॥ Rama Ashtottarashatanama Stotram Bengali Lyrics ॥
॥ রামাষ্টোত্তরশতনামস্তোত্রম্ ॥
॥ অথ শ্রীমদানন্দরামায়ণান্তর্গত শ্রী
রামাষ্টোত্তরশতনাম স্তোত্রম্ ॥
বিষ্ণুদাস উবাচ-
ওঁ অস্য শ্রীরামচন্দ্রনামাষ্টোত্তরশতমন্ত্রস্য ব্রহ্মা ঋষিঃ ।
অনুষ্টুপ্ ছন্দঃ । জানকীবল্লভঃ শ্রীরামচন্দ্রো দেবতা ॥
ওঁ বীজম্ । নমঃ শক্তিঃ । শ্রীরামচন্দ্রঃ কীলকম্ ।
শ্রীরামচন্দ্রপ্রীত্যর্থে জপে বিনিয়োগঃ ॥
অঙ্গুলীন্যাসঃ ।
ওঁ নমো ভগবতে রাজাধিরাজায় পরমাত্মনে অঙ্গুষ্ঠাভ্যাং নমঃ ।
ওঁ নমো ভগবতে বিদ্যাধিরাজায় হয়গ্রীবায় তর্জনীভ্যাং নমঃ ।
ওঁ নমো ভগবতে জানকীবল্লভায় মধ্যমাভ্যাং নমঃ ।
ওঁ নমো ভগবতে রঘুনন্দনায়ামিততেজসে অনামিকাভ্যাং নমঃ ।
ওঁ নমো ভগবতে ক্ষীরাব্ধিমধ্যস্থায় নারায়ণায় কনিষ্ঠিকাভ্যাং নমঃ ।
ওঁ নমো ভগবতে সত্প্রকাশায় রামায় করতলকরপৃষ্ঠাভ্যাং নমঃ ।
ষডঙ্গন্যাসঃ ।
ওঁ নমো ভগবতে রাজাধিরাজায় পরমাত্মনে হৃদয়ায় নমঃ ।
ওঁ নমো ভগবতে বিদ্যাধিরাজায় হয়গ্রীবায় শিরসে স্বাহা ।
ওঁ নমো ভগবতে জানকীবল্লভায় শিখায়ৈ বষট্ ।
ওঁ নমো ভগবতে রঘুনন্দনায়ামিততেজসে কবচায় হুম্ ।
ওঁ নমো ভগবতে ক্ষীরাব্ধিমধ্যস্থায় নারায়ণায় নেত্রত্রয়ায় বৌষট্ ।
ওঁ নমো ভগবতে সত্প্রকাশায় রামায় অস্ত্রায় ফট্ । ইতি দিগ্বন্ধঃ ॥
অথ ধ্যানম্ ।
মন্দারাকৃতিপুণ্যধামবিলসদ্বক্ষস্থলং কোমলং
শান্তং কান্তমহেন্দ্রনীলরুচিরাভাসং সহস্রাননম্ ।
বন্দেঽহং রঘুনন্দনং সুরপতিং কোদণ্ডদীক্ষাগুরুং
রামং সর্বজগত্সুসেবিতপদং সীতামনোবল্লভম্ ॥ ১৬ ॥
অথ স্তোত্রম্ ।
সহস্রশীর্ষ্ণে বৈ তুভ্যং সহস্রাক্ষায় তে নমঃ ।
নমঃ সহস্রহস্তায় সহস্রচরণায় চ ॥ ১৭ ॥
নমো জীমূতবর্ণায় নমস্তে বিশ্বতোমুখ ।
অচ্যুতায় নমস্তুভ্যং নমস্তে শেষশায়িনে ॥ ১৮ ॥
নমো হিরণ্যগর্ভায় পঞ্চভূতাত্মনে নমঃ ।
নমো মূলপ্রকৃতয়ে দেবানাং হিতকারিণে ॥ ১৯ ॥
নমস্তে সর্বলোকেশ সর্বদুঃখনিষূদন ।
শঙ্খচক্রগদাপদ্মজটামুকুটধারিণে ॥ ২০ ॥
নমো গর্ভায় তত্ত্বায় জ্যোতিষাং জ্যোতিষে নমঃ ।
ওঁ নমো বাসুদেবায় নমো দশরথাত্মজ ॥ ২১ ॥
নমো নমস্তে রাজেন্দ্র সর্বসম্পত্প্রদায় চ ।
নমঃ কারুণ্যরূপায় কৈকেয়ীপ্রিয়কারিণে ॥ ২২ ॥
নমো দন্তায় শান্তায় বিশ্বামিত্রপ্রিয়ায় তে ।
য়জ্ঞেশায় নমস্তুভ্যং নমস্তে ক্রতুপালক ॥ ২৩ ॥
নমো নমঃ কেশবায় নমো নাথায় শর্ঙ্গিণে ।
নমস্তে রামচন্দ্রায় নমো নারায়ণায় চ ॥ ২৪ ॥
নমস্তে রামচন্দ্রায় মাধবায় নমো নমঃ ।
গোবিন্দ্রায় নমস্তুভ্যং নমস্তে পরমাত্মনে ॥ ২৫ ॥
নমস্তে বিষ্ণুরূপায় রঘুনাথায় তে নমঃ ।
নমস্তেঽনাথনাথায় নমস্তে মধুসূদন ॥ ২৬ ॥
ত্রিবিক্রম নমস্তেঽস্তু সীতায়াঃ পতয়ে নমঃ ।
বামনায় নমস্তুভ্যং নমস্তে রাঘবায় চ ॥ ২৭ ॥
নমো নমঃ শ্রীধরায় জানকীবল্লভায় চ ।
নমস্তেঽস্তু হৃষীকেশ কন্দর্পায় নমো নমঃ ॥ ২৮ ॥
নমস্তে পদ্মনাভায় কৌসল্যাহর্ষকারিণে ।
নমো রাজীবনেত্রায় নমস্তে লক্ষ্মণাগ্রজ ॥ ২৯ ॥
নমো নমস্তে কাকুত্স্থ নমো দামোদরায় চ ।
বিভীষণপরিত্রাতর্নমঃ সঙ্কর্ষণায় চ ॥ ৩০ ॥
বাসুদেব নমস্তেঽস্তু নমস্তে শঙ্করপ্রিয় ।
প্রদ্যুম্নায় নমস্তুভ্যমনিরুদ্ধায় তে নমঃ ॥ ৩১ ॥
সদসদ্ভক্তিরূপায় নমস্তে পুরুষোত্তম ।
অধোক্ষজ নমস্তেঽস্তু সপ্ততালহরায় চ ॥ ৩২ ॥
খরদূষণসংহর্ত্রে শ্রীনৃসিম্হায় তে নমঃ ।
অচ্যুতায় নমস্তুভ্যং নমস্তে সেতুবন্ধক ॥ ৩৩ ॥
জনার্দন নমস্তেঽস্তু নমো হনুমদাশ্রয় ।
উপেন্দ্রচন্দ্রবন্দ্যায় মারীচমথনায় চ ॥ ৩৪ ॥
নমো বালিপ্রহরণ নমঃ সুগ্রীবরাজ্যদ ।
জামদগ্ন্যমহাদর্পহরায় হরয়ে নমঃ ॥ ৩৫ ॥
নমো নমস্তে কৃষ্ণায় নমস্তে ভরতাগ্রজ ।
নমস্তে পিতৃভক্তায় নমঃ শত্রুঘ্নপূর্বজ ॥ ৩৬ ॥
অয়োধ্যাধিপতে তুভ্যং নমঃ শত্রুঘ্নসেবিত ।
নমো নিত্যায় সত্যায় বুদ্ধ্যাদিজ্ঞানরূপিণে ॥ ৩৭ ॥
অদ্বৈতব্রহ্মরূপায় জ্ঞানগম্যায় তে নমঃ ।
নমঃ পূর্ণায় রম্যায় মাধবায় চিদাত্মনে ॥ ৩৮ ॥
অয়োধ্যেশায় শ্রেষ্ঠায় চিন্মাত্রায় পরাত্মনে ।
