॥ Sri Ketu Kavacham Kannada Lyrics ॥
॥ ಶ್ರೀ ಕೇತು ಕವಚಂ ॥
ಓಂ ಅಸ್ಯ ಶ್ರೀಕೇತುಕವಚಸ್ತೋತ್ರಮಹಾಮನ್ತ್ರಸ್ಯ ಪುರನ್ದರ ಋಷಿಃ – ಅನುಷ್ಟುಪ್ಛನ್ದಃ – ಕೇತುರ್ದೇವತಾ – ಕಂ ಬೀಜಂ – ನಮಃ ಶಕ್ತಿಃ – ಕೇತುರಿತಿ ಕೀಲಕಮ್ – ಮಮ ಕೇತುಕೃತ ಪೀಡಾ ನಿವಾರಣಾರ್ಥೇ ಸರ್ವರೋಗನಿವಾರಣಾರ್ಥೇ ಸರ್ವಶತ್ರುವಿನಾಶನಾರ್ಥೇ ಸರ್ವಕಾರ್ಯಸಿದ್ಧ್ಯರ್ಥೇ ಕೇತುಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಧ್ಯಾನಮ್ –
ಧೂಮ್ರವರ್ಣಂ ಧ್ವಜಾಕಾರಂ ದ್ವಿಭುಜಂ ವರದಾಂಗದಮ್
ಚಿತ್ರಾಮ್ಬರಧರಂ ಕೇತುಂ ಚಿತ್ರಗನ್ಧಾನುಲೇಪನಮ್ ।
ವೈಡೂರ್ಯಾಭರಣಂ ಚೈವ ವೈಡೂರ್ಯ ಮಕುಟಂ ಫಣಿಮ್
ಚಿತ್ರಂಕಫಾಧಿಕರಸಂ ಮೇರುಂ ಚೈವಾಪ್ರದಕ್ಷಿಣಮ್ ॥
ಕೇತುಂ ಕರಾಲವದನಂ ಚಿತ್ರವರ್ಣಂ ಕಿರೀಟಿನಮ್ ।
ಪ್ರಣಮಾಮಿ ಸದಾ ದೇವಂ ಧ್ವಜಾಕಾರಂ ಗ್ರಹೇಶ್ವರಮ್ ॥ ೧ ॥
ಕವಚಮ್ –
ಚಿತ್ರವರ್ಣಃ ಶಿರಃ ಪಾತು ಫಾಲಂ ಮೇ ಧೂಮ್ರವರ್ಣಕಃ ।
ಪಾತು ನೇತ್ರೇ ಪಿಙ್ಗಲಾಕ್ಷಃ ಶ್ರುತೀ ಮೇ ರಕ್ತಲೋಚನಃ ॥ ೨ ॥
ಘ್ರಾಣಂ ಪಾತು ಸುವರ್ಣಾಭೋ ದ್ವಿಭುಜಂ ಸಿಂಹಿಕಾಸುತಃ ।
ಪಾತು ಕಣ್ಠಂ ಚ ಮೇ ಕೇತುಃ ಸ್ಕನ್ಧೌ ಪಾತು ಗ್ರಹಾಧಿಪಃ ॥ ೩ ॥
ಬಾಹೂ ಪಾತು ಸುರಶ್ರೇಷ್ಠಃ ಕುಕ್ಷಿಂ ಪಾತು ಮಹೋರಗಃ ।
ಸಿಂಹಾಸನಃ ಕಟಿಂ ಪಾತು ಮಧ್ಯಂ ಪಾತು ಮಹಾಸುರಃ ॥ ೪ ॥
ಊರೂ ಪಾತು ಮಹಾಶೀರ್ಷೋ ಜಾನುನೀ ಚ ಪ್ರಕೋಪನಃ ।
ಪಾತು ಪಾದೌ ಚ ಮೇ ರೌದ್ರಃ ಸರ್ವಾಙ್ಗಂ ರವಿಮರ್ದಕಃ ॥ ೫ ॥
ಇದಂ ಚ ಕವಚಂ ದಿವ್ಯಂ ಸರ್ವರೋಗವಿನಾಶನಮ್ ।
ಸರ್ವದುಃಖವಿನಾಶಂ ಚ ಸತ್ಯಮೇತನ್ನಸಂಶಯಃ ॥ ೬ ॥
ಇತಿ ಪದ್ಮಪುರಾಣೇ ಕೇತುಕವಚಮ್ ।
– Chant Stotra in Other Languages –
Sri Ketu Kavacham in English – Sanskrit – Kannada – Telugu – Tamil