॥ Sri Lila Shatanama Stotra Bengali Lyrics ॥
॥ লীলাশতনামস্তোত্রম্ ॥
কৃষ্ণলীলাশতনামস্তোত্রম্
শাণ্ডিল্য উবাচ ।
অথ লীলাশতং স্তোত্রং প্রবক্ষ্যামি হরেঃ প্রিয়ম্ ।
য়স্যাভ্যসনতঃ সদ্যঃ প্রীয়তে পুরুষোত্তমঃ ॥ ১ ॥
য়দুক্তং শ্রীমতা পূর্বং প্রিয়ায়ৈ প্রীতিপূর্বকম্ ।
ললিতায়ৈ য়থাপ্রোক্তং সা মহ্যং কৃপয়া জগৌ ॥ ২ ॥
শ্রুতিভির্যত্পুরা প্রোক্তং মুনিভির্যত্পুরোদিতম্ ।
তদহং বো বর্ণয়িষ্যে শ্রদ্ধালূন্ সংমতান্ শুচীন্ ॥ ৩ ॥
লীলানামশতস্যাস্য ঋষয়োঽগ্নিসমুদ্ভবাঃ ।
দেবতা শীপতির্নিত্যলীলানুগ্রহবিগ্রহঃ ॥ ৪ ॥
ছন্দাংস্যনুষ্টুপ্ রূপাণি কীর্তিতানি মুনীশ্বরাঃ ।
বীজং ভক্তানুগ্রহকৃত্ শক্তিলীলাপ্রিয়ঃ প্রভুঃ ॥ ৫ ॥
শ্রীকৃষ্ণভগবত্প্রীতিদ্বারা স্বার্থে নিয়োজনম্ ।
সর্বেশ্বরশ্চ সর্বাত্মা সর্বতোঽস্রেণ রক্ষতু ॥ ৬ ॥
শ্রীকৃষ্ণঃ সচ্চিদানন্দঃ স্বতন্ত্রপরমাবধিঃ ।
লীলাকর্তা বাললীলো নিজানন্দৈকবিগ্রহঃ ॥ ৭ ॥
লীলাশক্তির্নিজলীলাসৃষ্টিদেহো বিনোদকৃত্ ।
বৃন্দাবনে গোপিগোপগোদ্বিজাদিসচিন্ময়ঃ ॥ ৮ ॥
বাক্সৃষ্টিকর্তা নাদাত্মা প্রণবো বর্ণরূপধৃক্ ॥ ৯ ॥
প্রকৃতিঃ প্রত্যয়ো বাক্যো বেদো বেদাঙ্গজঃ কবিঃ ।
মায়োদ্ভবোদ্ভবোঽচিন্ত্যকার্যো জীবপ্রবর্তকঃ ॥ ১০ ॥
নানাতত্ত্বানুরূপশ্চ কালকর্মস্বভাবকঃ ।
বেদানুগো বেদবেত্তা নিয়তো মুক্তবন্ধনঃ ॥ ১১ ॥
অসুরক্লেশদো ক্লিষ্টজননিদ্রারতিপ্রদঃ ।
নারায়ণো হৃষীকেশো দেবদেবো জনার্দনঃ ॥ ১২ ॥
স্ববর্ণাশ্রমধর্মাত্মা সংস্কৃতঃ শুদ্ধমানসঃ ।
অগ্নিহোত্রাদিপঞ্চাত্মা স্বর্গলোকফলপ্রদঃ ॥ ১৩ ॥
শুদ্ধাত্মজ্ঞানদো জ্ঞানগম্যঃস্বানন্দদায়কঃ ।
দেবানন্দকরো মেঘশ্যামলঃ সত্ত্ববিগ্রহঃ । ১৪ ॥
গম্ভীরোঽনবগাহ্যশ্রীদ্বিভুজো মুরলীধরঃ ।
পূর্ণানন্দঘনঃ সাক্ষাত্ কোটিমন্মথমন্মথঃ ॥ ১৫ ॥
শ্রুতিগম্যো ভক্তিগম্যো মুনিগম্যো ব্রজেশ্বরঃ ।
শ্রীয়শোদাসুতো নন্দভাগ্যচিন্তামণিঃ প্রভুঃ ॥ ১৬ ॥
অবিদ্যাহরণঃ সর্বদোষসঙ্ঘবিনাশকঃ ।
নিঃসাধনোদ্ধারদক্ষো ভক্তানুগ্রহকাতরঃ ॥ ১৭ ॥
সর্বসামর্থ্যসহিতো দৈবদোষনিবারকঃ ।
কুমারিকানুগ্রহকৃদ্ য়োগমায়াপ্রসাদকৃত্ ॥ ১৮ ॥
ব্রহ্মানন্দপরানন্দভজনানন্দদায়কঃ ।
লোকব্যামোহকৃত্স্বীয়ানুগ্রহো বেণুবাদতঃ ॥ ১৯ ॥
নিত্যলীলারাসরতো নিত্যলীলাফলপ্রদঃ ।
মূঢোদ্ধারকরো রাজলীলাসন্তোষিতামরঃ ॥ ২০ ॥
সতাং লোকদ্বয়ানন্দদশ্চৈশ্বর্যাদিভূষিতঃ ।
নিরোধলীলাসম্পত্তির্দশলীলাপরায়ণঃ ॥ ২১ ॥
দ্বাদশাঙ্গবপুঃ শ্রীমাঁশ্চতৃর্ব্যূহশ্চতুর্ময়ঃ ।
গোকুলানন্দদঃ শ্রীমদ্ গোবর্ধনকৃতাশ্রয়ঃ ॥ ২২ ॥
চরাচরানুগ্রহকৃদ্বংশীবাদ্যবিশারদঃ ।
দেবকীনন্দনো দ্বারাপতির্গোবর্ধনাদ্রিভৃত্ ॥ ২৩ ॥
শ্রীগোকুলসুধানাথঃ শ্রীমুকুন্দোঽতিসুন্দরঃ ।
বাললীলারতো হৈয়ঙ্গবীনরসতত্পরঃ ॥ ২৪ ॥
নৃত্যপ্রিয়ো য়ুগ্মলীলো ত্রিভঙ্গললিতাকৃতিঃ ।
আচার্যানুগৃহীতাত্মা করুণাবরুণালয়ঃ ॥ ২৫ ॥
শ্রীরাধিকাপ্রেমমূর্তিঃ শ্রীচন্দ্রাবলিবল্লভঃ ।
ললিতাপ্রাণনাথঃ শ্রীকলিন্দগিরিজাপ্রিয়ঃ ॥ ২৬ ॥
অপ্রাকৃতগুণোদারো ব্রহ্মেশেন্দ্রাদিবন্দিতঃ ।
পবিত্রকীর্তিঃশ্রীনাথো বৃন্দারণ্যপুরন্দরঃ ॥ ২৭ ॥
ইতি লীলাশতং নাম্নাং নিজাত্মকসমন্বিতম্ ।
য়ঃ পঠেত্প্রত্যহং প্রীত্যা তং প্রীণাতি স মাধবঃ ॥ ২৮ ॥
ঈষণাত্রয়নির্মুক্তো য়া পঠেদ্ধরিসন্নিধৌ ।
সোঽচলাং ভক্তিমাপ্নোতি ইতি সত্যং মুনীশ্বরাঃ ॥ ২৯ ॥
ঈষণাত্রয়সম্পন্নং য়স্য চিত্ত প্রখিদ্যতি ।
তেনাত্র ধ্যানগম্যেন প্রকারেণ সমাপ্যতে ॥ ৩০ ॥
পুত্রেষণাসু সর্বাসু ধ্যায়েত্পুত্রপ্রদং হরিম্ ।
ব্রহ্মাণং মোহয়ত্তেন বরাবাপ্তিঃ প্রজায়তে ॥ ৩১ ॥
বিত্তেষণাস্সু বাসাংসি ভূষণানি শিখামণিম্ ।
বদন্তং বিষয়ীকুর্বংল্লভতে তত্ স্থিরঞ্চ য়ত্ ॥ ৩২ ॥
লোকেষণাসু নন্দস্য সাধয়ন্পরতন্ত্রতাম্ ।
ধ্যাত্বা হৃদি মহাভাগ্যো ভবেল্লোকদ্বয়ে পুমান্ ॥ ৩৩ ॥
সমর্চ্য ভগবন্তং তং শালগ্রামস্য মন্দিরে ।
নমোঽন্তৈর্নামসন্মন্ত্রৈর্দদ্যাদ্বৃন্দাদলান্যসৌ ॥ ৩৪ ॥
নিবেদয়েত্ততঃ স্বার্থং মধ্যাহ্নে পররাত্রকে ।
তেন সর্বমবাপ্নোতি প্রসীদতি ততস্ত্বমুম্ ॥ ৩৫ ॥
সর্বাপরাধহরণং সর্বদোষনিবারণম্ ।
সর্বভক্তিপ্রজননং ভাবস্য সদৃশং পরম্ ॥ ৩৬ ॥
এতস্যৈব সমাসাদ্য গায়ত্র্যাখ্যং মহামনুম্ ।
পঠেন্নাম্না সহস্রং চ সুদামাদিসমো ভবেত্ ॥ ৩৭ ॥
অনয়োঃ সদৃশং নাস্তি প্রকারোঽত্রাপরঃ পরঃ ।
কামব্যাকুলচিতস্য শোধনায় সতাং মতঃ ॥ ৩৮ ॥
ন সৌষধী মতা পুংসা য়া গদান্তরমর্পয়েত্ ।
প্রকৃতং সন্নিবর্ত্যাঘং বাসনাং য়া ন সংহরেত্ ॥ ৩৯ ॥
বিষয়াক্রান্তচিত্তানাং নাবেশঃ কর্হিচিদ্ধরেঃ ।
ততো নিবৃত্তিঃ কার্যেভ্য ইত্যাহ তনয়ং বিধিঃ ॥ ৪০ ॥
শ্রীকৃষ্ণেতি মহামন্ত্রং শ্রীকৃষ্ণেতি মহৌষধী ।
য়ে ভজন্তি মহাভাগাস্তেষাং কিং কিং ন সিদ্ধয়তি ॥ ৪১ ॥
ইতি লীলাশতনামস্তোত্রং সম্পূর্ণম্ ।
ইতি শ্রীশাণ্ডিল্যসংহিতায়াং পঞ্চমে ভক্তিখণ্ডে দ্বিতীয়ভাগে
তৃতীয়ো অষ্টাদশোঽধ্যায়ঃ ॥ ১৮ ॥
– Chant Stotra in Other Languages –
Sri Lila Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil