॥ Sri Vishnu Shatanama Stotram Odia Lyrics ॥
॥ ଶ୍ରୀଵିଷ୍ଣୋଃ ଶତନାମସ୍ତୋତ୍ରମ୍ ॥
ଶ୍ରୀ ଗଣେଶାୟ ନମଃ ।
ନାରଦ ଉଵାଚ ।
ଓଂ ଵାସୁଦେଵଂ ହୃଷୀକେଶଂ ଵାମନଂ ଜଲଶାୟିନମ୍ ।
ଜନାର୍ଦନଂ ହରି କୃଷ୍ଣଂ ଶ୍ରୀଵକ୍ଷଂ ଗରୁଡଧ୍ଵଜମ୍ ॥ ୧ ॥
ଵାରାହଂ ପୁଣ୍ଡରୀକାକ୍ଷଂ ନୃସିଂହଂ ନରକାନ୍ତକମ୍ ।
ଅଵ୍ୟକ୍ତଂ ଶାଶ୍ଵତଂ ଵିଷ୍ଣୁମନନ୍ତମଜମଵ୍ୟୟମ୍ ॥ ୨ ॥
ନାରାୟଣଂ ଗଦାଧ୍ୟକ୍ଷଂ ଗୋଵିନ୍ଦଂ କୀର୍ତିଭାଜନମ୍ ।
ଗୋଵର୍ଧନୋଦ୍ଧରଂ ଦେଵଂ ଭୂଧରଂ ଭୁଵନେଶ୍ଵରମ୍ ॥ ୩ ॥
ଵେତ୍ତାରଂ ୟଜ୍ଞପୁରୁଷଂ ୟଜ୍ଞେଶଂ ୟଜ୍ଞଵାହକମ୍ ।
ଚକ୍ରପାଣିଂ ଗଦାପାଣିଂ ଶଙ୍ଖପାଣିଂ ନରୋତ୍ତମମ୍ ॥ ୪ ॥
ଵୈକୁଣ୍ଠଂ ଦୁଷ୍ଟଦମନଂ ଭୂଗର୍ଭଂ ପୀତଵାସସମ୍ ।
ତ୍ରିଵିକ୍ରମଂ ତ୍ରିକାଲଜ୍ଞଂ ତ୍ରିମୂର୍ତିଂ ନନ୍ଦିକେଶ୍ଵରମ୍ ॥ ୫ ॥
ରାମଂ ରାମଂ ହୟଗ୍ରୀଵଂ ଭୀମଂ ରୌଦ୍ରଂ ଭଵୋଦ୍ଭଵମ୍ ।
ଶ୍ରୀପତିଂ ଶ୍ରୀଧରଂ ଶ୍ରୀଶଂ ମଙ୍ଗଲଂ ମଙ୍ଗଲାୟୁଧମ୍ ॥ ୬ ॥
ଦାମୋଦରଂ ଦମୋପେତଂ କେଶଵଂ କେଶିସୂଦନମ୍ ।
ଵରେଣ୍ୟଂ ଵରଦଂ ଵିଷ୍ଣୁମାନନ୍ଦଂ ଵସୁଦେଵଜମ୍ ॥ ୭ ॥
ହିରଣ୍ୟରେତସଂ ଦୀପ୍ତଂ ପୁରାଣଂ ପୁରୁଷୋତ୍ତମମ୍ ।
ସକଲଂ ନିଷ୍କଲଂ ଶୁଦ୍ଧଂ ନିର୍ଗୁଣଂ ଗୁଣଶାଶ୍ଵତମ୍ ॥ ୮ ॥
ହିରଣ୍ୟତନୁସଙ୍କାଶଂ ସୂର୍ୟାୟୁତସମପ୍ରଭମ୍ ।
ମେଘଶ୍ୟାମଂ ଚତୁର୍ବାହୁଂ କୁଶଲଂ କମଲେକ୍ଷଣମ୍ ॥ ୯ ॥
ଜ୍ୟୋତୀରୂପମରୂପଂ ଚ ସ୍ଵରୂପଂ ରୂପସଂସ୍ଥିତମ୍ ।
ସର୍ଵଜ୍ଞଂ ସର୍ଵରୂପସ୍ଥଂ ସର୍ଵେଶଂ ସର୍ଵତୋମୁଖମ୍ ॥ ୧୦ ॥
ଜ୍ଞାନଂ କୂଟସ୍ଥମଚଲଂ ଜ୍ଞାନଦଂ ପରମଂ ପ୍ରଭୁମ୍ ।
ୟୋଗୀଶଂ ୟୋଗନିଷ୍ଣାତଂ ୟୋଗିନଂ ୟୋଗରୂପିଣମ୍ ॥ ୧୧ ॥
ଈଶ୍ଵରଂ ସର୍ଵଭୂତାନାଂ ଵନ୍ଦେ ଭୂତମୟଂ ପ୍ରଭୁମ୍ ।
ଇତି ନାମଶତଂ ଦିଵ୍ୟଂ ଵୈଷ୍ଣଵଂ ଖଲୁ ପାପହମ୍ ॥ ୧୨ ॥
ଵ୍ୟାସେନ କଥିତଂ ପୂର୍ଵଂ ସର୍ଵପାପପ୍ରଣାଶନମ୍ ।
ୟଃ ପଠେତ୍ପ୍ରାତରୁତ୍ଥାୟ ସ ଭଵେଦ୍ଵୈଷ୍ଣଵୋ ନରଃ ॥ ୧୩ ॥
ସର୍ଵପାପଵିଶୁଦ୍ଧାତ୍ମା ଵିଷ୍ଣୁସାୟୁଜ୍ୟମାପ୍ନୁୟାତ୍ ।
ଚାନ୍ଦ୍ରାୟଣସହସ୍ରାଣି କନ୍ୟାଦାନଶତାନି ଚ ॥ ୧୪ ॥
ଗଵାଂ ଲକ୍ଷସହସ୍ରାଣି ମୁକ୍ତିଭାଗୀ ଭଵେନ୍ନରଃ ।
ଅଶ୍ଵମେଧାୟୁତଂ ପୁଣ୍ୟଂ ଫଲଂ ପ୍ରାପ୍ନୋତି ମାନଵଃ ॥ ୧୫ ॥
। ଇତି ଶ୍ରୀଵିଷ୍ଣୁପୁରାଣେ ଵିଷ୍ଣୁଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Vishnu Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil