॥ Sri Rama Pancharatnam Kannada Lyrics ॥
॥ ಶ್ರೀ ರಾಮ ಪಂಚರತ್ನಂ ॥
ಕಂಜಾತಪತ್ರಾಯತಲೋಚನಾಯ
ಕರ್ಣಾವತಂಸೋಜ್ಜ್ವಲಕುಂಡಲಾಯ ।
ಕಾರುಣ್ಯಪಾತ್ರಾಯ ಸುವಂಶಜಾಯ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೧ ॥
ವಿದ್ಯುನ್ನಿಭಾಂಭೋದಸುವಿಗ್ರಹಾಯ
ವಿದ್ಯಾಧರೈಃ ಸಂಸ್ತುತಸದ್ಗುಣಾಯ ।
ವೀರಾವತಾರಾಯ ವಿರೋಧಿಹನ್ತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೨ ॥
ಸಂಸಕ್ತದಿವ್ಯಾಯುಧಕಾರ್ಮುಕಾಯ
ಸಮುದ್ರಗರ್ವಾಪಹರಾಯುಧಾಯ ।
ಸುಗ್ರೀವಮಿತ್ರಾಯ ಸುರಾರಿಹನ್ತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೩ ॥
ಪೀತಾಂಬರಾಲಂಕೃತಮಧ್ಯಕಾಯ
ಪಿತಾಮಹೇಂದ್ರಾಮರವಂದಿತಾಯ ।
ಪಿತ್ರೇ ಸ್ವಭಕ್ತಸ್ಯ ಜನಸ್ಯ ಮಾತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೪ ॥
ನಮೋ ನಮಸ್ತೇಽಖಿಲಪೂಜಿತಾಯ
ನಮೋ ನಮಶ್ಚಂದ್ರನಿಭಾನನಾಯ ।
ನಮೋ ನಮಸ್ತೇ ರಘುವಂಶಜಾಯ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೫ ॥
ಇಮಾನಿ ಪಂಚರತ್ನಾನಿ ತ್ರಿಸಂಧ್ಯಂ ಯಃ ಪಠೇನ್ನರಃ ।
ಸರ್ವಪಾಪವಿನಿರ್ಮುಕ್ತಃ ಸ ಯಾತಿ ಪರಮಾಂ ಗತಿಮ್ ॥ ೬ ॥
ಇತಿ ಶ್ರೀರಾಮಕರ್ಣಾಮೃತಾಂತರ್ಗತಂ ಶ್ರೀರಾಮಪಂಚರತ್ನಮ್ ।
– Chant Stotra in Other Languages –
Sri Rama Pancharatnam in Sanskrit – English – Kannada – Telugu – Tamil