নমোঽহল্যোদ্ধারণায় নমস্তে চাপভঞ্জিনে ॥ ৩৯ ॥
সীতারামায় সেব্যায় স্তুত্যায় পরমেষ্ঠিনে ।
নমস্তে বাণহস্তায় নমঃ কোদণ্ডধারিণে ॥ ৪০ ॥
নমঃ কবন্ধহন্ত্রে চ বালিহন্ত্রে নমোঽস্তু তে ।
নমস্তেঽস্তু দশগ্রীবপ্রাণসংহারকারিণে ॥ ৪১ ॥ ১০৮
অষ্টোত্তরশতং নাম্নাং রমচন্দ্রস্য পাবনম্
এতত্প্রোক্তং ময়া শ্রেষ্ঠ সর্বপাতকনাশনম্ ॥ ৪২ ॥
প্রচরিষ্যতি তল্লোকে প্রাণ্যদৃষ্টবশাদ্দ্বিজ ।
তস্য কীর্তনমাত্রেণ জনা য়াস্যন্তি সদ্গতিম্ ॥ ৪৩ ॥
তাবদ্বিজৃম্ভতে পাপং ব্রহ্মহত্যাপুরঃসরম্।
য়াবন্নামাষ্টকশতং পুরুষো ন হি কীর্তয়েত্ ॥ ৪৪ ॥
তাবত্কলের্মহোত্সাহো নিঃশঙ্কং সম্প্রবর্ততে ।
য়াবচ্ছ্রীরামচন্দ্রস্য শতনাম্নাং ন কীর্তনম্ ॥ ৪৬ ॥
তাবত্স্বরূপং রামস্য দুর্বোধং প্রাণিনাং স্ফুটম্ ।
য়াবন্ন নিষ্ঠয়া রামনামমাহাত্ম্যমুত্তমম্ ॥ ৪৭ ॥
কীর্তিতং পঠিতং চিত্তে ধৃতং সংস্মারিতং মুদা ।
অন্যতঃ শৃণুয়ান্মর্ত্যঃ সোঽপি মুচ্যেত পাতকাত্ ॥ ৪৮ ॥
ব্রহ্মহত্যাদিপাপানাং নিষ্কৃতিং য়দি বাঞ্ছতি ।
রামস্তোত্রং মাসমেকং পঠিত্বা মুচ্যতে নরঃ ॥ ৪৯ ॥
দুষ্প্রতিগ্রহদুর্ভোজ্যদুরালাপাদিসম্ভবম্ ।
পাপং সকৃত্কীর্তনেন রামস্তোত্রং বিনাশয়েত্ ॥ ৫০ ॥
শ্রুতিস্মৃতিপুরাণেতিহাসাগমশতানি চ ।
অর্হন্তি নাল্পাং শ্রীরামনামকীর্তিকলামপি ॥ ৫১ ॥
অষ্টোত্তরশতং নাম্নাং সীতারামস্য পাবনম্ ।
অস্য সঙ্কীর্তনাদেব সর্বান্ কামান্ লভেন্নরঃ ॥ ৫২ ॥
পুত্রার্থী লভতে পুত্রান্ ধনার্থী ধনমাপ্নুয়াত্ ।
স্ত্রিয়ং প্রাপ্নোতি পত্ন্যর্থী স্তোত্রপাঠশ্রবাদিনা ॥ ৫৩ ॥
কুম্ভোদরেণ মুনিনা য়েন স্তোত্রেণ রাঘবঃ ।
স্তুতঃ পূর্বং য়জ্ঞবাটে তদেতত্ত্বাং ময়োদিতম্ ॥ ৫৪ ॥
ইতি শ্রীশতকোটিরামচরিতান্তর্গতে শ্রীমদানন্দরামায়ণে বাল্মীকীয়ে
য়াত্রাকাণ্ডে শ্রীরামনামাষ্টোত্তরশতনামস্তোত্রং নাম পঞ্চমঃ সর্গঃ ॥
– Chant Stotra in Other Languages –
Sri Vishnu Slokam » Sri Rama Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil