಜಮಧುಪಾನಮಧುವ್ರತಂ ।
ಕ್ಷೋಭಯಂತಂ ಮನಸ್ತಾಸಾಂ ಸಸ್ಮೇರಾಪಾಂಗವೀಕ್ಷಣೈಃ ॥ ೬ ॥
ಯೌವನೋದ್ಭಿನ್ನದೇಹಾಭಿಸ್ಸಂಸಕ್ತಾಭಿಃ ಪರಸ್ಪರಮ್ ।
ವಿಚಿತ್ರಾಂಬರಭೂಷಾಭಿರ್ಗೋಪನಾರೀಭಿರಾವೃತಮ್ ॥ ೭ ॥
ಪ್ರಭಿನ್ನಾಂಜನಕಾಳಿಂದೀಜಲಕೇಳೀಕಲೋತ್ಸುಕಂ ।
ಯೋಧಯಂತಂ ಕ್ವಚಿದ್ಗೋಪಾನ್ವ್ಯಾಹರಂತಂ ಗವಾಂ ಗಣಮ್ ॥ ೮ ॥
ಕಾಳಿಂದೀಜಲಸಂಸರ್ಗೇ ಶೀತಲಾನಿಲಸೇವಿತೇ ।
ಕದಂಬಪಾದಪಚ್ಛಾಯೇ ಸ್ಥಿತಂ ಬೃಂದಾವನೇ ಕ್ವಚಿತ್ ॥ ೯ ॥
ರತ್ನಭೂಧರಸಂಲಗ್ನರತ್ನಾಸನಪರಿಗ್ರಹಂ ।
ಕಲ್ಪಪಾದಪಮಧ್ಯಸ್ಥಹೇಮಮಂಡಪಿಕಾಗತಮ್ ॥ ೧೦ ॥
ವಸಂತಕುಸುಮಾಮೋದಸುರಭೀಕೃತದಿಙ್ಮುಖೇ ।
ಗೋವರ್ಧನಗಿರೌ ರಮ್ಯೇ ಸ್ಥಿತಂ ರಾಸರಸೋತ್ಸುಕಮ್ ॥ ೧೧ ॥
ಸವ್ಯಹಸ್ತತಲನ್ಯಸ್ತಗಿರಿವರ್ಯಾತಪತ್ರಕಮ್ ।
ಖಂಡಿತಾಖಂಡಲೋನ್ಮುಕ್ತಮುಕ್ತಾಸಾರಘನಾಘನಮ್ ॥ ೧೨ ॥
ವೇಣುವಾದ್ಯಮಹೋಲ್ಲಾಸಕೃತಹುಂಕಾರನಿಸ್ಸ್ವನೈಃ ।
ಸವತ್ಸೈರುನ್ಮುಖೈಃ ಶಶ್ವದ್ಗೋಕುಲೈರಭಿವೀಕ್ಷಿತಮ್ ॥ ೧೩ ॥
ಕೃಷ್ಣಮೇವಾನುಗಾಯದ್ಭಿಸ್ತಚ್ಚೇಷ್ಟಾವಶವರ್ತಿಭಿಃ ।
ದಂಡಪಾಶೋದ್ಧೃತಕರೈರ್ಗೋಪಾಲೈರುಪಶೋಭಿತಮ್ ॥ ೧೪ ॥
ನಾರದಾದ್ಯೈರ್ಮುನಿಶ್ರೇಷ್ಠೈರ್ವೇದವೇದಾಂಗಪಾರಗೈಃ ।
ಪ್ರೀತಿಸುಸ್ನಿಗ್ಧಯಾ ವಾಚಾ ಸ್ತೂಯಮಾನಂ ಪರಾತ್ಪರಮ್ ॥ ೧೫ ॥
ಯ ಏವಂ ಚಿಂತಯೇದ್ದೇವಂ ಭಕ್ತ್ಯಾ ಸಂಸ್ತೌತಿ ಮಾನವಃ ।
ತ್ರಿಸಂಧ್ಯಂ ತಸ್ಯ ತುಷ್ಟೋಽಸೌ ದದಾತಿ ವರಮೀಪ್ಸಿತಮ್ ॥ ೧೬ ॥
ರಾಜವಲ್ಲಭತಾಮೇತಿ ಭವೇತ್ಸರ್ವಜನಪ್ರಿಯಃ ।
ಅಚಲಾಂ ಶ್ರಿಯಮಾಪ್ನೋತಿ ಸ ವಾಗ್ಮೀ ಜಾಯತೇ ಧ್ರುವಮ್ ॥ ೧೭ ॥